കപ്പലിൽ ഇറങ്ങി രക്ഷാസംഘം; തീയണക്കൽ യത്നം തുടരുന്നു, ച​ര​ക്കു​ക​പ്പ​ൽ പൊ​ന്നാ​നി തീ​രം ക​ട​ന്നു

കൊ​ച്ചി: ക​ണ്ണൂ​ർ അ​ഴീ​ക്ക​ലി​ൽ​നി​ന്ന്​ 44 നോ​ട്ടി​ക്ക​ൽ മൈ​ൽ അ​ക​ലെ തീ​പി​ടി​ച്ച വാ​ൻ ഹാ​യ്​ 503 ച​ര​ക്ക്​ ക​പ്പ​ൽ ര​ക്ഷാ​പ്ര​വ​ർ​ത്ത​ക​രു​ടെ ഏ​റെ​ക്കു​റെ നി​യ​ന്ത്ര​ണ​ത്തി​ലാ​യി. ഗു​ജ​റാ​ത്തി​ലെ പോ​ർ​ബ​ന്ദ​റി​ലെ എം.​ഇ.​ആ​ർ.​സി. ഓ​ഫ്ഷോ​ർ സ​ർ​വി​സ​സി​ൽ​നി​ന്നു​ള്ള വി​ദ​ഗ്ധ സം​ഘം അ​തി​സാ​ഹ​സി​ക​മാ​യി ക​പ്പ​ലി​ലേ​ക്ക് ഇ​റ​ങ്ങി. ഇ​വ​രു​ടെ​യും കോ​സ്റ്റ്ഗാ​ർ​ഡി​ന്‍റെ​യും നേ​തൃ​ത്വ​ത്തി​ൽ തീ ​പൂ​ർ​ണ​മാ​യി അ​ണ​യ്ക്കാ​ൻ ശ്ര​മം തു​ട​രു​ക​യാ​ണ്. ക​പ്പ​ൽ പു​റം ക​ട​ലി​ലേ​ക്ക്​ കൂ​ടു​ത​ൽ വ​ലി​ച്ചു​നീ​ക്കാ​നു​ള്ള ശ്ര​മ​ത്തി​ന്‍റെ ഭാ​ഗ​മാ​യാ​ണ് സം​ഘം ഏ​റെ പ​ണി​പ്പെ​ട്ട് ക​പ്പ​ലി​ന്‍റെ മു​ൻ​വ​ശ​ത്ത് തീ ​അ​ണ​ച്ച ഭാ​ഗ​ത്താ​യി ഇ​റ​ങ്ങി​യ​ത്.

ക​പ്പ​ലി​ന്‍റെ മു​ൻ​ഭാ​ഗ​ത്തെ കൊ​ളു​ത്തി​ലേ​ക്ക് വ​ടം കെ​ട്ടി വാ​ട്ട​ർ ലി​ല്ലി എ​ന്ന ട​ഗ് ബോ​ട്ടു​മാ​യി ബ​ന്ധി​പ്പി​ക്കാ​നും ക​ഴി​ഞ്ഞി​ട്ടു​ണ്ട്. ഈ ​ബോ​ട്ട്​ ഉ​പ​യോ​ഗി​ച്ചാ​ണ് ക​പ്പ​ലി​നെ കൂ​ടു​ത​ൽ ഉ​ൾ​സ​മു​ദ്ര​ത്തി​ലേ​ക്ക് വ​ലി​ച്ചു​മാ​റ്റാ​ൻ ശ്ര​മം ന​ട​ക്കു​ക. ര​ക്ഷാ​പ്ര​വ​ർ​ത്ത​ന​ത്തി​ലെ നി​ർ​ണാ​യ​ക നേ​ട്ട​മാ​യാ​ണ് ദൗ​ത്യ​സം​ഘം ഈ ​നീ​ക്ക​ത്തെ കാ​ണു​ന്ന​ത്. ക​ത്തു​ന്ന ക​പ്പ​ലി​ലേ​ക്ക് സാ​ധാ​ര​ണ സു​ര​ക്ഷാ​കാ​ര​ണ​ങ്ങ​ളാ​ൽ അ​ധി​ക​മാ​രും ഇ​റ​ങ്ങാ​റി​ല്ലെ​ന്നും ഇ​ത് ഏ​റെ നി​ർ​ണാ​യ​ക ഇ​ട​പെ​ട​ലാ​ണെ​ന്നും ദു​ര​ന്ത നി​വാ​ര​ണ അ​തോ​റി​റ്റി അ​ധി​കൃ​ത​ർ പ​റ​യു​ന്നു. തീ 40 ​ശ​ത​മാ​ന​ത്തോ​ളം നി​യ​ന്ത്ര​ണ വി​ധേ​യ​മാ​യി​ട്ടു​ണ്ടെ​ന്നാ​ണ്​ സൂ​ച​ന. ബു​ധ​നാ​ഴ്ച ശ​ക്​​ത​മാ​യ മ​ഴ പെ​യ്ത​തും ആ​ശ്വാ​സ​മാ​യി. എ​ന്നാ​ൽ കാ​ണാ​താ​യ നാ​ലു ക​പ്പ​ൽ ജീ​വ​ന​ക്കാ​രെ ക​ണ്ടെ​ത്താ​നാ​യി​ട്ടി​ല്ല.

