സ​മ​ര​ക്ക​ള​മാ​യി മെഡിക്കൽ കോളജ് ആശുപത്രി പരിസരം; യൂത്ത്​ കോൺഗ്രസ്​ പ്രതിഷേധം സംഘർഷാവസ്ഥയിലെത്തി

കോ​ട്ട​യം: ആ​രോ​ഗ്യ​മ​ന്ത്രി​യു​ടെ രാ​ജി ആ​വ​ശ്യ​പ്പെ​ട്ട്​ പ്ര​തി​പ​ക്ഷ സം​ഘ​ട​ന​ക​ൾ പ്ര​ക്ഷോ​ഭ​വു​മാ​യി അ​ണി​നി​ര​ന്ന​തോ​ടെ മെ​ഡി​ക്ക​ൽ കോ​ള​ജ്​ ആ​ശു​പ​ത്രി ക​വാ​ടം സ​മ​ര​ക്ക​ള​മാ​യി. കെ​ട്ടി​ടം ത​ക​ർ​ന്നു​വീ​ണ്​ ത​ല​യോ​ല​പ്പ​റ​മ്പ്​ സ്വ​ദേ​ശി​നി മ​രി​ച്ച സം​ഭ​വ​ത്തി​ൽ​ കോ​ൺ​ഗ്ര​സ്, യൂ​ത്ത്​ കോ​ൺ​ഗ്ര​സ്, ബി.​ജെ.​പി, എ​സ്.​യു.​സി.​ഐ പ്ര​വ​ർ​ത്ത​ക​രാ​ണ്​ ആ​ശു​പ​ത്രി​യി​ലേ​ക്ക്​ മാ​ർ​ച്ച്​​ ന​ട​ത്തി​യ​ത്. യൂ​ത്ത്​ കോ​ൺ​ഗ്ര​സ്​ പ്ര​തി​ഷേ​ധം ഏ​റെ നേ​രം ആ​​ശു​പ​ത്രി ക​വാ​ട​ത്തെ സം​ഘ​ർ​ഷാ​വ​സ്ഥ​യി​ലാ​ക്കി. സം​സ്ഥാ​ന അ​ധ്യ​ക്ഷ​ൻ രാ​ഹു​ൽ മാ​ങ്കൂ​ട്ട​ത്തി​ൽ എം.​എ​ൽ.​എ, വൈ​സ്​ പ്ര​സി​ഡ​ന്‍റ്​ അ​ബി​ൻ വ​ർ​ക്കി, ചാ​ണ്ടി ഉ​മ്മ​ൻ എം.​എ​ൽ.​എ എ​ന്നി​വ​രു​ടെ നേ​തൃ​ത്വ​ത്തി​ലാ​ണ്​ യൂ​ത്ത്​ കോ​ൺ​ഗ്ര​സ്​ ആ​ശു​പ​ത്രി​യു​ടെ പു​തി​യ ക​വാ​ട​ത്തി​ലേ​ക്ക്​ മാ​ർ​ച്ച്​ ന​ട​ത്തി​യ​ത്.

ഗേ​റ്റി​ന്‍റെ ഒ​രു ഭാ​ഗം ബാ​രി​ക്കേ​ഡ്​ ​വെ​ച്ച്​ അ​ട​ക്കു​ക​യും മ​റ്റൊ​രു ഭാ​ഗം പൊ​തു​ജ​ന​ങ്ങ​ൾ​ക്ക്​ പ്ര​വേ​ശി​ക്കാ​ൻ തു​റ​ന്നി​ടു​ക​യും ചെ​യ്​​തി​രു​ന്നു. ബാ​രി​ക്കേ​ഡ്​ വ​ലി​ച്ചി​ടാ​ൻ ശ്ര​മി​ച്ച പ്ര​വ​ർ​ത്ത​ക​രും പൊ​ലീ​സും ത​മ്മി​ൽ വാ​ക്കേ​റ്റ​വും ഉ​ന്തും​ത​ള്ളു​മു​ണ്ടാ​യി. പൊ​ലീ​സി​ന്‍റെ ഷീ​ൽ​ഡു​ക​ളി​ലൊ​ന്ന്​ ​ൈക​ക്ക​ലാ​ക്കി​യ പ്ര​വ​ർ​ത്ത​ക​ർ ത​റ​യി​ല​ടി​ച്ച്​ പൊ​ട്ടി​ക്കാ​ൻ ശ്ര​മി​ച്ചു. പു​റ​ത്തു​നി​ന്ന്​ വ​ടി​യും പ്ലാ​സ്റ്റി​ക്​ വീ​പ്പ​യു​മൊ​ക്കെ അ​ക​ത്തേ​ക്ക്​ പ​റ​ക്കാ​ൻ തു​ട​ങ്ങി​യ​തോ​ടെ പൊ​ലീ​സ്​ നി​ര​വ​ധി ത​വ​ണ ജ​ല​പീ​ര​ങ്കി പ്ര​യോ​ഗി​ച്ചു. ജ​ല​പീ​ര​ങ്കി​യി​ലെ വെ​ള്ളം തീ​ർ​ന്ന​തോ​ടെ ബാ​രി​ക്കേ​ഡു​ക​ൾ​ മ​റി​ച്ചി​ട്ട്​ അ​തി​നു​മു​ക​ളി​ലൂ​ടെ ഗേ​റ്റി​ന​പ്പു​റം ക​ട​ന്ന പ്ര​വ​ർ​ത്ത​ക​ർ മ​ന്ത്രി വീ​ണ ജോ​ർ​ജി​ന്‍റെ കോ​ലം ക​ത്തി​ച്ചു.

