കാട്ടുപോത്തിനെ മയക്കുവെടി വെക്കാൻ ഉത്തരവ്

കോ​ട്ട​യം: എരുമേലി കണമലയിൽ രണ്ടുപേരെ കൊലപ്പെടുത്തിയ കാട്ടുപോത്തിനെ മയക്കുവെടി വെച്ച്​ പിടികൂടാൻ ഉത്തരവ്. കാട്ടുപോത്ത് ജനവാസമേഖലയിലിറങ്ങി ആക്രമണം തുടർന്നാൽ വെടിവെക്കാനാണ് വനംവകുപ്പ്​ ചീഫ് വൈൽഡ് ലൈഫ് വാർഡന്‍റെ ഉത്തരവ്​. ഹൈറേഞ്ച് സര്‍ക്കിള്‍ ചീഫ് കണ്‍സര്‍വേറ്ററെയാണ് ഇതിനായി ചുമതലപ്പെടുത്തിയിരിക്കുന്നത്​.

വെള്ളിയാഴ്ച രാവിലെ കാട്ടുപോത്തിന്‍റെ ആക്രമണത്തിൽ രണ്ടുപേർ മരണപ്പെട്ടതിന്​ പിന്നാലെ കണമലയിൽ നാട്ടുകാർ കടുത്ത പ്രതിഷേധവുമായി തടിച്ചുകൂടിയിരുന്നു. ഇവർ മണിക്കൂറുകളോളം റോഡും​ ഉപരോധിച്ചതോടെ സ്ഥലത്തെത്തിയ കോട്ടയം ജില്ല കലക്​ടർ കാട്ടുപോത്തിനെ വെടിവെച്ചുകൊല്ലാൻ ​പൊലീസിന്​ അധികാരം നൽകി ഉത്തരവിറക്കിയിരുന്നു. വനംവക​ുപ്പ്​ കാട്ടുപോത്തിനെ കണ്ടെത്തി നൽകണമെന്നും ജില്ല പൊലീസിന്‍റെ നേതൃത്വത്തിൽ വെടിവെക്കാനുമായിരുന്നു നിർദേശം. ഇതോടെയാണ്​ എട്ടുമണിക്കൂർ നീണ്ട പ്രതിഷേധം നാട്ടുകാർ അവസാനിപ്പിച്ചത്​. എന്നാൽ, കാട്ടുപോത്തിനെ വെടിവെച്ച്​ കൊല്ലാനാകില്ലെന്ന്​ ശനിയാഴ്ച നിലപാടെടുത്ത വനംവകുപ്പ്​ ഇക്കാര്യം ജില്ല ഭരണകൂടത്തെ അറിയിച്ചു. കാട്ടുപോത്തിനെ വെടിവെച്ചുകൊല്ലാനുള്ള ഉത്തരവിനെതിരെ പരാതികൾ ഉയർന്നതായും ചില കേന്ദ്രങ്ങൾ ഇത്​ വിവാദമാക്കാനുള്ള സാധ്യതയുണ്ടെന്നും വനംവകുപ്പ്​ കലക്ടറെ അറിയിച്ചു. വന്യജീവികളെ വെടിവെക്കാൻ സി.ആർ.പി.സി വകുപ്പ് പ്രകാരം ഉത്തരവിടാൻ കലക്ടർക്ക്​ കഴിയില്ല. ചീഫ് വൈൽഡ് ലൈഫ് വാർഡനാണ്​ ഇതിനുള്ള അധികാരമെന്നും ഇവർ ചൂണ്ടിക്കാട്ടി. ഇതിനുപിന്നാലയാണ്​ വനംവകുപ്പിന്‍റെ ഉത്തരവിറക്കിയത്​.

മലയോര നിവാസികളുടെ സംരക്ഷണം ഉറപ്പാക്കണം -കാതോലിക്ക ബാവ

കോ​ട്ട​യം: കാ​ട്ടു​പോ​ത്തി​ന്‍റെ ആ​ക്ര​മ​ണ​ത്തി​ൽ മ​ല​യോ​ര നി​വാ​സി​ക​ൾ കൊ​ല്ല​പ്പെ​ട്ട​ത് ന​ടു​ക്കു​ന്ന സം​ഭ​വ​മാ​ണെ​ന്ന്​ ഓ​ർ​ത്ത​ഡോ​ക്​​സ്​ സ​ഭാ​ധ്യ​ക്ഷ​ൻ ബ​സേ​ലി​യോ​സ് മാ​ർ​ത്തോ​മ മാ​ത്യൂ​സ് തൃ​തീ​യ​ൻ കാ​തോ​ലി​ക്ക ബാ​വ. ഇ​ത്ത​ര​ത്തി​ലു​ള്ള ദു​ര​ന്ത​ങ്ങ​ൾ ആ​വ​ർ​ത്തി​ക്ക​പ്പെ​ടാ​തി​രി​ക്കാ​ൻ സ​ത്വ​ര​ന​ട​പ​ടി​ക​ൾ സ്വീ​ക​രി​ക്ക​ണ​മെ​ന്ന് അ​ദ്ദേ​ഹം പ്ര​സ്താ​വ​ന​യി​ൽ ആ​വ​ശ്യ​പ്പെ​ട്ടു. പൗ​ര​ന്‍റെ ജീ​വ​നും സ്വ​ത്തി​നും ഭ​ര​ണ​ഘ​ട​ന അ​നു​ശാ​സി​ക്കു​ന്ന സം​ര​ക്ഷ​ണം ന​ൽ​കേ​ണ്ട​ത് ഭ​ര​ണ​കൂ​ട​ത്തി​ന്‍റെ ബാ​ധ്യ​ത​യാ​ണെ​ന്നും അ​ദ്ദേ​ഹം പ​റ​ഞ്ഞു.