വാളയാർ അതിർത്തി മുതൽ മൂന്ന്​ കി.മീ നിയന്ത്രണ മേഖല

പാലക്കാട്​: തമിഴ്​നാട്​ അതിർത്തിയിലെ വാളയാർ ചെക്ക്പോസ്​റ്റിൽ നിലവിലെ സാഹചര്യം കണക്കിലെടുത്ത് കേരള അതിർത്തി മുതൽ മൂന്ന്​ കി.മീ വരെ നിയന്ത്രണ മേഖലയായി (കണ്ടെയ്ൻമ​െൻറ് സോൺ) പ്രഖ്യാപിച്ചതായി പാലക്കാട്​ ജില്ല കലക്ടർ ഡി. ബാലമുരളി അറിയിച്ചു. 

മറ്റ് സംസ്ഥാനങ്ങളിൽനിന്ന്​ അതിർത്തി കടന്ന് നിരവധിപേർ എത്തുന്നതിനാലും ചെന്നൈയിൽ നിന്നുള്ള ഒരുവ്യക്തിക്ക് എറണാകുളത്ത് കോവിഡ് സ്ഥിരീകരിച്ചതിനാലും രോഗവ്യാപനം തടയുക ലക്ഷ്യമിട്ടാണ് നടപടി. ഈ മേഖലയിൽ വരുന്നതിനും പോകുന്നതിനും പൊലീസ് നിയന്ത്രണമുണ്ടാകും.