ശബരിമല സ്​ത്രീ പ്രവേശനം: സി.പി.എമ്മിനും ബി.ജെ.പിക്കും ഇരട്ട നിലപാട്​ - ചെന്നിത്തല

തിരുവനന്തപുരം: പൊതുസമൂഹത്തി​​​െൻറയും വിശ്വാസികളുടെയും വികാരം കണക്കിലെടുക്കാതെ സുപ്രീംകോടതി വിധി നടപ്പാക്കാനുള്ള സർക്കാറി​​െൻറ അനാവശ്യതിടുക്കം ശബരിമലയെ സംഘർഷ ഭൂമിയാക്കുമെന്ന്​ പ്രതിപക്ഷം. വിശ്വാസികൾ​ക്കേറ്റ മുറിവുണക്കാൻ കോൺഗ്രസ്​ പിന്തുണനൽകും. പുനഃപരിശോധന ഹരജിയടക്കമുള്ള സാധ്യത പരിശോധിക്കുന്നതിന്​ മുൻ ദേവസ്വം ബോർഡ്​ പ്രസിഡൻറ്​ പ്രയാർ ഗോപാലകൃഷ്​ണനെ ചുമതലപ്പെടുത്തിയെന്നും പ്രതിപക്ഷനേതാവ്​ രമേശ്​ ചെന്നിത്തല, കെ.പി.സി.സി അധ്യക്ഷൻ​ മുല്ലപ്പള്ളി രാമചന്ദ്രൻ എന്നിവർ വാർത്താസമ്മേളനത്തിൽ പറഞ്ഞു.

വിധി നടപ്പാക്കാതിരിക്കാൻ കഴിയില്ലെന്ന മുഖ്യമന്ത്രിയുടെ നിലപാട്​ കാപട്യമാണ്​. പ്രധാന റോഡുകൾക്കരികിൽ മദ്യശാല പാടില്ലെന്ന സുപ്രീംകോടതി വിധി എങ്ങനെയാണ്​ നടപ്പാക്കിയതെന്ന്​ എല്ലാവർക്കുമറിയാം. 2016ൽ ഉമ്മൻ ചാണ്ടി സർക്കാർ നൽകിയ സത്യവാങ്​മൂലം പിൻവലിച്ചതാണ്​ ഇപ്പോഴത്തെ വിധിക്ക്​ അടിസ്​ഥാനം.​ സമവായത്തിലൂടെ വിധി നടപ്പാക്കണമെന്നാണ്​ കോൺഗ്രസി​​​െൻറ ആവശ്യം. സി.പി.എമ്മും ബി.ജെ.പിയും ഇരട്ടനിലപാടാണ്​ സ്വീകരിക്കുന്നത്​. ആർ.എസ്​.എസിനും ബി.ജെ.പിക്കും ആത്​മാർഥതയുണ്ടെങ്കിൽ നിയമംകൊണ്ട്​ വരാൻ കേന്ദ്ര സർക്കാറിനോട്​ ആവശ്യപ്പെടണം.

കോൺഗ്രസിലെ മുൻ ദേവസ്വം ബോർഡ്​ പ്രസിഡൻറുമാരുടെയും അംഗങ്ങളുടെയും യോഗംചേർന്ന്​ കാര്യങ്ങൾ വിലയിരുത്തിയെന്ന്​ അവർ പറഞ്ഞു.