സം​ഭ​വ സ്ഥ​ല​ത്തു​നി​ന്ന് ഏ​താ​നും നോ​ട്ടി​ക്ക​ൽ മൈ​ൽ തെ​ക്ക് കി​ഴ​ക്ക് ഭാ​ഗ​ത്തേ​ക്ക് ക​പ്പ​ൽ ഒ​ഴു​കി നീ​ങ്ങി​യി​ട്ടു​ണ്ട്. പ്ര​തി​കൂ​ല കാ​ലാ​വ​സ്ഥ മൂ​ലം കോ​സ്റ്റ്​​ഗാ​ർ​ഡി​ന്‍റെ ഡ്രോ​ണി​യ​ർ വി​മാ​ന​ത്തി​ന്​ ഉ​ച്ച​ക്ക്​ മു​മ്പ്​ നി​രീ​ക്ഷ​ണ പ​റ​ക്ക​ൽ ന​ട​ത്താ​ൻ ക​ഴി​ഞ്ഞി​ല്ല. ഉ​ച്ച​ക​ഴി​ഞ്ഞാ​ണ്​ വി​മാ​നം ര​ക്ഷാ​ദൗ​ത്യ​ത്തി​ന്‍റെ ഭാ​ഗ​മാ​യ​ത്. ക​ഴി​ഞ്ഞ ദി​വ​സ​ങ്ങ​ളെ അ​പേ​ക്ഷി​ച്ച് കാ​ഠി​ന്യം കു​റ​ഞ്ഞു തീ ​കു​ടു​ത​ൽ നി​യ​ന്ത്ര​ണ വി​ധേ​യ​മാ​യി​​ട്ടു​ണ്ട്.​

കോ​സ്റ്റ് ഗാ​ർ​ഡി​ന്റെ അ​ഞ്ചു ക​പ്പ​ലു​ക​ളാ​ണ്​ 50 മീ​റ്റ​ർ അ​ക​ലെ​നി​ന്ന് വെ​ള്ളം പ​മ്പ് ചെ​യ്ത്​ തീ​യ​ണ​ക്കാ​ൻ തീ​വ്ര ശ്ര​മം ന​ട​ത്തു​ന്ന​ത്​. വ്യാ​ഴാ​ഴ്ച​യോ​ടെ മം​ഗ​ളു​രു​വി​ൽ നി​ന്ന​ട​ക്കം നാ​ലു ക​പ്പ​ൽ കൂ​ടി എ​ത്തും. വ്യാ​ഴാ​ഴ്ച വൈ​കി​ട്ടോ​ടെ തീ ​പൂ​ർ​ണ​മാ​യി അ​ണ​ക്കാ​നാ​കു​മെ​ന്നാ​ണ് പ്ര​തീ​ക്ഷ. ക​ഴി​ഞ്ഞി​ല്ലെ​ങ്കി​ൽ യു.​കെ, സ്പെ​യി​ൻ, നെ​ത​ർ​ലാ​ൻ​ഡ്സ് എ​ന്നി​വി​ട​ങ്ങ​ളി​ൽ​നി​ന്ന് വി​ദ​ഗ്ധ​രെ കൊ​ണ്ടു​വ​രാ​നും ആ​ലോ​ച​ന​യു​ണ്ട്.

