വി​കാ​രാ​ധീ​ന​നാ​യി പ​പ്പേ​ട്ട​ൻ

ക​ണ്ണൂ​ർ: എം.​ടി​യും ടി. ​പ​ത്മ​നാ​ഭ​നും... മ​ല​യാ​ളി​ക്ക് അ​ഭി​മാ​ന​മാ​യ ര​ണ്ടു പേ​രു​ക​ൾ ഒ​രു​മി​ച്ച് കാ​ണു​മ്പോ​ൾ അ​ത്ര സു​ഖ​മു​ള്ള ചി​ന്ത​ക​ള​ല്ല മ​ന​സ്സി​ലാ​ദ്യം തെ​ളി​യു​ക. ടി. ​പ​ത്മ​നാ​ഭ​ൻ​ത​ന്നെ പ​റ​യു​ന്ന​പോ​ലെ, ‘ന​ല്ല​തും ചീ​ത്ത​യു​മാ​യ ഒ​ട്ടേ​റെ അ​നു​ഭ​വ​ങ്ങ​ളു​ണ്ട് ഞ​ങ്ങ​ൾ ത​മ്മി​ൽ’. ഓ​ർ​മ​ക​ൾ സാ​ക്ഷി​യാ​ക്കി എ​ഴു​ത്തി​ന്റെ പെ​രു​ന്ത​ച്ഛ​ൻ വി​ട​പ​റ​യു​ന്ന നി​മി​ഷ​ങ്ങ​ൾ ടി. ​പ​ത്മ​നാ​ഭ​ൻ ക​ണ്ണൂ​ർ പൊ​ടി​ക്കു​ണ്ടി​ലെ വീ​ട്ടി​ലി​രു​ന്ന് ടി.​വി​യി​ൽ ക​ണ്ടു. സൂ​ക്ഷി​ച്ചു​നോ​ക്കി​യാ​ൽ ക​ണ്ണു​ക​ൾ ഈ​റ​ന​ണി​യു​ന്ന​ത് കാ​ണാ​മാ​യി​രു​ന്നു. ഇ​ട​ക്കി​ടെ ക​ണ്ണ​ട​ക​ൾ പു​സ്ത​ക​ക്കെ​ട്ടു​ക​ളി​ൽ വെ​ച്ച് ക​ണ്ണ് തു​ട​ക്കു​ക​യും ചെ​യ്തു.