തു​ട​ർ​ന്ന്​ ന​ട​ന്ന ധ​ർ​ണ ബാ​രി​ക്കേ​ഡി​നു​മു​ക​ളി​ൽ ക​യ​റി രാ​ഹു​ൽ മാ​ങ്കൂ​ട്ട​ത്തി​ൽ ഉ​ദ്​​ഘാ​ട​നം ചെ​യ്തു. ഇ​തി​നി​ടെ​യാ​ണ്​ ഗേ​റ്റി​നു​പു​റ​ത്ത്​ ബി.​ജെ.​പി മാ​ർ​ച്ച്​ എ​ത്തി​യ​ത്. തു​റ​ന്നു​കി​ട​ന്ന ഗേ​റ്റി​ലൂ​ടെ അ​ക​ത്തു​ക​ട​ന്ന ബി.​ജെ.​പി പ്ര​വ​ർ​ത്ത​ക​ർ നേ​രെ ഒ.​പി. ബ്ലോ​ക്കി​നു മു​ന്നി​ലേ​ക്കു​ നീ​ങ്ങി. പൊ​ലീ​സ്​ ത​ട​യാ​ൻ ശ്ര​മി​​ച്ചെ​ങ്കി​ലും ക​ഴി​ഞ്ഞി​ല്ല. ഒ.​പി. ബ്ലോ​ക്കി​നു മു​ന്നി​ലെ ധ​ർ​ണ സം​സ്ഥാ​ന വൈ​സ് പ്ര​സി​ഡ​ന്‍റ്​ ശോ​ഭ സു​രേ​ന്ദ്ര​ൻ ഉ​ദ്​​ഘാ​ട​നം ചെ​യ്തു. രാ​വി​ലെ പ​ത്ത​ര​യോ​ടെ ആ​രം​ഭി​ച്ച സ​മ​ര​പ​ര​മ്പ​ര​ ഉ​ച്ച​ക്ക്​ ര​ണ്ടു​മ​ണി​യോ​ടെ​യാ​ണ്​ അ​വ​സാ​നി​ച്ച​ത്.

വീ​ണ എ​ത്തി​യ​ത്​ മ​ര​ണ വാ​റ​ന്‍റി​ൽ ഒ​പ്പി​ടാ​ൻ- മാ​ങ്കൂ​ട്ട​ത്തി​ൽ

കോ​ട്ട​യം: ആ​രോ​ഗ്യ​മ​ന്ത്രി വീ​ണ ജോ​ർ​ജ് കൊ​ല​യാ​ളി​യെ​ന്ന്​ യൂ​ത്ത്​ കോ​ൺ​ഗ്ര​സ്​ സം​സ്ഥാ​ന അ​ധ്യ​ക്ഷ​ൻ രാ​ഹു​ൽ മാ​ങ്കൂ​ട്ട​ത്തി​ൽ. മെ​ഡി​ക്ക​ൽ കോ​ള​ജി​ലേ​ക്ക്​ ന​ട​ത്തി​യ മാ​ർ​ച്ചും ധ​ർ​ണ​യും ഉ​ദ്​​ഘാ​ട​നം ചെ​യ്യു​ക​യാ​യി​രു​ന്നു അ​ദ്ദേ​ഹം. ബി​ന്ദു​വി​ന്‍റെ മ​ര​ണ വാ​റ​ന്‍റി​ൽ ഒ​പ്പി​ടാ​ൻ പൊ​ലീ​സ്​ അ​ക​മ്പ​ടി​യോ​ടെ എ​ത്തി​യ​താ​ണ് വീ​ണ ജോ​ർ​ജും മ​ന്ത്രി വി.​എ​ൻ. വാ​സ​വ​നും. ചാ​ണ്ടി ഉ​മ്മ​ൻ പ​റ​ഞ്ഞ​ത് കേ​ട്ടി​രു​ന്നെ​ങ്കി​ൽ ബി​ന്ദു ഇ​ന്ന് ന​മ്മോ​ടൊ​പ്പം ഉ​ണ്ടാ​കു​മാ​യി​രു​ന്നു. ഏ​തെ​ങ്കി​ലും മ​ന്ത്രി​മാ​രു​ടെ ഉ​പ​ദേ​ശം കേ​ട്ട് പൊ​ലീ​സു​കാ​ർ കൈ​കാ​ര്യം ചെ​യ്യാ​ൻ വ​ന്നാ​ൽ ബാ​രി​ക്കേ​ഡ് കൊ​ണ്ടൊ​ന്നും ത​ങ്ങ​ളെ ത​ട​യാ​നാ​വി​ല്ലെ​ന്നും രാ​ഹു​ൽ പ​റ​ഞ്ഞു.

