പാലക്കാട് വീട് കുത്തിത്തുറന്ന് സ്വർണവും പണവും മോഷ്ടിച്ചു

പാലക്കാട്: മാങ്കുറുശിയിൽ വീട് കുത്തിത്തുറന്ന് 21 പവൻ സ്വർണവും പണവും മോഷ്ടിച്ചു. തിരുവോണം വീട്ടിൽ കൃഷ്ണനുണ്ണിയുടെ വീട്ടിലാണ് മോഷണം നടന്നത്. ശനിയാഴ്ച വൈകിട്ട് ആറിനും രാത്രി പതിനൊന്നിനും മധ്യേ വീട്ടിൽ ആളില്ലാതിരുന്ന സമയത്തായിരുന്നു മോഷണം.

വീടിന്‍റെ വാതിൽ പൊളിച്ചാണ് മോഷ്ടാക്കൾ അകത്ത് കടന്നത്. അലമാരയിൽ സൂക്ഷിച്ച 21 പവൻ സ്വർണവും ലാപ്ടോപ്പും വിദേശ കറൻസിയും കവർന്നു. മങ്കര പൊലീസ് കേസെടുത്ത് അന്വേഷണം തുടങ്ങി.