നി​ല​വി​ൽ പ​ത്ത് മു​ത​ൽ 15​ ഡി​ഗ്രി വ​രെ ഇ​ട​ത്തോ​ട്ട്​ ച​രി​ഞ്ഞ അ​വ​സ്ഥ​യി​ലാ​ണ്​ ക​പ്പ​ൽ. ഒ​പ്പം കൂ​ടു​ത​ൽ ക​ണ്ടെ​യ്​​ന​റു​ക​ൾ ക​ട​ലി​ൽ വീ​ണു. ക​ണ്ടെ​യ്ന​റു​ക​ൾ വീ​ണ്ടെ​ടു​ക്കാ​നും ശ്ര​മം ന​ട​ക്കു​ന്നു​ണ്ട്. ഇ​വ​യി​ലെ അ​പ​ക​ട​ക​ര​മാ​യ രാ​സ​പ​ദാ​ർ​ഥ​ങ്ങ​ളും കീ​ട​നാ​ശി​നി​ക​ളും സൃ​ഷ്​​ടി​ച്ചേ​ക്കാ​വു​ന്ന പ​രി​സ്ഥി​തി പ്ര​ശ്ന​ങ്ങ​ളി​ൽ ആ​ശ​ങ്ക തു​ട​രു​ക​യാ​ണ്.

തീ ​പൂ​ർ​ണ​മാ​യി കെ​ടു​ത്തു​ന്ന​തി​നും കാ​ണാ​താ​യ​വ​രെ ക​ണ്ടെ​ത്താ​നു​മു​ള്ള പ്ര​വ​ർ​ത്ത​ന​ങ്ങ​ൾ​ക്കാ​ണ്​ കോ​സ്റ്റ്​ ഗാ​ർ​ഡ്​ ഊ​ന്ന​ൽ ന​ൽ​കു​ന്ന​ത്.

ര​ണ്ടു​ ദൗ​ത്യ​വും പൂ​ർ​ത്തി​യാ​ക്കി​യ ശേ​ഷ​മാ​കും അ​ടു​ത്ത ഘ​ട്ടം. ക​ട​ലി​ൽ വീ​ണ ക​ണ്ടെ​യ്​​ന​റു​ക​ൾ ഉ​ട​ൻ കേ​ര​ള തീ​ര​ത്ത്​ എ​ത്താ​ൻ സാ​ധ്യ​ത ഇ​ല്ലെ​ന്നാ​ണ്​ ക​ണ​ക്കു​കൂ​ട്ട​ൽ. എ​ങ്കി​ലും തീ​ര​മേ​ഖ​ല​ക​ളി​ൽ നി​രീ​ക്ഷ​ണ​വും ജാ​ഗ്ര​താ നി​ർ​ദേ​ശ​വു​മു​ണ്ട്.

അതേസമയം, വാ​ൻ​ഹാ​യ് ച​ര​ക്കു​ക​പ്പ​ൽ അ​പ​ക​ട​സ്ഥ​ല​ത്തു​നി​ന്ന് മൈ​ലു​ക​ൾ പി​ന്നി​ട്ട് മ​ല​പ്പു​റം ജി​ല്ല​യി​ലെ പൊ​ന്നാ​നി തീ​രം ക​ട​ന്നു. ബു​ധ​നാ​ഴ്ച ഉ​ച്ച​യോ​ടെ പൊ​ന്നാ​നി ലൈ​റ്റ് ഹൗ​സി​ൽ​നി​ന്ന് 45 നോ​ട്ടി​ക്ക​ൽ മൈ​ൽ അ​ക​ലെ​യാ​ണ് ക​പ്പ​ലു​ള്ള​ത്. ഒ​രു നോ​ട്ട് (മ​ണി​ക്കൂ​റി​ൽ 1.85 കി.​മീ​റ്റ​ർ) മു​ത​ൽ 1.2 നോ​ട്ട് വരെയാണ് തീ​പി​ടി​ച്ച് ത​ക​ർ​ന്ന ക​പ്പ​ലി​ന്റെ വേ​ഗം. ​​ബു​ധ​നാ​ഴ്ച പു​ല​ർ​ച്ച തി​രൂ​ർ തീ​ര​ത്തു​നി​ന്ന് 56 നോ​ട്ടി​ക്ക​ൽ മൈ​ൽ പി​ന്നി​ട്ടി​രു​ന്നു.