‘നിങ്ങൾ ചരിത്രത്തോടുള്ള കടമ നിറവേറ്റണം...’

കൊ​ച്ചി: ‘നി​ങ്ങ​ൾ ച​രി​ത്ര​ത്തോ​ടു​ള്ള ക​ട​മ നി​റ​വേ​റ്റ​ണം...’ സ്വ​ന്തം കൈ​പ്പ​ട​യി​ലെ​ഴു​തി​യ എം.​കെ. സാ​നു​വി​ന്‍റെ ക​ത്ത് വോ​ട്ട​ർ​മാ​ർ ഹൃ​ദ​യ​ത്തി​ലാ​ണ് സ്വീ​ക​രി​ച്ച​ത്. അ​ലം​ഭാ​വം അ​പ​രാ​ധ​മാ​യി തീ​രു​മെ​ന്ന മു​ന്ന​റി​യി​പ്പ് അ​ദ്ദേ​ഹ​ത്തി​ന്‍റെ വി​ജ​യ​ത്തി​ലേ​ക്കു​ള്ള ച​വി​ട്ടു​പ​ടി​യാ​യി. 1987ലെ ​നി​യ​മ​സ​ഭാ തെ​ര​ഞ്ഞെ​ടു​പ്പ് ച​രി​ത്ര​ത്തി​ന്‍റെ ഭാ​ഗ​മാ​യ​ത് സാ​നു മാ​ഷി​ലൂ​ടെ​യാ​ണ്. അ​ന്നോ​ളം ഇ​ട​തു​പ​ക്ഷ​ത്തി​ന് ക​ഠി​ന​മാ​യി​രു​ന്ന എ​റ​ണാ​കു​ളം മ​ണ്ഡ​ല​ത്തി​ൽ സാ​നു മാ​ഷ് അ​ട്ടി​മ​റി ജ​യം നേ​ടി. കോ​ൺ​ഗ്ര​സി​ലെ ക​രു​ത്ത​നാ​യ എ.​എ​ൽ. ജേ​ക്ക​ബാ​യി​രു​ന്നു എ​തി​രാ​ളി.

‘അ​ലം​ഭാ​വം അ​പ​രാ​ധ​മാ​യി​ത്തീ​രു​ന്ന ഇ​ന്ന​ത്തെ സാ​ഹ​ച​ര്യ​ത്തി​ൽ ച​രി​ത്ര​ത്തോ​ടു​ള്ള ക​ട​മ നി​റ​വേ​റ്റാ​ൻ ന​മു​ക്കൊ​രു​മി​ച്ച് പ​രി​ശ്ര​മി​ക്കാം, മൂ​ല്യാ​ധി​ഷ്ടി​ത​വും ആ​ദ​ർ​ശാ​ത്മ​ക​വു​മാ​യ രാ​ഷ്ട്രീ​യ പ്ര​വ​ർ​ത്ത​ന​ത്തി​ന് ക​ള​മൊ​രു​ക്കാ​ൻ നി​ങ്ങ​ളു​ടെ സ​ഹാ​യ​ത്തി​ന് ക​ഴി​യും, ധാ​ർ​മി​ക​ബോ​ധ​ത്താ​ൽ പ്രേ​രി​ത​മാ​യ ഈ ​സം​രം​ഭ​ത്തി​ൽ എ​നി​ക്ക് ശ​ക്തി​പ​ക​രേ​ണ്ട​ത് നി​ങ്ങ​ളാ​ണ്... തെ​ര​ഞ്ഞെ​ടു​പ്പ് പ്ര​ചാ​ര​ണ​ത്തി​നാ​യി സ്വ​ന്തം കൈ​പ്പ​ട​യി​ൽ ഈ ​വാ​ക്കു​ക​ൾ നി​റ​ഞ്ഞ നി​ര​വ​ധി ക​ത്തു​ക​ളാ​ണ് അ​ദ്ദേ​ഹം ത​യാ​റാ​ക്കി​യ​ത്. അ​തി​ൽ ത​ന്‍റെ ചി​ഹ്ന​മാ​യ മ​യി​ലി​ന്‍റെ ചി​ത്ര​വും വ​ര​ച്ചു​ചേ​ർ​ത്തു.

