കുത്തിയൊലിച്ച് ന്യൂനപക്ഷ വോട്ടുകൾ; ഞെട്ടലിൽ സി.പി.എം നേതൃത്വം, പഞ്ചായത്ത് തെരഞ്ഞെടുപ്പിൽ പാർട്ടിയെ തുണച്ച ക്രൈസ്തവ വോട്ടുകളും കൈവിട്ടു

മ​ല​പ്പു​റം: പാ​ർ​ട്ടി ചി​ഹ്ന​ത്തി​ൽ നാ​ട്ടു​കാ​ര​നാ​യ സെ​ക്ര​ട്ടേ​റി​യ​റ്റ് അം​ഗ​ത്തെ പ​രീ​ക്ഷി​ച്ചി​ട്ടും ക​ന​ത്ത തോ​ൽ​വി ഏ​റ്റു​വാ​ങ്ങേ​ണ്ടി​വ​ന്ന​തി​ന്റെ ഞെ​ട്ട​ലി​ലാ​ണ് സി.​പി.​എം നേ​തൃ​ത്വം. ക​ഴി​ഞ്ഞ ത​ദ്ദേ​ശ തെ​ര​ഞ്ഞെ​ടു​പ്പി​ലും നി​യ​മ​സ​ഭ തെ​ര​ഞ്ഞെ​ടു​പ്പി​ലും ല​ഭി​ച്ച മു​സ്‍ലിം വോ​ട്ടു​ക​ൾ കൂ​ട്ട​ത്തോ​ടെ വി​ട്ടു​പോ​യ​താ​ണ് തോ​ൽ​വി​യു​ടെ ആ​ഘാ​തം വ​ർ​ധി​പ്പി​ച്ച​ത്.

പ​ര​മ്പ​രാ​ഗ​ത​മാ​യി എ​ൽ.​ഡി.​എ​ഫി​ന് ല​ഭി​ച്ചു​പോ​ന്ന മു​സ്‍ലിം​വോ​ട്ടു​ക​ൾ വ​രെ ഇ​ത്ത​വ​ണ യു.​ഡി.​എ​ഫി​ലേ​ക്കും പി.​വി. അ​ൻ​വ​റി​ലേ​ക്കു​മാ​യി ചേ​ക്കേ​റി. ആ​ർ.​എ​സ്.​എ​സ് ബ​ന്ധം സ​മ്മ​തി​ച്ചു​ള്ള തെ​ര​ഞ്ഞെ​ടു​പ്പ് ത​ലേ​ന്നാ​ളി​ലെ പാ​ർ​ട്ടി സെ​ക്ര​ട്ട​റി​യു​ടെ പ്ര​സ്താ​വ​ന വോ​ട്ട​ർ​മാ​രി​ലെ നീ​ര​സം ഇ​ര​ട്ടി​യാ​ക്കി. ജ​മാ​അ​ത്തെ ഇ​സ്‍ലാ​മി​ക്കെ​തി​രാ​യ ആ​ക്ഷേ​പം മ​റ​യാ​ക്കി ഭൂ​രി​പ​ക്ഷ ധ്രു​വീ​ക​ര​ണ​ത്തി​ന് ശ്ര​മി​ച്ച​തും ഫ​ലം ക​ണ്ടി​ല്ല.

