സ്വാഭാവിക ജാമ്യം: അപ്രായോഗിക വ്യവസ്ഥ ചുമത്തുന്നത് മൗലികാവകാശ ലംഘനം -ഹൈകോടതി

കൊ​ച്ചി: സ്വാ​ഭാ​വി​ക ജാ​മ്യം അ​നു​വ​ദി​ക്കു​മ്പോ​ൾ അ​പ്രാ​യോ​ഗി​ക വ്യ​വ​സ്ഥ ചു​മ​ത്തു​ന്ന​ത്​ മൗ​ലി​കാ​വ​കാ​ശ​ത്തി​ന്‍റെ ലം​ഘ​ന​മാ​ണെ​ന്ന്​ ഹൈ​കോ​ട​തി. സ്വാ​ഭാ​വി​ക ജാ​മ്യം പ്ര​തി​യു​ടെ നി​യ​മ​പ​ര​മാ​യ അ​വ​കാ​ശ​മാ​ണ്. ക​ർ​ശ​ന വ്യ​വ​സ്ഥ​ക​ൾ ഉ​ൾ​പ്പെ​ടു​ത്തി അ​ത് നി​ഷേ​ധി​ക്കാ​നാ​വി​ല്ലെ​ന്ന്​ ജ​സ്റ്റി​സ്​ പി.​വി. കു​ഞ്ഞി​കൃ​ഷ്ണ​ൻ വ്യ​ക്ത​മാ​ക്കി. മ​യ​ക്കു​മ​രു​ന്ന് കേ​സി​ലെ പ്ര​തി​ക്ക് സ്വാ​ഭാ​വി​ക ജാ​മ്യ​ത്തി​ന് കീ​ഴ് കോ​ട​തി ചു​മ​ത്തി​യ അ​സാ​ധാ​ര​ണ വ്യ​വ​സ്ഥ റ​ദ്ദാ​ക്കി​യാ​ണ്​ ഹൈ​കോ​ട​തി​യു​ടെ നി​രീ​ക്ഷ​ണം.

1.75 ഗ്രാം ​എം.​ഡി.​എം.​എ​യു​മാ​യി സെ​പ്​​റ്റം​ബ​റി​ൽ പി​ടി​യി​ലാ​യ​തി​നെ​ത്തു​ട​ർ​ന്ന്​ ചേ​രാ​ന​ല്ലൂ​ർ പൊ​ലീ​സ് ര​ജി​സ്റ്റ​ർ ചെ​യ്ത കേ​സി​ലെ പ്ര​തി വി​ഷ്ണു സ​ജ​ന​നാ​ണ് എ​റ​ണാ​കു​ളം സെ​ഷ​ൻ​സ് കോ​ട​തി അ​സാ​ധാ​ര​ണ വ്യ​വ​സ്ഥ​ക​ളു​ടെ അ​ടി​സ്ഥാ​ന​ത്തി​ൽ സ്വാ​ഭാ​വി​ക ജാ​മ്യം അ​നു​വ​ദി​ച്ച​ത്. 60 ദി​വ​സം ക​ഴി​ഞ്ഞി​ട്ടും കു​റ്റ​പ​ത്രം സ​മ​ർ​പ്പി​ക്കാ​ത്ത സാ​ഹ​ച​ര്യ​ത്തി​ലാ​യി​രു​ന്നു ജാ​മ്യം. ഒ​രു​ല​ക്ഷം രൂ​പ​യും ര​ണ്ടാ​ൾ​ജാ​മ്യ​വും കൂ​ടാ​തെ ര​ണ്ട്​ ജാ​മ്യ​ക്കാ​രി​ൽ ഒ​രാ​ൾ അ​ടു​ത്ത ബ​ന്ധു​വാ​യി​രി​ക്ക​ണ​മെ​ന്നും ജാ​മ്യ​ക്കാ​ർ ക​ര​മ​ട​ച്ച ര​സീ​തി​ന്​ പ​ക​രം സ്വ​ത്തി​ന്‍റെ അ​സ്സ​ൽ ആ​ധാ​രം ഹാ​ജ​രാ​ക്ക​ണ​മെ​ന്നു​മാ​യി​രു​ന്നു കോ​ട​തി ചു​മ​ത്തി​യ വ്യ​വ​സ്ഥ. അ​ല്ലാ​ത്ത​പ​ക്ഷം ബ​ന്ധു​വ​ട​ക്കം മൂ​ന്നു​പേ​രു​ടെ ജാ​മ്യം വേ​ണ​മെ​ന്നും നി​ർ​ദേ​ശി​ച്ചി​രു​ന്നു.

എ​ന്നാ​ൽ, സ്വ​ന്ത​മാ​യി ഭൂ​മി​യി​ല്ലാ​ത്ത​തി​നാ​ലും ബ​ന്ധു​ക്ക​ളാ​രും ജാ​മ്യം നി​ൽ​ക്കാ​ൻ ത​യാ​റാ​കാ​ത്ത​തി​നാ​ലും ഈ ​ജാ​മ്യ വ്യ​വ​സ്ഥ പാ​ലി​ക്കാ​നാ​യി​ല്ല. തു​ട​ർ​ന്ന്​ വ്യ​വ​സ്ഥ​യി​ൽ ഇ​ള​വു​തേ​ടി പ്ര​തി ഹൈ​കോ​ട​തി​യെ സ​മീ​പി​ക്കു​ക​യാ​യി​രു​ന്നു. അ​ന്വേ​ഷ​ണ​വു​മാ​യി സ​ഹ​ക​രി​ക്കാ​നും വി​ചാ​ര​ണ വേ​ള​യി​ൽ പ്ര​തി​യു​ടെ സാ​ന്നി​ധ്യം ഉ​റ​പ്പ് വ​രു​ത്താ​നും ആ​വ​ശ്യ​മാ​യ വ്യ​വ​സ്ഥ​ക​ൾ മാ​ത്ര​മാ​ണ്​ ജാ​മ്യം അ​നു​വ​ദി​ക്കു​മ്പോ​ൾ കോ​ട​തി​ക​ൾ ചു​മ​ത്തേ​ണ്ട​തെ​ന്നും അ​പ്രാ​യോ​ഗി​ക വ്യ​വ​സ്ഥ​ക​ൾ വെ​ച്ച്​ ഭ​ര​ണ​ഘ​ട​നാ​പ​ര​മാ​യ അ​വ​കാ​ശ​ത്തെ നി​ഷേ​ധി​ക്കാ​നാ​വി​ല്ലെ​ന്നും കോ​ട​തി വ്യ​ക്ത​മാ​ക്കി.

തു​ട​ർ​ന്ന് കീ​ഴ്​​കോ​ട​തി​യു​ടെ ര​ണ്ട് വ്യ​വ​സ്ഥ​ക​ൾ റ​ദ്ദാ​ക്കി​യ കോ​ട​തി ആ​ധാ​ര​ത്തി​ന് പ​ക​രം ക​ര​മ​ട​ച്ച ര​സീ​ത് ഹാ​ജ​രാ​ക്കി​യാ​ൽ മ​തി​യെ​ന്ന്​ നി​ർ​ദേ​ശി​ച്ചു.