വ്യാ​ഴാ​ഴ്ച രാ​വി​ലെ​യാ​ണ് എം.​ടി മ​രി​ച്ച വി​വ​രം അ​റി​ഞ്ഞ​ത്. ‘‘എം.​ടി പോ​യെ​ന്ന് കേ​ട്ട​പ്പോ​ൾ ഒ​ന്ന് ഞെ​ട്ടി. പ്ര​തീ​ക്ഷി​ച്ചി​രു​ന്നെ​ങ്കി​ലും ഇ​ത്ര പെ​ട്ടെ​ന്ന് ഉ​ണ്ടാ​വു​മെ​ന്ന് വി​ചാ​രി​ച്ചി​ല്ല’’ -പ​ത്മ​നാ​ഭ​ൻ പ​റ​ഞ്ഞു. കോ​ഴി​ക്കോ​ട്ടെ​ത്തി അ​വ​സാ​ന​മാ​യി ഒ​രു​നോ​ക്ക് കാ​ണ​ണ​മെ​ന്ന് ഏ​റെ ആ​ഗ്ര​ഹി​ച്ചു. പ​ക്ഷേ, ക​ഴി​ഞ്ഞ​മാ​സം വീ​ട്ടി​ലൊ​ന്ന് വീ​ണു. 95ാം പി​റ​ന്നാ​ളി​ന്റെ പി​റ്റേ​ന്ന് പ​തി​വു​പോ​ലെ രാ​ത്രി​ഭ​ക്ഷ​ണം ക​ഴി​ഞ്ഞ് വാ​ഷ് ബേ​സി​ന് അ​ടു​ത്തേ​ക്ക് ന​ട​ന്ന​താ​ണ്. വെ​റു​തെ​യ​ങ്ങ് വീ​ണു. വ​ല​ത് തു​ട​യു​ടെ ഭാ​ഗ​ത്ത് അ​ത്യാ​വ​ശ്യം പ​രി​ക്കു​ണ്ട്. എ​ഴു​ന്നേ​ൽ​ക്കാ​നും ന​ട​ക്കാ​നു​മെ​ല്ലാം ഒ​രാ​ളു​ടെ താ​ങ്ങ് വേ​ണം. വ​ടി വേ​ണം. ഇ​നി​യൊ​രു മൂ​ന്നാ​ഴ്ച​കൂ​ടി വേ​ണ്ടി​വ​രു​മെ​ന്നാ​ണ് ഡോ​ക്ട​ർ പ​റ​ഞ്ഞ​ത്. പി​ന്നെ, എ​ങ്ങ​നെ കോ​ഴി​ക്കോ​ട്ട് പോ​യി എം.​ടി​യെ കാ​ണും. എ​ന്ത് ചെ​യ്യാ​നാ​ണ് -ക​ഥാ​കാ​ര​ൻ നെ​ടു​വീ​ർ​പ്പി​ട്ടു. അ​ൽ​പ​നേ​ര​ത്തെ മൗ​ന​ത്തി​നു ശേ​ഷം ക​ഥ​ക​ൾ പ​തി​റ്റാ​ണ്ടു​ക​ൾ പി​ന്നി​ലേ​ക്ക് സ​ഞ്ച​രി​ച്ചു.

‘‘ര​ണ്ടു വ​ർ​ഷം മു​മ്പ് തി​രു​വ​ന​ന്ത​പു​ര​ത്ത് ഒ​രു പു​സ്ത​കോ​ത്സ​വ​ത്തി​ലാ​ണ് ഞ​ങ്ങ​ൾ ക​ണ്ട​ത്. ഞാ​നും എം.​ടി​യും ത​മ്മി​ൽ പ​തി​റ്റാ​ണ്ടു​ക​ളു​ടെ പ​രി​ച​യ​മാ​ണ്. ശ​രി​ക്കും പ​റ​ഞ്ഞാ​ൽ 1950 മു​ത​ലു​ള്ള പ​രി​ച​യം. അ​താ​യ​ത്, പ​ത്തെ​ഴു​പ​ത്ത​ഞ്ച് കൊ​ല്ല​മാ​യു​ള്ള ബ​ന്ധ​മാ​ണ്. പ്രാ​യ​ത്തി​ൽ എ​ന്നേ​ക്കാ​ൾ ചെ​റു​പ്പ​മാ​ണ് അ​ദ്ദേ​ഹം. ഞാ​ൻ 96ാം വ​യ​സ്സി​ലേ​ക്ക് പ്ര​വേ​ശി​ച്ചു​ക​ഴി​ഞ്ഞു. ഞ​ങ്ങ​ൾ ത​മ്മി​ലു​ള്ള അ​നു​ഭ​വ​ങ്ങ​ൾ ഒ​രു​പാ​ടു​ണ്ട് പ​റ​യാ​ൻ. ന​ല്ല​തും ചീ​ത്ത​യു​മാ​യ അ​നേ​കം കാ​ര്യ​ങ്ങ​ളാ​ണ​ത്.