ക​ഴി​ഞ്ഞ പ​ഞ്ചാ​യ​ത്ത് തെ​ര​ഞ്ഞെ​ടു​പ്പി​ൽ പാ​ർ​ട്ടി​യെ തു​ണ​ച്ച ക്രൈ​സ്ത​വ വോ​ട്ടു​ക​ളും യു.​ഡി.​എ​ഫി​ലേ​ക്ക് കേ​ന്ദ്രീ​ക​രി​ക്ക​പ്പെ​ടു​ന്ന​തി​ന്റെ സൂ​ച​ന കൂ​ടി ന​ൽ​കു​ന്ന​തി​നാ​ൽ നി​ല​മ്പൂ​ർ ഉ​പ​തെ​ര​ഞ്ഞെ​ടു​പ്പ് ഫ​ലം വ​രും​ദി​വ​സ​ങ്ങ​ളി​ൽ ഏ​റെ ഗൗ​ര​വ​ത്തോ​ടെ ച​ർ​ച്ച​യാ​യേ​ക്കും. അ​തേ​സ​മ​യം, ശ​ക്ത​മാ​യ ത്രി​കോ​ണ മ​ത്സ​ര​ത്തി​ലും പാ​ർ​ട്ടി വോ​ട്ടു​ക​ൾ ഒ​രു​പ​രി​ധി വ​രെ നി​ല​നി​ർ​ത്താ​നാ​യ​ത് സി.​പി.​എ​മ്മി​ന് ആ​ശ്വാ​സ​മാ​യി.

മ​ല​പ്പു​റം ജി​ല്ല​യി​ലെ സി.​പി.​എം നേ​തൃ​ത്വ​ത്തി​നും വ​ലി​യ ആ​ശ​ങ്ക​ക​ളാ​ണ് ഈ ​തെ​ര​​ഞ്ഞെ​ടു​പ്പ് സ​മ്മാ​നി​ച്ച​ത്. ക​ഴി​ഞ്ഞ നി​യ​മ​സ​ഭ തെ​ര​ഞ്ഞെ​ടു​പ്പി​ൽ ജി​ല്ല​യി​ൽ ആ​കെ​യു​ള്ള 16 മ​ണ്ഡ​ല​ങ്ങ​ളി​ൽ നാ​ലി​ട​ത്ത് ഇ​ട​തു​സ്ഥാ​നാ​ർ​ഥി​ക​ൾ വി​ജ​യി​ച്ചി​രു​ന്നു. പെ​രി​ന്ത​ൽ​മ​ണ്ണ​യി​ൽ വെ​റും 38 വോ​ട്ടി​നാ​ണ് ഇ​ട​തു​സ്ഥാ​നാ​ർ​ഥി പ​രാ​ജ​യ​പ്പെ​ട്ട​ത്.

ലീ​ഗ് വി​ജ​യി​ച്ച മ​ണ്ഡ​ല​ങ്ങ​ളി​ലെ​ല്ലാം ഭൂ​രി​പ​ക്ഷം കു​റ​ക്കാ​നു​മാ​യി. ന്യൂ​ന​പ​ക്ഷ വോ​ട്ടു​ക​ളി​ൽ ​ന​ല്ലൊ​രു പ​ങ്ക് എ​ൽ.​ഡി.​എ​ഫി​ന് ല​ഭി​ച്ച​തി​ന്റെ ഫ​ല​മാ​യി​രു​ന്നു അ​ത്. എ​ന്നാ​ൽ, പൊ​ലീ​സി​ന്റെ സം​ഘ്പ​രി​വാ​ർ അ​നു​കൂ​ല നി​ല​പാ​ടു​ക​ൾ ന്യൂ​ന​പ​ക്ഷ​ങ്ങ​ൾ​ക്കി​ട​യി​ൽ സൃ​ഷ്ടി​ച്ച അ​വി​ശ്വാ​സ​വും പി​ണ​റാ​യി വി​ജ​യ​ൻ, എ. ​വി​ജ​യ​രാ​ഘ​വ​ൻ അ​ട​ക്ക​മു​ള്ള​വ​രു​ടെ മ​ല​പ്പു​റം​വി​രു​ദ്ധ പ്ര​സ്താ​വ​ന​ക​ളും കാ​ര​ണം നല്ലൊരു പങ്ക് ന്യൂ​ന​പ​ക്ഷ വോ​ട്ടു​ക​ൾ പാ​ർ​ട്ടി​യി​ൽ​നി​ന്ന് അ​ക​ന്നു​വെന്നുകൂടി നി​ല​മ്പൂ​ർ സാ​ക്ഷ്യ​പ്പെ​ടു​ത്തു​ന്നു. ഇ​ക്കാ​ര്യം ജി​ല്ല​യി​ലെ പാ​ർ​ട്ടി സ​മ്മേ​ള​ന​ങ്ങ​ളി​ൽ പ്ര​തി​നി​ധി​ക​ൾ നേ​ര​ത്തേ​ത്ത​ന്നെ ചൂ​ണ്ടി​ക്കാ​ട്ടി​യ​തു​മാ​ണ്.

