താമരശ്ശേരിയിൽനിന്നും കാണാതായ 13കാരിയെ ബംഗളൂരുവിൽ യുവാവിനൊപ്പം കണ്ടെത്തി

കോഴിക്കോട്: താമരശ്ശേരിയിൽനിന്നും കാണാതായ 13കാരിയെ ബം​ഗളൂരുവിൽ കണ്ടെത്തിയതായി വിവരം. താമരശ്ശേരി പൊലീസ് ബംഗളൂരുവിലേക്ക് പുറപ്പെട്ടു.

കുട്ടി യുവാവിനൊപ്പം ബംഗളൂരുവിൽ ഉണ്ടെന്നാണ് വിവരം ലഭിച്ചത്. കർണാടക പൊലീസ് താമരശ്ശേരി പൊലീസിനെ വിവരമറിയിക്കുകയായിരുന്നു.

കഴിഞ്ഞ ചൊവ്വാഴ്ച രാവിലെ മുതലാണ് എട്ടാം ക്ലാസ് വിദ്യാർഥിനിയെ കാണാതായത്. പരീക്ഷ എഴുതാൻ പോയ പെൺകുട്ടി പിന്നെ തിരിച്ചെത്തിയില്ലെന്ന് പിതാവ് പറയുന്നു.