‘ക്ലർക്കേജ്’​ നിരക്ക് കുറക്കാൻ റെയിൽവേ ആലോചന

തി​രു​വ​ന​ന്ത​പു​രം: ​ഓ​ൺ​ലൈ​നാ​യി ടി​ക്ക​റ്റ്​ റ​ദ്ദാ​ക്കു​മ്പോ​ൾ ഈ​ടാ​ക്കു​ന്ന ‘ക്ല​ർ​ക്കേ​ജ്’ നി​ര​ക്കി​ൽ​ കു​റ​വ്​ വ​രു​ത്താ​ൻ റെ​യി​ൽ​വേ​യി​ൽ ആ​ലോ​ച​ന. റി​സ​ർ​വ് ചെ​യ്യാ​ത്ത ടി​ക്ക​റ്റു​ക​ൾ, വെ​യ്റ്റി​ങ് ലി​സ്റ്റ്​ ടി​ക്ക​റ്റു​ക​ൾ, ആ​ർ.​എ.​സി ടി​ക്ക​റ്റു​ക​ൾ എ​ന്നി​വ റ​ദ്ദാ​ക്കു​മ്പോ​ൾ യാ​ത്രാ​ക്കൂ​ലി തി​രി​കെ ന​ൽ​കു​ന്ന​തി​ന് ക്ല​റി​ക്ക​ൽ ജോ​ലി​ക്ക് ഈ​ടാ​ക്കു​ന്ന നി​ര​ക്കാ​ണ്​ ക്ല​ർ​ക്കേ​ജ്. നി​ല​വി​ൽ കാ​ൻ​സ​ലേ​ഷ​ൻ ന​ട​പ​ടി​​ക്ര​മ​ങ്ങ​ളെ​ല്ലാം ഓ​ൺ​ലൈ​നി​ലാ​ണ്. ക്ല​ർ​ക്കേ​ജ്​ അ​വ​സാ​നി​പ്പി​ച്ചാ​ലും റെ​യി​ൽ​വേ​ക്ക്​ അ​ധി​ക ബാ​ധ്യ​ത​യി​ല്ല. ഫ​ല​ത്തി​ൽ തീ​രു​മാ​നം ന​ട​പ്പാ​യാ​ൽ റീ​ഫ​ണ്ട് തു​ക കൂ​ടു​മെ​ന്ന​താ​ണ്​ യാ​​ത്ര​ക്കാ​ർ​ക്കു​ള്ള ആ​ശ്വ​സം.

ടി​ക്ക​റ്റ്​ നി​ര​ക്കി​ലും ത​ത്​​കാ​ലി​ലും വെ​യ്റ്റി​ങ്​ ലി​സ്റ്റി​ലു​മെ​ല്ലാം മാ​റ്റ​ങ്ങ​ൾ വ​ന്ന ജൂ​ലൈ ഒ​ന്നു മു​ത​ൽ ക്ല​ർ​ക്കേ​ജ്​ ഒ​ഴി​വാ​ക്ക​ലും റെ​യി​ൽ​വേ​യു​ടെ പ​രി​ഗ​ണ​ന​യി​ലു​ണ്ടാ​യി​രു​ന്നു. പ​ക്ഷേ ഇ​തൊ​ഴി​കെ ബാ​ക്കി​യെ​ല്ലാം ന​ട​പ്പാ​ക്കു​ക​യാ​യി​രു​ന്നു. പ​ഠ​ന ന​ട​പ​ടി​ക​ൾ പൂ​ർ​ത്തി​യാ​യി​ല്ലെ​ന്നാ​ണ്​ കാ​ര​ണ​മാ​യി റെ​യി​ൽ​വേ ചൂ​ണ്ടി​ക്കാ​ട്ടു​ന്ന​ത്. അ​തേ​സ​മ​യം, വ​രു​മാ​നം വ​ർ​ധി​പ്പി​ക്കു​ന്ന​തി​ന്​ കൊ​ണ്ടു​പി​ടി​ച്ച ശ്ര​മ​ങ്ങ​ൾ ന​ട​ക്കു​ന്ന ഘ​ട്ട​ത്തി​ൽ കൈ ​ന​ന​യാ​തെ കി​ട്ടി​യി​രു​ന്ന തു​ക റെ​യി​ൽ​വേ വേ​ണ്ടെ​ന്ന്​ വെ​ക്കു​മോ എ​ന്ന​തി​ലും​ അ​വ്യ​ക്​​ത​ത അ​വ​ശേ​ഷി​ക്കു​ന്നു​ണ്ട്.

നി​ല​വി​ൽ എ.​സി കോ​ച്ചു​ക​ളി​ൽ 60 രൂ​പ​യും സെ​ക്ക​ൻ​ഡ് ക്ലാ​സ്​ ടി​ക്ക​റ്റു​ക​ൾ​ക്ക്​ 30 രൂ​പ​യു​മാ​ണ്​​ സാ​ധാ​ര​ണ ക്ല​ർ​ക്കേ​ജാ​യി ഈ​ടാ​ക്കു​ന്ന​ത്. കൗ​ണ്ട​ർ ടി​ക്ക​റ്റു​ക​ളെ​ക്കാ​ൾ കൂ​ടു​ത​ൽ പേ​ർ ഐ.​ആ​ർ.​ടി.​സി.​ടി വ​ഴി ഓ​ൺ​ലൈ​നാ​യാ​ണ്​ ടി​ക്ക​റ്റ്​ ബു​ക്ക്​ ചെ​യ്യു​ന്ന​ത്. ഇ​തും പു​തി​യ ആ​ലോ​ച​ന​ക​ൾ​ക്ക്​ ​പ്രേ​ര​ക​മാ​യി​ട്ടു​ണ്ട്.

