പു​തു​പ്പ​ള്ളി ഉ​പ​തെ​ര​ഞ്ഞെ​ടു​പ്പ് പ്രചാരണം അന്തിമഘട്ടത്തിലേക്ക്; അവധി ദിവസങ്ങളിൽ പരസ്യപ്രചാരണത്തിന്​ ഇടവേള

കോ​ട്ട​യം: പു​തു​പ്പ​ള്ളി ഉ​പ​തെ​ര​ഞ്ഞെ​ടു​പ്പ്​ പ്ര​ചാ​ര​ണം അ​ന്തി​മ​ഘ​ട്ട​ത്തി​ലേ​ക്ക്. അ​യ്യ​ൻ​കാ​ളി ജ​യ​ന്തി, തി​രു​വോ​ണം, ച​ത​യ​ദി​നം തു​ട​ങ്ങി തു​ട​ർ​ച്ച​യാ​യ അ​വ​ധി ദി​വ​സ​ങ്ങ​ൾ വ​രു​ന്ന​തി​നാ​ൽ കൊ​ണ്ടു​പി​ടി​ച്ച പ്ര​ചാ​ര​ണ​ത്തി​ലാ​ണ്​ സ്ഥാ​നാ​ർ​ഥി​ക​ൾ. സെ​പ്​​റ്റം​ബ​ർ മൂ​ന്നി​ന്​ പ​ര​സ്യ​പ്ര​ചാ​ര​ണം അ​വ​സാ​നി​പ്പി​ക്ക​ണം. അ​ഞ്ചി​നാ​ണ് തെ​ര​ഞ്ഞെ​ടു​പ്പ്. വി​ര​ലി​ലെ​ണ്ണാ​വു​ന്ന ദി​വ​സ​ങ്ങ​ൾ മാ​​ത്ര​മാ​ണ്​ ഇ​നി വോ​ട്ടു​പി​ടി​ക്കാ​ൻ കി​ട്ടു​ക. അ​തി​നു​മു​മ്പ്​ പ​ര​മാ​വ​ധി ആ​ളു​ക​ളെ ക​ണ്ട്​ വോ​ട്ടു​റ​പ്പി​ക്ക​ണം. തി​രു​വോ​ണ​ത്തോ​ട​നു​ബ​ന്ധി​ച്ച്​ മൂ​ന്ന്​ മു​ന്ന​ണി സ്ഥാ​നാ​ർ​ഥി​ക​ളും പ​ര​സ്യ​പ്ര​ചാ​ര​ണ​ത്തി​ന്​ ഇ​ട​വേ​ള ന​ൽ​കി​യി​രി​ക്കു​ക​യാ​ണ്.

​യു.​ഡി.​എ​ഫ്​ സ്​​ഥാ​നാ​ർ​ഥി ചാ​ണ്ടി ഉ​മ്മ​ൻ​ ശ​നി, ഞാ​യ​ർ ദി​വ​സ​ങ്ങ​ളി​ൽ പ്ര​ചാ​ര​ണം ന​ട​ത്തി​യി​രു​ന്നി​ല്ല. ഉ​മ്മ​ൻ ചാ​ണ്ടി​യു​ടെ 41ാം ച​ര​മ​ദി​നാ​ച​ര​ണ​വു​മാ​യി ബ​ന്ധ​പ്പെ​ട്ട്​ ഞാ​യ​റാ​ഴ്ച തി​രു​വ​ന​ന്ത​പു​ര​ത്തു​മാ​യി​രു​ന്നു. തി​ങ്ക​ളാ​ഴ്ച മ​ണ​ര്‍കാ​ട് പ​ഞ്ചാ​യ​ത്തി​ല്‍ വാ​ഹ​ന​പ​ര്യ​ട​നം ന​ട​ത്തും. തി​രു​വോ​ണ​ത്തി​ന്‍റെ അ​ന്ന് ഓ​ണാ​ഘോ​ഷ​ങ്ങ​ളി​ൽ പ​​ങ്കെ​ടു​ത്ത്​​ വ്യ​ക്​​തി​പ​ര​മാ​യി വോ​ട്ടു​തേ​ടും. 30, 31 തീ​യ​തി​ക​ളി​ലും പ​ര​സ്യ​പ്ര​ചാ​ര​ണ​മു​ണ്ടാ​വി​ല്ല. 30ന്​ ​പൊ​തു​യോ​ഗ​ത്തി​ൽ എ.​ഐ.​സി.​സി ജ​ന​റ​ൽ സെ​ക്ര​ട്ട​റി താ​രി​ഖ്​ അ​ൻ​വ​ർ പ​​ങ്കെ​ടു​ക്കും. സെ​പ്​​റ്റം​ബ​ർ ഒ​ന്നി​ന്​ എ.​കെ. ആ​ന്‍റ​ണി​യും ര​ണ്ടി​ന്​ ശ​ശി ത​രൂ​രും മ​ണ്ഡ​ല​ത്തി​ലെ​ത്തും. ഒ​ന്നി​ന് വാ​ക​ത്താ​നം, ര​ണ്ടി​ന് അ​ക​ല​ക്കു​ന്നം പ​ഞ്ചാ​യ​ത്തു​ക​ളി​ലാ​ണ്​ സ്ഥാ​നാ​ർ​ഥി പ​ര്യ​ട​നം.

