അവസാന നിമിഷം കൊട്ടിക്കയറി നിലമ്പൂർ പോര്; ആവേശത്തിൽ മുന്നണികളും പ്രവർത്തകരും

നി​ല​മ്പൂ​ർ: കോരിച്ചൊരിയുന്ന മഴയിലും ആവേശം ചോരാതെ നിലമ്പൂരിൽ മുന്നണികളുടെ കൊട്ടിക്കലാശം. പ​ര​സ്യ​പ്ര​ചാ​ര​ണം അ​വ​സാ​ന മ​ണി​ക്കൂ​റി​ലേ​ക്കെ​ത്തി​യ​പ്പോ​ൾ റോഡുകൾ കൈയടക്കി പാർട്ടി പ്രവർത്തകരുടെ ഡി.ജെയും ഡാൻസും ആഘോഷവും. അ​വ​സാ​ന മ​ണി​ക്കൂ​റു​ക​ളി​ൽ കാലുകുത്താനിടമില്ലാത്ത വിധം നിലമ്പൂർ ടൗൺ വിവിധ പാർട്ടി പ്രവർത്തകരാൽ തിങ്ങിനിറഞ്ഞു. റോ​ഡ് ഷോ​യു​മാ​യി എ​ൽ​.ഡി.​എ​ഫ്, യു​.ഡി​.എ​ഫ്, ബി.​ജെ​.പി, എസ്.ഡി.പി.ഐ സ്ഥാ​നാ​ർ​ഥി​ക​ളും അനുയായികളും പ്ര​ചാ​ര​ണം കൊ​ഴു​പ്പി​ച്ചു.

ര​ണ്ടാ​ഴ്ച​യി​ലേ​റെ നീ​ണ്ടുനി​ന്ന വാ​ശി​യേ​റി​യ പ്ര​ചാ​ര​ണ​ത്തി​നൊ​ടു​വി​ലാ​ണ് നി​ല​മ്പൂ​രി​ൽ കൊ​ട്ടി​ക്ക​ലാ​ശ​ത്തി​ലേ​ക്ക് ക​ട​ന്ന​ത്. വി​വാ​ദ​ങ്ങ​ളും ജ​ന​കീ​യ വി​ഷ​യ​ങ്ങ​ളും എ​ല്ലാം ച​ർ​ച്ച​യാ​യ നി​ല​മ്പൂ​ര്‍ വ്യാഴാഴ്ചയാണ് വി​ധി​യെ​ഴു​തു​ന്ന​ത്.നാളെ നി​ശ​ബ്ദ പ്ര​ചാ​ര​ണ​മാ​ണ്.

ഭ​ര​ണ​വി​രു​ദ്ധ​വി​കാ​രം വോ​ട്ടാ​കു​മെ​ന്ന് യു​ഡി​എ​ഫും സ​ർ​ക്കാ​രി​ന്‍റെ നേ​ട്ട​ങ്ങ​ൾ​ക്ക് ജ​നം പി​ന്തു​ണ ന​ൽ​കു​മെ​ന്ന് എ​ൽ​ഡി​എ​ഫും ആ​ത്മ​വി​ശ്വാ​സം പ്ര​ക​ടി​പ്പി​ക്കു​ന്നു. ഗെയിം ചെയ്ഞ്ചറായി പി.വി. അൻവറിന്റെ രംഗപ്രവേശവും ജയപരാജയങ്ങളെ സ്വാധീനിക്കും. എ​ൻ​.ഡി.​എ, എസ്.ഡി.പി.ഐ സ്ഥാനാർഥികൾ സ്വന്തമാക്കുന്ന വോട്ടുകളിലെ ഏറ്റക്കുറച്ചിലുകൾ ആർക്ക് ഗുണകരമാകുമെന്നും കണ്ടറിയണം.

പി.​വി.​അ​ൻ​വ​ർ എം​എ​ൽ​എ സ്ഥാ​നം രാ​ജി​വ​ച്ച​തോ​ടെ​യാ​ണ് നി​ല​മ്പൂ​രി​ൽ ഉ​പ​തെ​ര​ഞ്ഞെ​ടു​പ്പി​ന് ക​ള​മൊ​രു​ങ്ങി​യ​ത്. യു​ഡി​എ​ഫി​നാ​യി ആ​ര്യാ​ട​ൻ ഷൗ​ക്ക​ത്ത്, എ​ൽ​.ഡി​.എ​ഫി​നാ​യി എം.​ സ്വ​രാ​ജ്, സ്വ​ത​ന്ത്ര​നാ​യി പി.​വി.​അ​ൻ​വ​ർ, എ​ൻ​.ഡി.​എ‍​യ്ക്കാ​യി മോ​ഹ​ൻ ജോ​ർ​ജ്, എസ്.ഡി.പി.ഐക്കായി അഡ്വ. സാദിഖ് നടുത്തൊടി തു​ട​ങ്ങി​യ​വ​രാ​ണ് മ​ത്സ​ര​രം​ഗ​ത്തു​ള്ള​ത്. കൊ​ട്ടി​ക്ക​ലാ​ശ​ത്തി​ൽ സം​ഘ​ർ​ഷം ഒ​ഴി​വാ​ക്കാ​ൻ വി​വി​ധ സ്ഥാ​നാ​ർ​ഥി​ക​ൾ​ക്ക് പൊ​ലീ​സ് വെ​വ്വേ​റെ സ്ഥ​ലം നി​ശ്ച​യി​ച്ചു​ ന​ൽ​കിയിരുന്നു.