'ഉയർന്ന നഷ്ടപരിഹാരം ദുരന്തബാധിതരുടെ അവകാശമല്ല'; സ​ർ​ക്കാ​ർ ന​ൽ​കു​ന്ന വീ​ട് ജീ​വ​കാ​രു​ണ്യ പദ്ധതിയുടെ ഭാഗം, ആ​ർ​ഭാ​ടം ആ​വ​ശ്യ​പ്പെ​ടാ​നാ​വി​ല്ലെന്ന് ഹൈകോടതി

കൊ​ച്ചി: ഉ​യ​ർ​ന്ന ന​ഷ്ട​പ​രി​ഹാ​രം പ്ര​കൃ​തി ദു​ര​ന്ത​ബാ​ധി​ത​രു​ടെ അ​വ​കാ​ശ​മ​ല്ലെ​ന്ന്​ ഹൈ​കോ​ട​തി. മ​നു​ഷ്യ​ത്വ​പ​ര​മാ​യി പു​ന​ര​ധി​വാ​സ പ്ര​വ​ർ​ത്ത​ന​ങ്ങ​ൾ ന​ട​ത്തു​മ്പോ​ൾ ഏ​റ്റ​വും മി​ക​ച്ച​ത്​ ഒ​രു​ക്കു​ക​യെ​ന്ന​ത്​ സ​ർ​ക്കാ​റി​ന്‍റെ ബാ​ധ്യ​ത​യാ​യി കാ​ണാ​നാ​വി​ല്ല. വ​യ​നാ​ട് പു​ന​ര​ധി​വാ​സ പ​ദ്ധ​തി​യു​ടെ ഭാ​ഗ​മാ​യി സ​ർ​ക്കാ​ർ നി​ർ​മി​ച്ചു​ന​ൽ​കു​ന്ന വീ​ടും ന​ഷ്ട​പ​രി​ഹാ​ര​ത്തു​ക​യും അ​പ​ര്യാ​പ്ത​മാ​ണെ​ന്ന പ​രാ​തി ത​ള്ളി​യാ​ണ്​ ജ​സ്റ്റി​സ് എ.​കെ. ജ​യ​ശ​ങ്ക​ര​ൻ ന​മ്പ്യാ​ർ, ജ​സ്റ്റി​സ് എ​സ്. ഈ​ശ്വ​ര​ൻ എ​ന്നി​വ​ര​ട​ങ്ങു​ന്ന ഡി​വി​ഷ​ൻ​ബെ​ഞ്ചി​ന്‍റെ നി​രീ​ക്ഷ​ണം. ന​ഷ്ട​പ​രി​ഹാ​ര​മാ​യി 40-50 ല​ക്ഷം രൂ​പ വേ​ണ​മെ​ന്നാ​യി​രു​ന്നു വ​യ​നാ​ട് ദു​ര​ന്ത​ബാ​ധി​ത​രു​ടെ പ്ര​തി​നി​ധി​യെ​ന്ന​വ​കാ​ശ​പ്പെ​ട്ട് ഉ​പ​ഹ​ര​ജി ന​ൽ​കി​യ ബൈ​ജു മാ​ത്യൂ​സി​ന്‍റെ​യും സാ​ബു സ്റ്റീ​ഫ​ന്‍റെ​യും ആ​വ​ശ്യം.

വ​യ​നാ​ട്ടി​ലേ​ത്​ പ്ര​കൃ​തി​ദു​ര​ന്ത​മാ​​ണെ​ന്നും മ​നു​ഷ്യ നി​ർ​മി​ത​മാ​യി​രു​ന്നി​ല്ലെ​ന്നും കോ​ട​തി ചൂ​ണ്ടി​ക്കാ​ട്ടി. അ​തി​നി​ര​യാ​യ​വ​ർ​ക്ക്​ സു​ര​ക്ഷി​ത ജീ​വി​ത സാ​ഹ​ച​ര്യ​മൊ​രു​ക്കു​ക​യെ​ന്ന​താ​ണ്​ ടൗ​ൺ​ഷി​പ് പ​ദ്ധ​തി​യി​ലൂ​ടെ സ​ർ​ക്കാ​ർ ല​ക്ഷ്യ​മി​ടു​ന്ന​ത്. ല​ഭ്യ​മാ​യ തു​ക​യും ഭൂ​മി​യും അ​ർ​ഹ​രാ​യ​വ​ർ​ക്ക് തു​ല്യ​മാ​യി ല​ഭ്യ​മാ​ക്കു​ക​യാ​ണ് സ​ർ​ക്കാ​ർ ​ചെ​യ്യു​ന്ന​ത്. ഏ​താ​നും വ്യ​ക്തി​ക​ൾ​ക്ക് പ്ര​ത്യേ​ക പ​രി​ഗ​ണ​ന ന​ൽ​കാ​നാ​വി​ല്ല. ദു​ര​ന്ത​ത്തി​ൽ വീ​ടും കൃ​ഷി​യു​മൊ​ക്കെ ന​ശി​ച്ചെ​ങ്കി​ലും ആ ​ഭൂ​മി ഉ​ട​മ​സ്ഥ​ർ​ക്കു​ത​ന്നെ​യു​ള്ള​താ​ണ്.

