മുഖ്യമന്ത്രിക്കെതിരെ അശ്ലീല വിഡിയോ; ക്രൈം നന്ദകുമാറിനെതിരെ കേസ്

കാക്കനാട്: മുഖ്യമന്ത്രി പിണറായി വിജയനെതിരെ അശ്ലീലച്ചുവയുള്ള വിഡിയോ സമൂഹമാധ്യമങ്ങളിൽ പ്രചരിപ്പിച്ചതിന് ക്രൈം നന്ദകുമാറിനെതിരെ കൊച്ചി ഇൻഫോപാർക്ക് സൈബർ പൊലീസ് കേസെടുത്തു. നിയമവിരുദ്ധ പ്രവൃത്തിയിലൂടെ പ്രകോപനമുണ്ടാക്കുന്നതിന് എതിരായ വകുപ്പ് അടക്കമാണ് ചുമത്തിയത്.

കലാപം ലക്ഷ്യമിട്ട് യൂട്യൂബിലും സമൂഹമാധ്യമങ്ങളിലും പങ്കുവെച്ച വിഡിയോയാണ് കേസിന്​ കാരണമെന്ന്​ എഫ്.ഐ.ആറിൽ പറയുന്നു.