എ​ൽ.​ഡി.​എ​ഫ്​ സ്​​ഥാ​നാ​ർ​ഥി ജെ​യ്ക്ക്​ സി. ​തോ​മ​സ്​ ഞാ​യ​റാ​ഴ്ച അ​യ​ർ​ക്കു​ന്നം, അ​ക​ല​ക്കു​ന്നം, കൂ​രോ​പ്പ​ട പ​ഞ്ചാ​യ​ത്തു​ക​ളി​ൽ പ​ര്യ​ട​നം ന​ട​ത്തി. 28, 29 തീ​യ​തി​ക​ളി​ൽ പൊ​തു​പ്ര​ചാ​ര​ണം ഒ​ഴി​വാ​ക്കും. തി​രു​വോ​ണ​ത്തി​ന്​ കോ​ട്ട​യം മെ​ഡി​ക്ക​ൽ കോ​ള​ജി​ൽ ഡി.​വൈ.​എ​ഫ്.​ഐ​യു​ടെ പൊ​തി​ച്ചോ​ർ വി​ത​ര​ണ​സം​രം​ഭ​ത്തി​ൽ പ​ങ്കാ​ളി​യാ​വു​ക​യാ​ണ്​ പ​തി​വ്. ഇ​ത്ത​വ​ണ​യും അ​തു തു​ട​രും. 30, സെ​പ്​​റ്റം​ബ​ർ ഒ​ന്ന്​ തീ​യ​തി​ക​ളി​ൽ മു​ഖ്യ​മ​ന്ത്രി പി​ണ​റാ​യി വി​ജ​യ​ൻ വീ​ണ്ടും മ​ണ്ഡ​ല​ത്തി​ലെ​ത്തും. 24ന്​ ​അ​ദ്ദേ​ഹം ര​ണ്ട്​ പ​ഞ്ചാ​യ​ത്തു​ക​ളി​ലെ പൊ​തു​യോ​ഗ​ത്തി​ൽ പ​​ങ്കെ​ടു​ത്തി​രു​ന്നു. എ​ൻ.​ഡി.​എ സ്ഥാ​നാ​ർ​ഥി ലി​ജി​ൻ​ലാ​ൽ 29, 30, 31 തീ​യ​തി​ക​ളി​ൽ പൊ​തു​പ്ര​ചാ​ര​ണ​ത്തി​ൽ​നി​ന്ന്​ വി​ട്ടു​നി​ൽ​ക്കും. കേ​ര​ള​ത്തി​ന്‍റെ സം​ഘ​ട​ന ചു​മ​ത​ല​യു​ള്ള നേ​താ​വ്​ പ്ര​കാ​ശ്​ ജാ​വ​ദേ​ക്ക​ർ, കേ​ന്ദ്ര സ​ഹ​മ​ന്ത്രി വി. ​മു​ര​ളീ​ധ​ര​ൻ എ​ന്നി​വ​ർ എ​ൻ.​ഡി.​എ​യു​ടെ അ​വ​സാ​ന ഘ​ട്ട​പ്ര​ചാ​ര​ണ​ത്തി​നെ​ത്തും.