ച​രി​ത്ര ജ​യം സ​മ്മാ​നി​ച്ചാ​ണ് ജ​നം ക​ത്തി​ന് മ​റു​പ​ടി ന​ൽ​കി​യ​ത്. മ​ഹാ​രാ​ജാ​സ് കോ​ള​ജി​ൽ നി​ന്ന് വി​ര​മി​ച്ച ശേ​ഷ​മാ​ണ്​ ഇ​ട​തു സ്വ​ത​ന്ത്ര​നാ​യി അ​ദ്ദേ​ഹം തെ​ര​ഞ്ഞെ​ടു​പ്പ്​ നേ​രി​ട്ട​ത്. 42,904 വോ​ട്ട് എം.​കെ. സാ​നു നേ​ടി​യ​പ്പോ​ൾ എ.​എ​ൽ. ജേ​ക്ക​ബി​ന് 32,872 വോ​ട്ട് നേ​ടാ​നേ ക​ഴി​ഞ്ഞു​ള്ളൂ. കോ​ൺ​ഗ്ര​സ് വി​മ​ത​നാ​യി മ​ത്സ​രി​ച്ച എ​വ​റ​സ്റ്റ് ച​മ്മി​ണി 19448 വോ​ട്ട് നേ​ടി​യ​ത് തെ​ര​ഞ്ഞെ​ടു​പ്പ് ഫ​ല​ത്തി​ൽ നി​ർ​ണാ​യ​ക​മാ​യി. പ​തി​നാ​യി​രം വോ​ട്ടി​ന്‍റെ ഭൂ​രി​പ​ക്ഷ‍മു​ണ്ടാ​യി​രു​ന്നു​വെ​ന്ന​ത് വി​ജ​യ​ത്തി​ന്‍റെ മാ​റ്റ് നൂ​റി​ര​ട്ടി വ​ർ​ധി​പ്പി​ക്കു​ന്ന​താ​യി​രു​ന്നു. ഇ.​എം.​എ​സി​ന്‍റെ നി​ർ​ബ​ന്ധ​മാ​ണ് സാ​നു മാ​ഷി​നെ മ​ത്സ​രി​ക്കാ​ൻ പ്രേ​രി​പ്പി​ച്ച​ത്. തോ​പ്പി​ൽ ഭാ​സി​യും മ​ല​യാ​റ്റൂ​ർ രാ​മ​കൃ​ഷ്ണ​നു​മൊ​ക്കെ പ്ര​ചാ​ര​ണ​ത്തി​നെ​ത്തി.

മ​ഹാ​രാ​ജാ​സി​ന്‍റെ പ്രി​യ അ​ധ്യാ​പ​ക​ൻ നി​യ​മ​സ​ഭ​യു​ടെ പ​ടി ച​വി​ട്ടു​മ്പോ​ൾ ആ​ദ്യ​മാ​യി എ​റ​ണാ​കു​ളം മ​ണ്ഡ​ല​ത്തി​ൽ​നി​ന്ന് ജ​യി​ച്ച കോ​ൺ​ഗ്ര​സ് ഇ​ത​ര സ്ഥാ​നാ​ർ​ഥി​യാ​യി മാ​റു​ക​യാ​യി​രു​ന്നു. കാ​ല​മേ​റെ പി​ന്നി​ടു​മ്പോ​ഴും പ​ഴ​ക്കം ചെ​ന്ന ക​ട​ലാ​സി​ലെ വ​രി​ക​ൾ മു​ഷി​യാ​ത്ത ഓ​ർ​മ​ക​ളാ​യി ത​ന്നി​ലു​ണ്ടെ​ന്ന് അ​ദ്ദേ​ഹം പി​ൽ​ക്കാ​ല​ത്ത് അ​നു​സ്മ​രി​ച്ചി​ട്ടു​ണ്ട്.

ശി​ഷ്യ​സ​മ്പ​ത്തും എ​റ​ണാ​കു​ള​ത്തെ വ്യ​ക്തി​ബ​ന്ധ​ങ്ങ​ളും വി​ജ​യ​ത്തി​ന് തു​ണ​യേ​കി​യെ​ന്നും അ​ദ്ദേ​ഹം പ​റ​ഞ്ഞി​ട്ടു​ണ്ട്. ഒ​രി​ക്ക​ലും പ്ര​വേ​ശി​ക്കാ​ൻ ക​ഴി​യി​ല്ലെ​ന്ന് ഇ​ട​തു​പ​ക്ഷം വി​ചാ​രി​ച്ചി​രു​ന്ന സ്ഥ​ല​ത്ത് മാ​ഷ്​ ഒ​റ്റ​ക്ക് ക​യ​റി ചെ​ല്ലു​ക​യാ​യി​രു​ന്നു. താ​ൻ പ്ര​തി​നി​ധാ​നം ചെ​യ്യു​ന്ന ത​ത്വം വി​ശ​ദീ​ക​രി​ച്ച് ഒ​രു ദി​വ​സം 25 പ്ര​സം​ഗം വ​രെ ന​ട​ത്തി​യ ഓ​ർ​മ​ക​ൾ അ​ദ്ദേ​ഹം പ​ല​പ്പോ​ഴും പ​ങ്കു​വെ​ച്ചി​രു​ന്നു.