‘മ​ക​ൾ ല​ക്ഷ്​​മി, സ​മൃ​ദ്ധി​യു​ടെ ദേ​വ​ത; 10 ആ​ൺമ​ക്ക​ൾ​ക്ക്​ തു​ല്യ​മാ​ണ്​ ഒ​രു മ​ക​ൾ’; സ്ക​ന്ദ​പു​രാ​ണം ഉദ്ധരിച്ച് ഹൈകോടതിയുടെ ഉത്തരവ്

കൊ​ച്ചി: സ​മൃ​ദ്ധി​യു​ടെ ദേ​വ​ത കു​ടി​കൊ​ള്ളു​ന്ന​ത്​ മ​ക​ളി​ലെ​ന്ന്​ ഹൈ​കോ​ട​തി. മ​ക​ളെ​ന്നാ​ൽ ഹൈ​ന്ദ​വ വി​ശ്വാ​സ പ്ര​കാ​ര​മു​ള്ള ല​ക്ഷ്മി ദേ​വി​ക്ക്​ തു​ല്യ​മാ​ണ്​. 10 ആ​ൺ​മ​ക്ക​ൾ​ക്ക്​ തു​ല്യ​മാ​ണ്​ ഒ​രു മ​ക​ൾ എ​ന്ന് സ്ക​ന്ദ​പു​രാ​ണ​ത്തി​ൽ പ​റ​യു​ന്നു. ഇ​ങ്ങ​നെ​യൊ​ക്കെ​യാ​യി​ട്ടും നി​യ​മ​പ​ര​മാ​യി പി​തൃ​സ്വ​ത്തി​ൽ തു​ല്യ​വ​കാ​ശ​മു​ന്ന​യി​ക്കാ​നാ​കാ​ത്ത സ്ഥി​തി​യി​ലാ​ണ്​ പെ​ൺ​മ​ക്ക​ളെ​ന്നും തു​ല്യ സ്വ​ത്ത​വ​കാ​ശം അ​നു​വ​ദി​ച്ച്​ പു​റ​പ്പെ​ടു​വി​ച്ച ഉ​ത്ത​ര​വി​ൽ ജ​സ്റ്റി​സ് എ​സ്. ഈ​ശ്വ​ര​ൻ വ്യ​ക്​​ത​മാ​ക്കി. ഹി​ന്ദു പി​താ​വി​ന്‍റെ പൂ​ർ​വി​ക സ്വ​ത്തി​ൽ പെ​ൺ​മ​ക്ക​ൾ​ക്ക്,​ ആ​ൺ​മ​ക്ക​ൾ​ക്ക്​ തു​ല്യ​മാ​യ അ​വ​കാ​ശ​മു​ണ്ടെ​ന്ന സുപ്രധാന ഉത്തരവിലാണ് സ്ക​ന്ദ​പു​രാ​ണം ഹൈ​കോ​ട​തി ഉദ്ധരിച്ചത്.

2024 ഡി​സം​ബ​ർ 20ന് ​ശേ​ഷം മ​രി​ച്ച ഹി​ന്ദു പി​താ​വി​ന്‍റെ പൂ​ർ​വി​ക സ്വ​ത്തി​ൽ പെ​ൺ​മ​ക്ക​ൾ​ക്ക്,​ ആ​ൺ​മ​ക്ക​ൾ​ക്ക്​ തു​ല്യ​മാ​യ അ​വ​കാ​ശ​മു​ണ്ടെ​ന്നാണ് ഹൈ​കോ​ട​തി ഉത്തരവിട്ടത്. പാ​ർ​ല​മെ​ന്റ് 2005ൽ ​പാ​സാ​ക്കി​യ കേ​ന്ദ്ര ഹി​ന്ദു പി​ൻ​തു​ട​ർ​ച്ച (ഭേ​ദ​ഗ​തി) നി​യ​മ​ത്തി​ലെ വ്യ​വ​സ്ഥ​ക​ളാ​ണ്​ നി​ല​നി​ൽ​ക്കു​ക എ​ന്ന​തി​നാ​ൽ 1975ലെ ​കേ​ര​ള കൂ​ട്ടുകു​ടും​ബ സ​മ്പ്ര​ദാ​യം (നി​ർ​ത്ത​ലാ​ക്ക​ൽ) നി​യ​മ​ത്തി​ലെ ബ​ന്ധ​പ്പെ​ട്ട വ​കു​പ്പു​ക​ൾ ബാ​ധ​ക​മാ​വി​ല്ലെ​ന്ന്​ ജ​സ്റ്റി​സ് എ​സ്. ഈ​ശ്വ​ര​ൻ വ്യ​ക്ത​മാ​ക്കി.