എം.​ടി. സു​ഖ​മി​ല്ലാ​തെ ആ​ശു​പ​ത്രി​യി​ലെ​ത്തി എ​ന്ന​റി​ഞ്ഞ​പ്പോ​ൾ​ത​ന്നെ വി​ഷ​മം തു​ട​ങ്ങി. എം.​ടി​യു​ടെ നാ​ൽ​പ​തു​ക​ളി​ൽ സു​ഖ​മി​ല്ലാ​തി​രു​ന്ന​ത് ഓ​ർ​മ​യി​ലു​ണ്ട്. വ​ലി​യ പ്ര​യാ​സം നേ​രി​ട്ടെ​ങ്കി​ലും രോ​ഗം ഭേ​ദ​മാ​യി അ​ന്ന് തി​രി​ച്ചെ​ത്തി. ഇ​ത്ത​വ​ണ അ​തു​ണ്ടാ​വി​ല്ലെ​ന്ന് എ​നി​ക്ക് തോ​ന്നി. എ​നി​ക്കും അ​ദ്ദേ​ഹ​ത്തി​നും ചി​ല വി​ഷ​മ​ങ്ങ​ളു​ണ്ട്. നേ​രി​ൽ​ക​ണ്ട് കു​റെ സം​സാ​രി​ക്ക​ണ​മെ​ന്ന് കൊ​തി​ച്ചു. അ​തി​നി​ട​യി​ലാ​ണ് ഈ ​വീ​ഴ്ച​യു​ണ്ടാ​യ​ത്. അ​ല്ലെ​ങ്കി​ൽ ഞാ​ൻ തീ​ർ​ച്ച​യാ​യി​ട്ടും പോ​വു​മാ​യി​രു​ന്നു. എ​ന്നാ​ലും അ​ന്ത്യം ഇ​ത്ര വേ​ഗ​ത്തി​ൽ വ​രു​മെ​ന്ന് വി​ചാ​രി​ച്ചി​ട്ടി​ല്ല.’’

‘എം.​ടി​യു​ടെ ലോ​കം വി​ശാ​ലം, എ​ന്റേ​ത് ചെ​റു​ത്’

‘‘എ​ന്നെ​പ്പോ​ലെ​യ​ല്ല അ​ദ്ദേ​ഹം. ഞാ​ൻ ചെ​റി​യൊ​രു മേ​ഖ​ല​യി​ൽ ഒ​തു​ങ്ങി​ക്കൂ​ടി​യ​യാ​ളാ​ണ്. ക​ഥ.. അ​തും ചെ​റി​യ ക​ഥ. നോ​വ​ലി​ല്ല, സി​നി​മ​യി​ല്ല, ആ​ത്മ​ക​ഥ​യി​ല്ല, നാ​ട​ക​വു​മി​ല്ല. എം.​ടി അ​ങ്ങ​നെ​യ​ല്ല. എം.​ടി ക​ഥ​ക​​ളെ​ഴു​തി, നോ​വ​ലു​ക​ളെ​ഴു​തി, തി​ര​ക്ക​ഥ എ​ഴു​തി, സി​നി​മ സം​വി​ധാ​നം ചെ​യ്തു. പ​ല മേ​ഖ​ല​ക​ളി​ലും അ​ദ്ദേ​ഹം കൈ​വെ​ച്ചി​രി​ക്കു​ന്നു. അ​ദ്ദേ​ഹ​ത്തി​ന്റെ ലോ​കം ഏ​റെ വി​ശാ​ല​മാ​ണ്. എ​ന്റേ​ത് ചെ​റി​യ ലോ​കം. ഞാ​ൻ അ​വി​ടെ ഒ​തു​ങ്ങി​ക്കൂ​ടു​ക​യാ​യി​രു​ന്നു. ഒ​തു​​ങ്ങി​ക്കൂ​ടി​യ​ത് എ​ന്റെ സ​ന്മ​ന​സ്സു​കൊ​ണ്ട് ഒ​ന്നു​മ​ല്ല. എ​നി​ക്ക​ത്ര​യേ ക​ഴി​യൂ. അ​തു​​കൊ​ണ്ട് ഉ​ള്ള​തു​കൊ​ണ്ട് തൃ​പ്ത​നാ​യി ഞാ​ൻ എ​ന്റെ ചെ​റി​യ മേ​ഖ​ല​യി​ൽ ക​ഴി​യു​ന്നു.’’