കോട്ടയത്ത് ​കണ്ടത്​ രാഷ്​ട്രീയ കുതിരക്കച്ചവടം –ചെന്നിത്തല

തിരുവനന്തപുരം: കോട്ടയം ജില്ലാ പഞ്ചായത്തിൽ കണ്ടത്​ രാഷ്​ട്രീയ കുതിരക്കച്ചവടമെന്ന് പ്രതിപക്ഷ നേതാവ്​ രമേശ്​ചെന്നിത്തല. ജില്ല പ്രസിഡന്‍റ് സ്ഥാനത്തേക്ക് സി.പി.എം പിന്തുണയോടെ കേരള കോണ്‍ഗ്രസ്-എം അംഗം വിജയിച്ച സംഭവത്തിൽ പ്രതികരിക്കുകയായിരുന്നു​ അദ്ദേഹം. 

കെ.എം മാണിയോട് ​ഒരു വിട്ടുവീഴ്​ചക്കുമില്ല. അദ്ദേഹം നടത്തിയത് ​രാഷ്​ട്രീയ വഞ്ചനയാണ്​. സി.പി.എം സംസ്​ഥാന നേതൃത്വം അറിഞ്ഞുകൊണ്ടുള്ള തീരുമാനമാണിത്​. ജില്ലാ പഞ്ചായത്തിലുണ്ടായത് ​എല്ലാ ധാരണക്കുമെതിരായ കാലുമാറ്റവും അവസരവാദപരമായ നിലപാടുമാണ്​. രാഷ്​ട്രീയ സദാചാരത്തിന്​ ചേരാത്ത നടപടിയാണിത്​.

കോൺഗ്രസ് ​പ്രവർത്തകർ ഇത്​ ഒരിക്കലും അംഗീകരിക്കില്ല. ജനാധിപത്യ കേരളം കെ.എം മാണിയുടെ നിലപാടിനെതിരെ പ്രതികരിക്കുമെന്നും ​ചെന്നിത്തല വ്യക്​തമാക്കി.