നി​ല​മ്പൂ​ർ ന​ഷ്ട​പ്പെ​ട്ട​തോ​ടെ നി​ല​വി​ൽ മൂ​ന്ന് സീ​റ്റു​ക​ളാ​ണ് ഇ​ട​തു​പ​ക്ഷ​ത്തി​നു​ള്ള​ത്. അ​തി​ൽ പൊ​ന്നാ​നി​യി​ൽ മാ​ത്ര​മാ​ണ് പാ​ർ​ട്ടി എം.​എ​ൽ.​എ ഉ​ള്ള​ത്. ത​വ​നൂ​രും താ​നൂ​രും സ്വ​ത​ന്ത്ര​രാ​ണ്. ത​വ​നൂ​രി​ൽ 2,564 വോ​ട്ടി​നും താ​നൂ​രി​ൽ 985 വോ​ട്ടി​നു​മാ​ണ് യ​ഥാ​ക്ര​മം കെ.​ടി. ജ​ലീ​ലും വി. ​അ​ബ്ദു​റ​ഹ്മാ​നും വി​ജ​യി​ച്ച​ത്. ഭ​ര​ണ​വി​രു​ദ്ധ​വി​കാ​രം ശ​ക്ത​മാ​ണെ​ന്ന് നി​ല​മ്പൂ​ർ തെ​ളി​യി​ച്ച​തോ​ടെ ത​വ​നൂ​രും താ​നൂ​രും നി​ല​നി​ർ​ത്താ​ൻ പാ​ർ​ട്ടി​ക്ക് ഏ​റെ വി​യ​ർ​പ്പൊ​ഴു​ക്കേ​ണ്ടി വ​രും.

നി​ല​മ്പൂ​ർ മ​ണ്ഡ​ല​ത്തി​​ലെ ഏ​ഴ് ത​ദ്ദേ​ശ​സ്ഥാ​പ​ന​ങ്ങ​ളി​ൽ നി​ല​മ്പൂ​ർ ന​ഗ​ര​സ​ഭ​യും പോ​ത്തു​ക​ല്ല്, അ​മ​ര​മ്പ​ലം പ​ഞ്ചാ​യ​ത്തു​ക​ളും എ​ൽ.​ഡി.​എ​ഫ് ഭ​ര​ണ​ത്തി​ലാ​ണ്. ചു​ങ്ക​ത്ത​റ​യും എ​ൽ.​ഡി.​എ​ഫ് ഭ​ര​ണ​ത്തി​ലാ​യി​രു​ന്നെ​ങ്കി​ലും അ​ൻ​വ​റി​ന്റെ ഇ​ട​പെ​ട​ലി​ൽ യു.​ഡി.​എ​ഫി​ന് കീ​ഴി​ലാ​യി. അ​ൻ​വ​ർ വ​ഴി​യാ​യിരുന്നു ഇവിടെ എ​ൽ.​ഡി.​എ​ഫി​ന്റെ കഴിഞ്ഞ തവണത്തെ മികച്ച ത​ദ്ദേ​ശ വി​ജ​യ​ങ്ങ​ൾ. ഇനി ഈ ​നി​ല തു​ട​രാ​നാ​കു​മോ എ​ന്നാണ് പാർട്ടിയിൽ ആ​ശ​ങ്ക.