മു​ഖ്യ​മ​ന്ത്രി​യും മ​ന്ത്രി​മാ​രും ആ​ശു​പ​ത്രി​യി​ലെ​ത്തി​യി​ട്ടും ബി​ന്ദു​വി​ന്‍റെ കു​ടും​ബ​ത്തി​ന്​ ന​ഷ്​​ട​പ​രി​ഹാ​രം പ്ര​ഖ്യാ​പി​ക്കാ​തി​രു​ന്ന​ത്​ ക​ടു​ത്ത അ​വ​ഗ​ണ​ന​യെ​ന്ന്​ തി​രു​വ​ഞ്ചൂ​ർ രാ​ധാ​കൃ​ഷ്ണ​ൻ എം.​എ​ൽ.​എ ആരോപിച്ചു. ഡി.​സി.​സി നേ​തൃ​ത്വ​ത്തി​ൽ മെ​ഡി​ക്ക​ൽ കോ​ള​ജി​ലേ​ക്ക്​ ന​ട​ത്തി​യ മാ​ർ​ച്ചും ധ​ർ​ണ​യും ഉ​ദ്​​ഘാ​ട​നം ചെ​യ്യു​ക​യാ​യി​രു​ന്നു അ​ദ്ദേ​ഹം. പു​തി​യ കെ​ട്ടി​ടം തു​റ​ക്കാ​ൻ സ​മ​യം കാ​ത്തി​രു​ന്ന​വ​ർ അ​ഞ്ചു​മി​നി​റ്റി​ൽ സ​ർ​ജി​ക്ക​ൽ ബ്ലോ​ക്ക്​ തു​റ​ന്നു​​കൊ​ടു​ത്തു. മെ​ഡി​ക്ക​ൽ കോ​ള​ജി​ലെ പ്ര​ശ്ന​ങ്ങ​ൾ​ക്ക്​ പ​രി​ഹാ​രം ക​ണ്ടി​ല്ലെ​ങ്കി​ൽ കേ​ര​ളം ക​ണ്ടി​ട്ടി​ല്ലാ​ത്ത വി​ധം പ്ര​ക്ഷോ​ഭ​ങ്ങ​ൾ​ക്ക് നേ​തൃ​ത്വം ന​ൽ​കു​മെ​ന്നും അ​ദ്ദേ​ഹം പ​റ​ഞ്ഞു.

സൂ​പ്ര​ണ്ടി​നെ സം​ര​ക്ഷി​ക്കും-ശോ​ഭ സു​രേ​ന്ദ്ര​ൻ

കോ​ട്ട​യം: മെ​ഡി​ക്ക​ൽ കോ​ള​ജ്​ സൂ​പ്ര​ണ്ടി​നെ ബ​ലി​യാ​ടാ​ക്കാ​നാ​ണ്​ മ​ന്ത്രി​മാ​രാ​യ വീ​ണ ജോ​ർ​ജും വി.​എ​ൻ. വാ​സ​വ​നും ശ്ര​മി​ക്കു​ന്ന​തെ​ങ്കി​ൽ ബി.​ജെ.​പി സം​ര​ക്ഷ​ണം ന​ൽ​കു​മെ​ന്ന്​ സം​സ്ഥാ​ന വൈ​സ് പ്ര​സി​ഡ​ന്‍റ്​ ശോ​ഭ സു​രേ​ന്ദ്ര​ൻ. ബി.​ജെ.​പി വെ​സ്റ്റ്​ ജി​ല്ല ക​മ്മി​റ്റി​യു​ടെ നേ​തൃ​ത്വ​ത്തി​ൽ മെ​ഡി​ക്ക​ൽ കോ​ള​ജി​ലേ​ക്ക്​ ന​ട​ത്തി​യ മാ​ർ​ച്ചും ധ​ർ​ണ​യും ഉ​ദ്​​ഘാ​ട​നം ചെ​യ്യു​ക​യാ​യി​രു​ന്നു അ​വ​ർ. ബി​ന്ദു​വി​ന്‍റെ കു​ടും​ബ​ത്തി​ന്​ 25 ല​ക്ഷം ന​ഷ്ട​പ​രി​ഹാ​രം ന​ൽ​ക​ണം. കു​ടും​ബ​ത്തി​ലെ ഒ​രാ​ൾ​ക്ക്​ ജോ​ലി ന​ൽ​കാ​നും സം​സ്ഥാ​ന സ​ർ​ക്കാ​ർ ത​യാ​റാ​വ​ണം. യു.​ഡി.​എ​ഫ് രാ​ഷ്ട്രീ​യം ക​ളി​ക്കു​ക​യാ​ണ് ഇ​പ്പോ​ഴെ​ന്നും ശോ​ഭ സു​രേ​ന്ദ്ര​ൻ പ​റ​ഞ്ഞു.