വെ​യ്റ്റി​ങ്​ ലി​സ്റ്റി​ലു​ള്ള ടി​ക്ക​റ്റു​ക​ളു​ടെ റ​ദ്ദാ​ക്ക​ൽ നി​ല​വി​ൽ റെ​യി​ൽ​വേ​ക്ക്​ വ​ലി​യ ലാ​ഭ​മാ​ണ്​. 2021 മു​ത​ൽ 2024 ജ​നു​വ​രി വ​രെ കാ​ല​യ​ള​വി​ൽ വെ​യ്റ്റി​ങ്​ ലി​സ്റ്റി​ലു​ള്ള ടി​ക്ക​റ്റ് റ​ദ്ദാ​ക്ക​ൽ വ​ഴി റെ​യി​ൽ​വേ​യു​ടെ അ​ക്കൗ​ണ്ടി​ലെ​ത്തി​യ​ത്​ 1229.85 കോ​ടി രൂ​പ​യാ​ണ്. 18 കോ​ച്ചു​ക​ളു​ള്ള ട്രെ​യി​നി​ൽ 720 സ്ലീ​പ്പ​ർ സീ​റ്റു​ക​ളാ​ണു​ള്ള​തെ​ങ്കി​ലും വീ​ണ്ടും 600 ഉം 700 ​ഉം പേ​രു​ടെ വെ​യ്റ്റി​ങ്​ ലി​സ്റ്റാ​ണ് റെ​യി​ൽ​വേ ത​യാ​റാ​ക്കു​ന്ന​ത്. ഇ​ത്ര​യ​ധി​കം പേ​ർ​ക്ക്​ ടി​ക്ക​റ്റ്​ ല​ഭി​ക്കി​ല്ലെ​ന്ന്​ കൃ​ത്യ​മാ​യ ധാ​ര​ണ റെ​യി​ൽ​വേ​ക്കു​​​​​​​​​ണ്ടെ​ങ്കി​ലും യാ​തൊ​രു ചെ​ല​വു​മി​ല്ലാ​തെ കി​ട്ടു​ന്ന വ​രു​മാ​നം എ​ന്ന​താ​ണ്​ ഈ ​പി​ഴി​യ​ൽ തു​ട​രാ​ൻ കാ​ര​ണം.

ഏ​റ്റ​വു​മൊ​ടു​വി​ൽ സീ​റ്റി​ങ്​ ശേ​ഷി​യു​ടെ 25 ശ​ത​മാ​നം മാ​ത്ര​മാ​യി വെ​യ്റ്റി​ങ്​ ലി​സ്റ്റ് പ​രി​മി​ത​പ്പെ​ടു​ത്താ​ൻ തീ​രു​മാ​നി​ച്ചെ​ങ്കി​ലും പി​ന്നീ​ട് അ​തും പി​ൻ​വ​ലി​ച്ചു. എ.​സി ക്ലാ​സു​ക​ളി​ൽ 60 ശ​ത​മാ​ന​മാ​യും നോ​ൺ എ.​സി​യി​ൽ 30 ശ​ത​മാ​ന​വു​മാ​ണി​പ്പോ​ൾ.

2021ൽ ​വെ​യ്റ്റി​ങ്​ ലി​സ്റ്റി​ലാ​യ 2.53 കോ​ടി ടി​ക്ക​റ്റു​ക​ൾ റ​ദ്ദാ​ക്കു​ക വ​ഴി റെ​യി​ൽ​വേ​ക്ക്​ ല​ഭി​ച്ച​ത്​ 242.68 കോ​ടി​യാ​ണ്. 2022 ആ​യ​​പ്പോ​ഴേ​ക്കും ​വെ​യ്റ്റി​ങ്​ ലി​സ്റ്റി​ലാ​യി റ​ദ്ദാ​ക്ക​പ്പെ​ട്ട ടി​ക്ക​റ്റു​ക​ളു​ടെ എ​ണ്ണം 4.6 കോ​ടി​യാ​യി ഉ​യ​ർ​ന്നു. ഇ​തു​വ​ഴി​യു​ള്ള റെ​യി​ൽ​വേ​യു​ടെ വ​രു​മാ​ന​മാ​ക​ട്ടെ 439.16 കോ​ടി​യും. 2023ൽ 5.26 ​കോ​ടി വെ​യ്റ്റി​ങ്​ ലി​സ്റ്റ്​ ടി​ക്ക​റ്റു​ക​ളു​ടെ റ​ദ്ദാ​ക്ക​ൽ വ​ഴി 505 കോ​ടി അ​ക്കൗ​ണ്ടി​​ലെ​ത്തി.