ജ​ന്മം​ കൊ​ണ്ടു​ത​ന്നെ പി​താ​വി​ന്‍റെ സ്വ​ത്തി​ൽ പെ​ൺ​മ​ക്ക​ൾ​ക്കും അ​വ​കാ​ശ​മു​ന്ന​യി​ക്കാ​നാ​കും. പി​തൃ​സ്വ​ത്തി​ൽ തു​ല്യാ​വ​കാ​ശം കി​ട്ടാ​ത്ത​ത് ചോ​ദ്യം ചെ​യ്ത് കോ​ഴി​ക്കോ​ട് സ്വ​ദേ​ശി​ക​ളാ​യ സ​ഹോ​ദ​രി​മാ​ർ ന​ൽ​കി​യ അ​പ്പീ​ൽ ഹ​ര​ജി​യി​ലാ​ണ്​ ഉ​ത്ത​ര​വ്. ജ​ന്മം​കൊ​ണ്ട് സ്വ​ത്തി​ൽ അ​വ​കാ​ശ​മു​ന്ന​യി​ക്കാ​മെ​ന്ന് കേ​ന്ദ്ര നി​യ​മ ഭേ​ദ​ഗ​തി​യു​ടെ ആ​റാം വ​കു​പ്പ് വ്യ​വ​സ്ഥ ചെ​യ്യു​ന്നു​ണ്ടെ​ങ്കി​ലും ഹി​ന്ദു അ​വി​ഭ​ക്ത സ്വ​ത്തി​ൽ ജ​ന്മാ​വ​കാ​ശ​മു​ന്ന​യി​ക്കാ​ൻ ആ​ർ​ക്കും ക​ഴി​യി​ല്ലെ​ന്ന്​ കേ​ര​ള നി​യ​മ​ത്തി​ലെ മൂ​ന്നാം വ​കു​പ്പി​ലും സ്വ​ത്ത് ത​റ​വാ​ട്ടി​ലെ എ​ല്ലാ താ​മ​സ​ക്കാ​ർ​ക്കു​മാ​യി വീ​തം വെ​ക്ക​ണ​മെ​ന്ന്​ നാ​ലാം വ​കു​പ്പി​ലും പ​റ​യു​ന്നു.

