എം.​ആ​ര്‍. അ​ജി​ത്കു​മാ​റി​നെ​ പൊലീസിൽനിന്ന് മാറ്റി; പുതിയ ചുമതല എക്സൈസ് കമീഷണർ

തി​രു​വ​ന​ന്ത​പു​രം: ശ​ബ​രി​മ​ല​യി​ലെ ​ട്രാ​ക്ട​ർ യാ​ത്ര വി​വാ​ദ​ത്തി​ൽ കു​രു​ക്കി​ലാ​യ ആം​ഡ് പൊ​ലീ​സ് ബ​റ്റാ​ലി​യ​ൻ എ.​ഡി.​ജി.​പി എം.​ആ​ർ. അ​ജി​ത് കു​മാ​റി​നെ​തി​രെ ന​ട​പ​ടി. പൊ​ലീ​സ്​ സേ​ന​യു​ടെ ചു​മ​ത​ല​യി​ൽ​നി​ന്ന് എ​ക്സൈ​സ് ക​മീ​ഷ​ണ​ർ പ​ദ​വി​യി​ലേ​ക്ക്​ മാ​റ്റി നി​യ​മി​ച്ച്​ സ​ർ​ക്കാ​ർ ഉ​ത്ത​ര​വി​റ​ങ്ങി. നി​ല​വി​ലെ എ​ക്സൈ​സ് ക​മീ​ഷ​ണ​ർ മ​ഹി​പാ​ൽ യാ​ദ​വ് ആ​രോ​ഗ്യ​പ്ര​ശ്​​ന​ങ്ങ​ളെ തു​ട​ർ​ന്ന് അ​വ​ധി​യി​ൽ പോ​യ ഒ​ഴി​വി​ലേ​ക്കാ​ണ്​ അ​ജി​ത്​​കു​മാ​റി​നെ മാ​റ്റി​യ​ത്.

ബ​റ്റാ​ലി​യ​നി​ൽ​നി​ന്ന് മാ​റ്റി​യ കാ​ര്യം സ​ർ​ക്കാ​ർ ഹൈ​കോ​ട​തി​യെ അ​റി​യി​ക്കും. ശ​ബ​രി​മ​ല​യി​ലേ​ക്കു​ള്ള ട്രാ​ക്ട​ര്‍ യാ​ത്ര​യി​ല്‍ അ​ജി​ത് കു​മാ​റി​ന് വീ​ഴ്ച​യു​ണ്ടെ​ന്ന് സ​മ്മ​തി​ച്ച് സം​സ്ഥാ​ന പൊ​ലീ​സ് മേ​ധാ​വി റ​വ​ഡ ച​ന്ദ്ര​ശേ​ഖ​ർ ഈ ​മാ​സം 21ന് ​ആ​ഭ്യ​ന്ത​ര സെ​ക്ര​ട്ട​റി​ക്ക് റി​പ്പോ​ർ​ട്ട് ന​ൽ​കി​യി​രു​ന്നു. ഉ​ന്ന​ത ഉ​ദ്യോ​ഗ​സ്ഥ​ന്‍റെ ഭാ​ഗ​ത്തു​നി​ന്നു​ണ്ടാ​യ ന​ട​പ​ടി സേ​ന​ക്ക് അ​വ​മ​തി​പ്പു​ണ്ടാ​ക്കി​യെ​ന്നും വി​ഷ​യ​ത്തി​ൽ സ​ർ​ക്കാ​റി​ന് ഉ​ചി​ത ന​ട​പ​ടി സ്വീ​ക​രി​ക്കാ​മെ​ന്നു​മാ​യി​രു​ന്നു റി​പ്പോ​ർ​ട്ട്.

ഈ ​മാ​സം 12ന് ​രാ​ത്രി​യാ​ണ് എം.​ആ‍ര്‍. അ​ജി​ത് കു​മാ​ർ ട്രാ​ക്ട​റി​ൽ സ​ന്നി​ധാ​ന​ത്ത് എ​ത്തി ദ​ർ​ശ​നം ന​ട​ത്തി​യ​ത്. ച​ര​ക്കു നീ​ക്ക​ത്തി​ന് മാ​ത്ര​മേ ട്രാ​ക്ട​ർ ഉ​പ​യോ​ഗി​ക്കാ​വൂ​വെ​ന്ന കോ​ട​തി ഉ​ത്ത​ര​വാ​ണ് ലം​ഘി​ച്ച​ത്. വി​ഷ​യം ശ്ര​ദ്ധ​യി​ൽ​പെ​ട്ട ഹൈ​കോ​ട​തി രൂ​ക്ഷ വി​മ​ർ​ശ​ന​മാ​ണ് എ.​ഡി.​ജി.​പി​ക്കെ​തി​രെ ന​ട​ത്തി​യ​ത്. അ​ജി​ത് കു​മാ​റി​നെ സം​ര​ക്ഷി​ക്കാ​ൻ ഡ്രൈ​വ​റെ പ്ര​തി​യാ​ക്കി​യാ​ണ് പ​മ്പ പൊ​ലീ​സ് കേ​സെ​ടു​ത്ത​ത്.