ശബരിമലയിൽ ശയന പ്രദിക്ഷണം: സത്യവാങ്​മൂലം വൈകിയതിൽ കോടതിക്ക്​ അതൃപ്​തി

കൊച്ചി: ശബരിമലയിൽ ശയന പ്രദിക്ഷണം തടയുന്നതുമായി ബന്ധപ്പെട്ട്​ സർക്കാർ സത്യവാങ്​മൂലം സമർപ്പിക്കാൻ വൈകിയതിൽ ഹൈകോടതിക്ക്​ അതൃപ്​തി. പതിനൊന്നാം മണിക്കൂറിൽ സത്യവാങ്മൂലം സമർപ്പിച്ചാൽ എങ്ങനെ പരിശോധിക്കുമെന്ന് കോടതി ചോദിച്ചു. തുടർന്ന്​ ഹരജി തിങ്കളാഴ്ച പരിഗണിക്കാനായി മാറ്റി. മുദ്ര​െവച്ച കവറിൽ സർക്കാർ ചില രേഖകൾ ഹാജരാക്കിയിരുന്നു. അതും തിങ്കളാഴ്ച പരിഗണിക്കാമെന്നു കോടതി അറിയിച്ചു.

നിയമം കൈയിലെടുക്കരുതെന്നു ഹരജിക്കാരോട് ആവശ്യപ്പെട്ട കോടതി അതിന് മുന്നിൽ കണ്ണുകെട്ടി നിൽക്കാനാവില്ലെന്നും വ്യക്​തമാക്കി. എല്ലാവരും ഇക്കാര്യത്തിൽ സഹകരിക്കണം. ചിലർക്ക് സ്വകാര്യ താൽപര്യങ്ങളുണ്ട്​. ശബരിമലയിൽ എത്രയും വേഗം സമാധാന അന്തരീക്ഷം തിരികെ കൊണ്ടുവരണമെന്നും കോടതി സർക്കാറിനോട് നിർദേശിച്ചു.