പൊട്ടക്കുഴി ശ്രീനാഥ്​ നമ്പൂതിരി ഗുരുവായൂർ ക്ഷേത്രം മേൽശാന്തി

ഗു​രു​വാ​യൂ​ർ: ഗു​രു​വാ​യൂ​ർ ക്ഷേ​ത്ര​ത്തി​ലെ അ​ടു​ത്ത ആ​റു​മാ​സ​ത്തേ​ക്കു​ള്ള മേ​ൽ​ശാ​ന്തി​യാ​യി പാ​ല​ക്കാ​ട് തെ​ക്കേ വാ​വ​ന്നൂ​ർ പൊ​ട്ട​ക്കു​ഴി മ​ന ‘വൃ​ന്ദാ​വ​ന’​ത്തി​ൽ ശ്രീ​നാ​ഥ് ന​മ്പൂ​തി​രി​യെ (31) തെ​ര​ഞ്ഞെ​ടു​ത്തു. ശ​നി​യാ​ഴ്ച ഉ​ച്ച​പൂ​ജ​ക്ക് ശേ​ഷം ക്ഷേ​ത്രം ത​ന്ത്രി ചേ​ന്നാ​സ് ദി​നേ​ശ​ൻ ന​മ്പൂ​തി​രി​പ്പാ​ടി​ന്റെ സാ​ന്നി​ധ്യ​ത്തി​ലാണ് തെ​ര​ഞ്ഞെ​ടു​പ്പി​നു​ള്ള ന​റു​ക്കെ​ടു​പ്പ് ന​ട​ന്ന​ത്. നി​ല​വി​ലെ മേ​ൽ​ശാ​ന്തി തോ​ട്ടം ശി​വ​ക​ര​ൻ ന​മ്പൂ​തി​രി​യാ​ണ് ന​റു​ക്കെ​ടു​ത്ത​ത്.

മേ​ൽ​ശാ​ന്തി തെ​ര​ഞ്ഞെ​ടു​പ്പി​ന്​ ത​ന്ത്രി​യു​മാ​യു​ള്ള കൂ​ടി​ക്കാ​ഴ്ച​ക്ക്​ ക്ഷ​ണി​ച്ച 45 പേ​രി​ൽ 41 പേ​ർ ഹാ​ജ​റാ​യി. ഇ​വ​രി​ൽ​നി​ന്ന്​ യോ​ഗ്യ​ത നേ​ടി​യ 40 പേ​രു​ടെ പേ​രു​ക​ൾ വെ​ള്ളി​ക്കു​ട​ത്തി​ൽ നി​ക്ഷേ​പി​ച്ച ശേ​ഷ​മാ​ണ് ന​റു​ക്കി​ട്ട​ത്. ഈ ​മാ​സം 30നാ​ണ് ശ്രീ​നാ​ഥ്​ ന​മ്പൂ​തി​രി ചു​മ​ത​ല​യേ​ൽ​ക്കു​ക.

പി​താ​വ് പൊ​ട്ട​ക്കു​ഴി നാ​രാ​യ​ണ​ൻ ന​മ്പൂ​തി​രി​യി​ല്‍നി​ന്നാ​ണ് ശ്രീ​നാ​ഥ് ന​മ്പൂ​തി​രി പൂ​ജാ​വി​ധി​ക​ൾ പ​ഠി​ച്ച​ത്. അ​ങ്ക​മാ​ലി കൈ​പ്പു​ള്ളി മ​ന​ക്ക​ല്‍ അ​നി​ത അ​ന്ത​ര്‍ജ​ന​മാ​ണ് മാ​താ​വ്. തൃ​ശൂ​ർ സെ​ന്‍റ്​ മേ​രീ​സ് കോ​ള​ജ് അ​സി. പ്ര​ഫ​സ​ർ ഇ​രി​ങ്ങാ​ല​ക്കു​ട എ​ക്കാ​ട് മ​ന​ക്ക​ൽ കാ​വ്യ​യാ​ണ് ഭാ​ര്യ. ഗു​രു​വാ​യൂ​ർ ക്ഷേ​ത്രം ഓ​തി​ക്ക​ൻ കു​ടും​ബാം​ഗ​മാ​യ ശ്രീ​നാ​ഥ് 2009 മു​ത​ൽ ക്ഷേ​ത്ര​ത്തി​ൽ പൂ​ജാ​വി​ധി​ക​ളി​ൽ പ​ങ്കെ​ടു​ത്തു​വ​രു​ന്നു​ണ്ട്. പി​താ​വ് പൊ​ട്ട​ക്കു​ഴി നാ​രാ​യ​ണ​ൻ ന​മ്പൂ​തി​രി ഗു​രു​വാ​യൂ​ർ ക്ഷേ​ത്ര​ത്തി​ൽ മേ​ൽ​ശാ​ന്തി​യാ​യി​രു​ന്നു.