ആലപ്പുഴയിൽ നിന്ന് ഒരു മൃതദേഹം കൂടി കണ്ടെടുത്തു

കൊച്ചി: ചുഴലിക്കാറ്റിനെ തുടർന്ന് കടലിൽ കാണാതായ ഒരാളുടെ മൃതദേഹം കൂടി കണ്ടെടുത്തു. ആലപ്പുഴയിൽ തീരത്ത് നിന്ന് 40 നോട്ടിക്കൽ മൈൽ അകലെ കടലിൽ നിന്നാണ് മൃതദേഹം കണ്ടെത്തിയത്. മൃതദേഹം തിരിച്ചറിഞ്ഞിട്ടില്ല. 

ഫിഷറീസ്-മറൈൻ എൻഫോഴ്സ്മെന്‍റ് വിഭാഗമാണ് തിരച്ചിൽ നടത്തിയത്. രാത്രി 10 മണിയോട് കൂടി മൃതദേഹം ആലപ്പുഴ അഴീക്കൽ ഹാർബറിൽ എത്തിക്കുമെന്നാണ് ലഭിക്കുന്ന വിവരം. 

കാണാതായ കൂടുതൽ പേരുടെ മൃതദേഹങ്ങൾ രാവിലെ കണ്ടെടുത്തിരുന്നു. കപ്പലിൽ കൊണ്ടു വരുന്ന മൃതദേഹങ്ങൾ കൊല്ലത്തെ നീണ്ടകര തുറമഖത്തിൽ എത്തിക്കുമെന്ന് അധികൃതർ അറിയിച്ചു.