നഗരസഭ കൗൺസിലറുടെ കൊലപാതകം: രണ്ടുപേർ അറസ്റ്റിൽ, ഒന്നാം പ്രതിയെ പിടികൂടാനായില്ല

മ​ഞ്ചേ​രി: ന​ഗ​ര​സ​ഭ കൗ​ൺ​സി​ല​റും മു​സ്​​ലിം ലീ​ഗ് പ്രാ​ദേ​ശി​ക നേ​താ​വു​മാ​യി​രു​ന്ന ത​ലാ​പ്പി​ൽ അ​ബ്ദു​ൽ ജ​ലീ​ൽ (57) കൊ​ല്ല​പ്പെ​ട്ട കേ​സി​ൽ ര​ണ്ടു​പേ​രെ അ​റ​സ്റ്റ് ചെ​യ്തു. പാ​ണ്ടി​ക്കാ​ട് വ​ള്ളു​വ​ങ്ങാ​ട് സ്വ​ദേ​ശി ക​റു​ത്തേ​ട​ത്ത് വീ​ട്ടി​ൽ ഷം​ഷീ​ർ (32), നെ​ല്ലി​ക്കു​ത്ത് ഒ​ലി​പ്രാ​ക്കാ​ട് പ​തി​യ​ൻ​തൊ​ടി​ക വീ​ട്ടി​ൽ അ​ബ്ദു​ൽ മാ​ജി​ദ് (26) എ​ന്നി​വ​രെ​യാ​ണ് മ​ഞ്ചേ​രി പൊ​ലീ​സ് ഇ​ൻ​സ്പെ​ക്ട​ർ സി. ​അ​ല​വി​യു​ടെ നേ​തൃ​ത്വ​ത്തി​ലു​ള്ള പ്ര​ത്യേ​ക അ​ന്വേ​ഷ​ണ സം​ഘം അ​റ​സ്റ്റ് ചെ​യ്ത​ത്.

കൗ​ൺ​സി​ല​റെ ത​ല​ക്ക​ടി​ച്ച് മാ​ര​ക​മാ​യി പ​രി​ക്കേ​ൽ​പി​ച്ച ഒ​ന്നാം​പ്ര​തി ശു​ഹൈ​ബ് എ​ന്ന കൊ​ച്ചു ഒ​ളി​വി​ലാ​ണ്. മൊ​ബൈ​ൽ ഫോ​ൺ കേ​ന്ദ്രീ​ക​രി​ച്ച് ന​ട​ത്തി​യ അ​ന്വേ​ഷ​ണ​ത്തി​ലാ​ണ് പ്ര​തി​ക​ൾ വ​ല​യി​ലാ​യ​ത്.

സം​ഭ​വ​​ശേ​ഷം ര​ക്ഷ​പ്പെ​ട്ട മാ​ജി​ദി​നെ പാ​ല​ക്കാ​ട്ടു​നി​ന്ന്​ തി​രി​ച്ചു​വ​രു​മ്പോ​ഴും ഷം​ഷീ​റി​നെ പ​ട്ടാ​മ്പി മു​തു​മ​ല​യി​ൽ പോ​യി തി​രി​ച്ചു​വ​രു​ന്ന​തി​നി​ടെ പാ​ണ്ടി​ക്കാ​ട്ട്​ നി​ന്നു​മാ​ണ് പി​ടി​കൂ​ടി​യ​ത്. ര​ണ്ട് ബൈ​ക്കു​ക​ളി​ലാ​യി മൂ​ന്നു​പേ​രാ​ണ് കൗ​ൺ​സി​ല​റെ ആ​ക്ര​മി​ക്കാ​നെ​ത്തി​യ​ത്.

ഇ​തി​ൽ ഒ​രു ബൈ​ക്ക് പൊ​ലീ​സ് ക​സ്റ്റ​ഡി​യി​ലെ​ടു​ത്തു. സം​ഭ​വം ന​ട​ന്ന രാ​ത്രി 12.45 മു​ത​ൽ ഒ​ന്നാം പ്ര​തി​യു​ടെ ഫോ​ൺ സ്വി​ച്ച് ഓ​ഫാ​ണ്. ഇ​യാ​ളെ തേ​ടി പൊ​ലീ​സ് കോ​ഴി​ക്കോ​ട് റെ​യി​ൽ​വേ സ്റ്റേ​ഷ​ൻ, പാ​ല​ക്കാ​ട് എ​ന്നി​വി​ട​ങ്ങ​ളി​ൽ പ​രി​ശോ​ധ​ന ന​ട​ത്തി​യി​രു​ന്നു.

