മോ​ട്ടോ​ർ വെ​ഹി​ക്കി​ൾ ഇ​ൻ​സ്പെ​ക്ട​ർ​മാ​രു​ടെ പാ​സി​ങ്​​ഔ​ട്ട് പ​രേ​ഡ് ഇ​ന്ന്; 16 എം.ടെക്കുകാർ

തി​രു​വ​ന​ന്ത​പു​രം: പൊ​ലീ​സ് ട്രെ​യി​നി​ങ് കോ​ള​ജി​ൽ​നി​ന്ന് പ​രി​ശീ​ല​നം പൂ​ർ​ത്തി​യാ​ക്കി​യ 14 ാമ​ത് ബാ​ച്ച് മൂ​ന്ന് മോ​ട്ടോ​ർ വെ​ഹി​ക്കി​ൾ ഇ​ൻ​സ്പെ​ക്ട​ർ​മാ​രു​ടെ​യും 68 അ​സി.​മോ​ട്ടോ​ർ വെ​ഹി​ക്കി​ൾ ഇ​ൻ​സ്പെ​ക്ട​ർ​മാ​രു​ടെ​യും പാ​സി​ങ്​ ഔ​ട്ട് പ​രേ​ഡ് 31ന്​ ​രാ​വി​ലെ എ​ട്ടി​ന്​ തി​രു​വ​ന​ന്ത​പു​ര​ത്തെ പൊ​ലീ​സ് ട്രെ​യി​നി​ങ് കോ​ള​ജി​ൽ ന​ട​ക്കും.

മ​ന്ത്രി കെ.​ബി. ഗ​ണേ​ഷ് കു​മാ​ർ പ​രേ​ഡി​ൽ സ​ല്യൂ​ട്ട് സ്വീ​ക​രി​ക്കും. 2023-24 വ​ർ​ഷ​ങ്ങ​ളി​ൽ മു​ഖ്യ​മ​ന്ത്രി​യു​ടെ ഗ​താ​ഗ​ത മെ​ഡ​ലി​ന് അ​ർ​ഹ​രാ​യ​വ​ർ​ക്ക്‌ മ​ന്ത്രി പു​ര​സ്‌​കാ​ര വി​ത​ര​ണം ന​ട​ത്തും. ജൂ​ൺ ഒ​ന്ന് മോ​ട്ടോ​ർ വാ​ഹ​ന​വ​കു​പ്പി​ന്റെ പി​റ​വി ദി​ന​മാ​യി ആ​ച​രി​ക്കു​ന്ന​തി​നു​ള്ള പ്ര​ഖ്യാ​പ​ന​വും മോ​ട്ടോ​ർ വാ​ഹ​ന വ​കു​പ്പി​നാ​യി രൂ​പ​വ​ത്​​ക​രി​ച്ച പ​താ​ക​യു​ടെ പ്ര​കാ​ശ​ന​വും ഈ ​ച​ട​ങ്ങി​ൽ മ​ന്ത്രി നി​ർ​വ​ഹി​ക്കും.

2015 ജ​നു​വ​രി മൂ​ന്നി​നാ​ണ്​ പൊ​ലീ​സ് ട്രെ​യി​നി​ങ് കോ​ള​ജി​ൽ ഇ​വ​രു​ടെ പ​രി​ശീ​ല​നം ആ​രം​ഭി​ച്ച​ത്. 120 ദി​വ​സം നീ​ണ്ട പ​രി​ശീ​ല​ന കാ​ല​യ​ള​വി​ൽ ഇ​വ​ർ​ക്ക് വി​വി​ധ വി​ഷ​യ​ങ്ങ​ളി​ൽ ഇ​ൻ​ഡോ​ർ ഔ​ട്ട്​​ഡോ​ർ പ​രി​ശീ​ല​നം ന​ൽ​കി​യി​ട്ടു​ണ്ട്. ഇ​വ​രി​ൽ 16 എം.​ടെ​ക് ബി​രു​ദ​ധാ​രി​ക​ളു​ണ്ട്. 46 ബി​രു​ദ​ധാ​രി​ക​ളും മൂ​ന്ന്​ എ​ൻ​ജി​നീ​യ​റി​ങ് ഡി​പ്ലോ​മ​ക്കാ​രും ഉ​ൾ​പ്പെ​ടും