കേ​ര​ള നി​യ​മ​ത്തി​ലെ വി​പ​രീ​ത വ്യ​വ​സ്ഥ​ക​ൾ ത​ട​സ്സ​മാ​യി നി​ൽ​ക്കു​ന്ന​തി​നാ​ൽ വി​വാ​ഹി​ത​രാ​യ സ്ത്രീ​ക​ൾ​ക്ക് സ്വ​ത്തി​ൽ അ​വ​കാ​ശ​മു​ന്ന​യി​ക്കാ​ൻ ക​ഴി​യാ​ത്ത സ്ഥി​തി​യു​ണ്ടാ​യി​രു​ന്നു. ര​ണ്ടു നി​യ​മ​ങ്ങ​ളും വ്യ​ത്യ​സ്ത ക​ട​മ​ക​ളാ​ണ് നി​ർ​വ​ഹി​ക്കു​ന്ന​തെ​ന്നാ​യി​രു​ന്നു​ കേ​ര​ള സ​ർ​ക്കാ​ർ വാ​ദം. വി​പ​രീ​ത ദി​ശ​യി​ലു​ള്ള​താ​ണ്​ ര​ണ്ട്​ നി​യ​മ​ങ്ങ​ളു​മെ​ന്ന്​ അ​മി​ക്ക​സ് ക്യൂ​റി കോ​ട​തി​യെ അ​റി​യി​ച്ചു. 2005ലെ ​നി​യ​മം കേ​ര​ള​ത്തി​ന് ബാ​ധ​ക​മ​ല്ലെ​ന്നും വി​ഷ​യം വി​ശാ​ല ബെ​ഞ്ചി​ന് വി​ട​ണ​മെ​ന്നും ഹ​ര​ജി​ക്കാ​രു​ടെ അ​മ്മ​യും സ​ഹോ​ദ​ര​നും വാ​ദി​ച്ചു. എ​ന്നാ​ൽ, കേ​ന്ദ്ര നി​യ​മ ഭേ​ദ​ഗ​തി വ​ന്ന​തോ​ടെ കേ​ര​ള നി​യ​മ​ത്തി​ലെ വ്യ​വ​സ്ഥ​ക​ൾ​ക്ക് നി​ല​നി​ൽ​പ്പി​ല്ലാ​താ​യെ​ന്ന് കോ​ട​തി വ്യ​ക്ത​മാ​ക്കി.

ജ​ന്മാ​വ​കാ​ശ​ത്തി​നെ​തി​രെ ഹൈ​കോ​ട​തി മു​മ്പ്​ പു​റ​പ്പെ​ടു​വി​ച്ച ര​ണ്ട് ഉ​ത്ത​ര​വു​ക​ൾ നി​യ​മ​പ​ര​മ​ല്ലെ​ന്ന്​ വി​നീ​ത ശ​ർ​മ കേ​സി​ലെ സു​പ്രീം​കോ​ട​തി ഉ​ത്ത​ര​വ്​ ഉ​ദ്ധ​രി​ച്ച്​ കോ​ട​തി വ്യ​ക്​​ത​മാ​ക്കി. ഹ​ര​ജി​ക്കാ​രു​ടെ പി​താ​വ് ജീ​വി​ച്ചി​രി​ക്കെ ത​ന്നെ വി​ൽ​പ​ത്രം അ​നു​സ​രി​ച്ച് മ​ക​ന് സ്വ​ത്തു​ക്ക​ൾ ന​ൽ​കി​യി​രു​ന്നു. ഇ​ത് ചോ​ദ്യം ചെ​യ്ത് പെ​ൺ​മ​ക്ക​ൾ ന​ൽ​കി​യ ഹ​ര​ജി കോ​ഴി​ക്കോ​ട് സ​ബ്കോ​ട​തി ത​ള്ളു​ക​യും അ​പ്പീ​ൽ അ​ഡീ. സെ​ഷ​ൻ​സ് കോ​ട​തി ഭാ​ഗി​ക​മാ​യി മാ​ത്രം അ​നു​വ​ദി​ക്കു​ക​യും ചെ​യ്തു.

ഹ​ര​ജി പ​രി​ഗ​ണ​ന​യി​ലി​രി​ക്കെ പി​താ​വ് മ​രി​ച്ചു. തു​ട​ർ​ന്നാ​ണ് ഹൈ​കോ​ട​തി​യെ സ​മീ​പി​ച്ച​ത്. വി​ചാ​ര​ണ കോ​ട​തി ഉ​ത്ത​ര​വു​ക​ൾ നീ​തി​പൂ​ർ​വ​മ​ല്ല എ​ന്ന്​ വ്യ​ക്ത​മാ​ക്കി​യ ഹൈ​കോ​ട​തി, കു​ടും​ബ സ്വ​ത്ത് ഹ​ര​ജി​ക്കാ​ർ​ക്കും സ​ഹോ​ദ​ര​നു​മാ​യി തു​ല്യ​മാ​യി വീ​തം വെ​ക്കാ​നും നി​ർ​ദേ​ശി​ച്ചു.