നിമിഷപ്രിയയുടെ മോചനം; ചാണ്ടി ഉമ്മനും പ്രവാസി വ്യവസായിയും ഗവർണറെ കണ്ടു​

തി​രു​വ​ന​ന്ത​പു​രം: യ​മ​നി​ൽ വ​ധ​ശി​ക്ഷ​ക്ക്​ വി​ധി​ക്ക​​പ്പെ​ട്ട നി​മി​ഷ പ്രി​യ​യു​ടെ മോ​ച​ന​ത്തി​നാ​യി ഇ​ട​പെ​ടു​ന്ന പ്ര​വാ​സി വ്യ​വ​സാ​യി സാ​ജ​ൻ ല​ത്തീ​ഫ്​ ഗ​വ​ർ​ണ​ർ രാ​ജേ​ന്ദ്ര അ​ർ​ലേ​ക്ക​റെ രാ​ജ്​​ഭ​വ​നി​ൽ സ​ന്ദ​ർ​ശി​ച്ചു. ചാ​ണ്ടി ഉ​മ്മ​ൻ എം.​എ​ൽ.​എ​ക്കൊ​പ്പ​മാ​ണ്​ സാ​ജ​ൻ എ​ത്തി​യ​ത്.

കൊ​ല്ല​പ്പെ​ട്ട ത​ലാ​ലി​ന്‍റെ കു​ടും​ബ​വു​മാ​യു​ള്ള ച​ർ​ച്ച അ​ന്തി​മ​ഘ​ട്ട​ത്തി​ലെ​ത്തി​യെ​ന്നും തു​ട​ർ​നീ​ക്ക​ങ്ങ​ൾ​ക്ക്​ കേ​ന്ദ്ര സ​ർ​ക്കാ​രി​ന്‍റെ പി​ന്തു​ണ ഉ​റ​പ്പാ​ക്കാ​നാ​ണ്​ ഗ​വ​ർ​ണ​റെ ക​ണ്ട​തെ​ന്നും സാ​ജ​ൻ ല​ത്തീ​ഫ്​ പ്ര​തി​ക​രി​ച്ചു. ച​ർ​ച്ച​ക​ളു​ടെ പു​രോ​ഗ​തി ആ​രാ​ഞ്ഞ ഗ​വ​ർ​ണ​ർ എ​ല്ലാ പി​ന്തു​ണ​യും സ​ഹ​ക​ര​ണ​വും വാ​ഗ്ദാ​നം ചെ​യ്തു.

കഴിഞ്ഞ ദിവസം നിമിഷ പ്രിയയുടെ മോചനവുമായി ബന്ധപ്പെട്ട്​ നടത്തിയ ഇടപെടലുകൾക്ക്​ നന്ദി പറയാനും ഭാവി കാര്യങ്ങൾ ചർച്ച ചെയ്യാനും ചാണ്ടി ഉമ്മൻ കാന്തപുരം എ.പി. അബൂബക്കർ മുസ്‍ലിയാരെ സന്ദർശിച്ചിരുന്നു. മാധ്യമങ്ങളിലൂടെയും സമൂഹ മാധ്യമങ്ങളിലൂടെയും തെറ്റായ കാര്യങ്ങൾ പ്രചരിപ്പിച്ചാൽ അത്​ നിമിഷപ്രിയയുടെ മോചനത്തെ​ പ്രതികൂലമായി ബാധിക്കുമെന്ന്​ സന്ദർശനത്തിന്​ ശേഷം ചാണ്ടി ഉമ്മൻ പറഞ്ഞു.

ഈ വിഷയത്തിൽ രാഷ്ട്രീയമില്ല. എല്ലാവരും ഒറ്റക്കെട്ടായാണ്​ പ്രവർത്തിക്കുന്നത്​. കാന്തപുരത്തിന്‍റെ ഇടപെടലുകൾ സഹായകരമായിട്ടുണ്ട്​. അന്താരാഷ്​ട്ര ബന്ധങ്ങളും യമനിലെ പണ്ഡിതരുമായുള്ള ബന്ധവും ഉപയോ​ഗപ്പെടുത്തിയാണ്​ അദ്ദേഹം ഇടപെടുന്നതെന്നും ചാണ്ടി ഉമ്മൻ കൂട്ടിച്ചേർത്തു. ചാണ്ടി ഉമ്മന്‍റെ അഭ്യർഥന പ്രകാരമാണ്​ താൻ വിഷയത്തിൽ ഇടപെട്ടതെന്ന്​ നേരത്തെ കാന്തപുരം വ്യക്തമാക്കിയിരുന്നു.