ക​ഴി​ഞ്ഞ ചൊ​വ്വാ​ഴ്ച രാ​ത്രി​യാ​ണ്​ പ​യ്യ​നാ​ട് താ​മ​ര​ശ്ശേ​രി​യി​ലെ പ്ര​ധാ​ന റോ​ഡി​ൽ​നി​ന്ന്​ മാ​റി ചെ​റു​റോ​ഡി​ൽ വാ​ഹ​ന​ത്തി​ന് സൈ​ഡ് കൊ​ടു​ക്കാ​ത്ത​ത്​ സം​ബ​ന്ധി​ച്ച് ഇ​രു​സം​ഘ​ങ്ങ​ളും ത​മ്മി​ൽ വാ​ക്കേ​റ്റ​വും ത​ർ​ക്ക​വു​മു​ണ്ടാ​യ​ത്. ഡി​വൈ.​എ​സ്.​പി പി.​എം. പ്ര​ദീ​പ്, സി.​ഐ​ക്ക് പു​റ​മെ പ്ര​ത്യേ​ക അ​ന്വേ​ഷ​ണ സം​ഘാം​ഗ​ങ്ങ​ളാ​യ എ​സ്.​ഐ സു​ലൈ​മാ​ൻ, എം. ​ഗി​രീ​ഷ്, അ​നീ​ഷ് ചാ​ക്കോ, പി. ​മു​ഹ​മ്മ​ദ്‌ സ​ലീം, ഐ.​കെ. ദി​നേ​ഷ്, പി. ​ഹ​രി​ലാ​ൽ ആ​ർ. ഷ​ഹേ​ഷ്, തൗ​ഫീ​ഖ് മു​ബാ​റ​ക്, കെ. ​സി​റാ​ജു​ദ്ദീ​ൻ എ​ന്നി​വ​ര​ട​ങ്ങി​യ സം​ഘ​മാ​ണ് അ​ന്വേ​ഷ​ണം ന​ട​ത്തു​ന്ന​ത്.

തലക്കടിച്ചത് കനമുള്ള വസ്തു കൊണ്ട്​

നഗരസഭ കൗൺസിലർ തലാപ്പിൽ അബ്ദുൽ ജലീലിന്‍റെ മരണത്തിലേക്ക് നയിച്ചത് കനമുള്ള ആ‍യുധം കൊണ്ട്​ തലക്കേറ്റ അടിയാണെന്ന് പൊലീസ്. തലക്കടിച്ചയാളെ പിടികൂടാത്തതിനാൽ ആക്രമിക്കാൻ ഉപയോഗിച്ച ആയുധം എന്താണെന്ന് വ്യക്തമായിട്ടില്ല. തലയോട്ടി തകർന്ന നിലയിലായിരുന്നു. ഇടതുനെറ്റിയിലും മുറിവേറ്റിരുന്നു. കനമുള്ളതും മൂർച്ചയേറിയതുമായ കരിങ്കല്ല് ഉപയോഗിക്കാനുള്ള സാധ്യതയും പൊലീസ് തള്ളിക്കളയുന്നില്ല.

കൃത്യം കഴിഞ്ഞ് രാത്രി 12.30ഓടെ കൂടെയുള്ളവരോട് രക്ഷപ്പെടാൻ പറഞ്ഞാണ് ഒന്നാം പ്രതി ശുഹൈബ് എന്ന കൊച്ചു ഒളിവിൽ പോയത്. ടവർ ലൊക്കേഷൻ കേന്ദ്രീകരിച്ചാണ് അന്വേഷണം. ഇതിനായി സി.ഐയുടെ നേതൃത്വത്തിൽ പ്രത്യേക സംഘം രൂപവത്​കരിച്ചു.