സ​ർ​ക്കാ​ർ ന​ൽ​കു​ന്ന വീ​ട് ജീ​വ​കാ​രു​ണ്യ പ​ദ്ധ​തി​യു​ടെ ഭാ​ഗ​മാ​ണ്. ഇ​ക്കാ​ര്യ​ത്തി​ൽ ആ​ർ​ഭാ​ടം വേ​ണ​മെ​ന്ന് ആ​വ​ശ്യ​പ്പെ​ടാ​നാ​വി​ല്ല. വ്യ​ക്തി​പ​ര​മാ​യ താ​ൽ​പ​ര്യ​ങ്ങ​ളേ​ക്കാ​ൾ മ​നു​ഷ്യ​ത്വ​പ​ര​മാ​യ പ്രാ​യോ​ഗി​ക​ത​ക്കാ​ണ് ഈ ​ഘ​ട്ട​ത്തി​ൽ പ്ര​ധാ​ന്യം. ടൗ​ൺ​ഷി​പ്പി​ൽ വീ​ടോ വീ​ട്​ വേ​ണ്ടാ​ത്ത​വ​ർ​ക്ക്​ സ്വ​ന്തം നി​ല​ക്ക്​ വാ​ങ്ങാ​ൻ പ​ണ​മോ ന​ൽ​കു​ന്നു​ണ്ട്. ദു​ര​ന്ത​ബാ​ധി​ത​ർ​ക്കു​ള്ള ന​ഷ്ട​പ​രി​ഹാ​ര​മാ​യി ഇ​തി​നെ കാ​ണ​ണം. മ​റ്റ് ദു​ര​ന്ത​മേ​ഖ​ല​ക​ളി​ലു​ള്ള​വ​ർ​ക്കും പു​ന​ര​ധി​വാ​സ​മൊ​രു​ക്കേ​ണ്ട ഉ​ത്ത​ര​വാ​ദി​ത്തം സ​ർ​ക്കാ​റി​നു​ണ്ട്. മു​ൻ ദു​ര​ന്ത​ങ്ങ​ളി​ൽ നി​ർ​മി​ച്ചു​ന​ൽ​കി​യ വീ​ടു​ക​ൾ​ക്ക് ഉ​റ​പ്പി​ല്ലെ​ന്നും ചോ​ർ​ച്ച​യു​ണ്ടെ​ന്നു​മു​ള്ള വാ​ദം ത​ള്ളി​യ കോ​ട​തി, ഊ​രാ​ളു​ങ്ക​ൽ സൊ​സൈ​റ്റി​യെ ഒ​ഴി​വാ​ക്കി പൊ​തു​മ​രാ​മ​ത്തി​നെ വീ​ടു​ക​ളു​ടെ നി​ർ​മാ​ണം ഏ​ൽ​പി​ക്ക​ണ​മെ​ന്ന ആ​വ​ശ്യ​ത്തെ​യും വി​മ​ർ​ശി​ച്ചു. ടെ​ൻ​ഡ​ർ ന​ൽ​കാ​തെ ഊ​രാ​ളു​ങ്ക​ലി​ന്​ ക​രാ​ർ ന​ൽ​കി​യെ​ന്നാ​യി​രു​ന്നു ആ​രോ​പ​ണം. എ​ന്നാ​ൽ, അ​ടി​യ​ന്ത​ര സാ​ഹ​ച​ര്യ​ങ്ങ​ളി​ൽ അ​ത്ത​രം ന​ട​പ​ടി സ്വീ​ക​രി​ക്കു​ന്ന​തി​ൽ വീ​ഴ്ച​യി​ല്ലെ​ന്നാ​യി​രു​ന്നു കോ​ട​തി​യു​ടെ പ്ര​തി​ക​ര​ണം.

വ്യ​ക്തി​ക​ൾ ഹാ​ജ​രാ​യി പ്ര​ത്യേ​കം ആ​വ​ശ്യ​ങ്ങ​ൾ ഉ​ന്ന​യി​ക്കേ​ണ്ട​തി​ല്ലെ​ന്നും കാ​ര്യ​ങ്ങ​ൾ അ​റി​യി​ക്കാ​ൻ അ​മി​ക്ക​സ്‌​ക്യൂ​റി​യും കോ​ട​തി​യു​ടെ മേ​ൽ​നോ​ട്ട​വു​മു​ണ്ടെ​ന്നും ഡി​വി​ഷ​ൻ​ബെ​ഞ്ച്​ വ്യ​ക്ത​മാ​ക്കി. തു​ട​ർ​ന്ന്​ ഹ​ര​ജി വീ​ണ്ടും 31ന്​ ​പ​രി​ഗ​ണി​ക്കാ​ൻ മാ​റ്റി.