സംഭവത്തിൽ രാഷ്ട്രീയവിരോധമോ വ്യക്തിവൈരാഗ്യമോ ഇല്ല. ആ സമയത്തുണ്ടായ നിസാരമായ തർക്കമാണ് അക്രമത്തിലേക്കും നയിച്ചതെന്നും പൊലീസ് പറഞ്ഞു.

ജനകീയ ജനപ്രതിനിധിക്ക് കണ്ണീരോ​ടെ വിട

തലാപ്പിൽ അബ്ദുൽ ജലീലിന് (57) നാടിന്‍റെ യാത്രാമൊഴി. ജനകീയനായ ജനപ്രതിനിധിയുടെ അപ്രതീക്ഷിത വിയോഗം വിശ്വസിക്കാനാകാതെ നാട് കണ്ണീരണിഞ്ഞു. നിസ്സാരമായ വാക്കുതർക്കത്തിന്‍റെ പേരിൽ കൗൺസിലറുടെ ജീവനെടുത്തതിന്‍റെ നടുക്കത്തിൽനിന്ന്​ പലരും മോചിതരായിട്ടില്ല. പെരിന്തൽമണ്ണയിലെ സ്വകാര്യ ആശുപത്രിയിൽനിന്ന്​ രാവിലെ പത്തരയോടെയാണ് മൃതദേഹം പോസ്റ്റ്മോർട്ടത്തിനായി മഞ്ചേരി മെഡിക്കൽ കോളജ്​ ആശുപത്രിയിലെത്തിച്ചത്. ഉച്ചക്ക് ഒന്നോടെ പൊതുദർശനത്തിനായി ടൗൺഹാളിൽ എത്തിച്ചു.

തങ്ങളുടെ പ്രിയപ്പെട്ട കുഞ്ഞാക്കയെ കാണാൻ നിരവധി പേരാണ് എത്തിയത്. എം.എൽ.എമാരും മുസ്​ലിം ലീഗ് നേതാക്കളും അന്തിമോപചാരം അർപ്പിച്ചു. തുടർന്ന് കിഴക്കേത്തലയിലെ സഹോദരൻ അബ്​ദുല്ല ഹസന്‍റെ വീട്ടിലെത്തിച്ച് ബന്ധുക്കൾക്കും വീട്ടുകാർക്കും അവസാനമായി കാണാൻ അവസരമൊരുക്കി. പിതാവിന്‍റെ ചേതനയറ്റ ശരീരം കണ്ടതോടെ മക്കളുടെ നിയന്ത്രണം വിട്ടു. കൂടെയുണ്ടായിരുന്നവർക്കും ആശ്വസിപ്പിക്കാൻ വാക്കുകൾ ഉണ്ടായിരുന്നില്ല. വൈകീട്ട് മൂന്നോടെ സെൻട്രൽ ജുമാമസ്ജിദ് ഖബർസ്ഥാനിൽ ഖബറടക്കി.

പാണക്കാട് അബ്ബാസലി ശിഹാബ് തങ്ങൾ, മുസ്​ലിം ലീഗ് സംസ്ഥാന ജനറൽ സെക്രട്ടറി പി.എം.എ. സലാം, എം.എൽ.എമാരായ പി.കെ. കുഞ്ഞാലിക്കുട്ടി, അഡ്വ. യു.എ. ലത്തീഫ്, പി. അബ്ദുൽ ഹമീദ്, എ.പി. അനിൽകുമാർ, കെ.പി.എ. മജീദ്, ടി.വി. ഇബ്രാഹീം, പി.കെ. ബഷീർ, ഡി.സി.സി അധ്യക്ഷൻ വി.എസ്. ജോയ്, മുൻ സ്പീക്കർ പി. ശ്രീരാമകൃഷ്ണൻ, നഗരസഭ ചെയർപേഴ്സൻ വി.എം. സുബൈദ, മുൻ എം.എൽ.എ അഡ്വ. എം. ഉമ്മർ, ജില്ല പഞ്ചായത്ത്​ അംഗം എ.പി. ഉണ്ണികൃഷ്ണൻ തുടങ്ങിയ നേതാക്കളും സഹ കൗൺസിലർമാരും നഗരസഭ ജീവനക്കാരും ആശുപത്രിയിലും ടൗൺഹാളിലുമെത്തി അന്ത്യാജ്ഞലി അർപ്പിച്ചു.