എല്ലാവരെയും രക്ഷിച്ചു;മൽസ്യത്തൊഴിലാളി​കൾക്ക്​ നന്ദി​-സജി ചെറിയാൻ

ആലപ്പുഴ: ചെങ്ങന്നൂരിൽ പ്രളയക്കെടുതിയിൽപ്പെട്ട എല്ലാവരെയും രക്ഷിച്ചെന്ന്​ എം.എൽ.എ സജി ചെറിയാൻ. ഏറ്റവും നന്ദിയുള്ളത്​ മൽസ്യതൊളിലാളികളോടാണ്​. ചെങ്ങന്നൂരിൽ രണ്ട്​ ലക്ഷം പേർ പ്രളയത്തെ നേരിട്ടുവെന്നും  സജിചെറിയാൻ പറഞ്ഞു. മാധ്യമങ്ങൾ ശ്രേഷ്​ഠമായ പ്രവർത്തനമാണ്​ നടത്തിയതെന്നും അദ്ദേഹം കൂട്ടിച്ചേർത്തു.

നേരത്തെ പ്രളയക്കെടുതി ഉണ്ടായപ്പോൾ സഹായമഭ്യർഥിച്ച്​ സജിചെറിയാൻ രംഗത്തെത്തിയിരുന്നു. ഹെലികോപ്​ടർ ഉപയോഗിച്ച്​ സൈന്യം എയർലിഫ്​ടിങ്ങിനിറങ്ങണമെന്നായിരുന്നു സജി ചെറിയാ​​​​െൻറ ആവശ്യം. തുടർന്ന്​ ​മൽസ്യ​െതാഴിലാളികൾ ഉൾപ്പടെയുള്ളവർ എത്തിയാണ്​ ചെങ്ങന്നൂരിൽ കുടങ്ങിക്കിടന്ന ആളുകളെ രക്ഷിച്ചത്​.

ചെങ്ങന്നൂർ ഉൾപ്പെടുന്ന ആലപ്പുഴ ജില്ലയില്‍ 662 ക്യാംപുകളിലായി 2.7 ലക്ഷം പേരാണ് ഇപ്പോഴുള്ളത്. കാലവര്‍ഷം തുടങ്ങിയതുമുതല്‍ ജില്ലയില്‍ മരിച്ചത് 35 പേരാണ്. മെയ് 29 മുതലുള്ള കണക്കുകൾ അനുസരിച്ച്​ കുട്ടനാട് താലൂക്കില്‍ 15ഉം ചേര്‍ത്തല, മാവേലിക്കര താലൂക്കുകളില്‍ നാലുവീതവും ചെങ്ങന്നൂരില്‍ എട്ടും അമ്പലപ്പുഴയില്‍ മൂന്നും കാര്‍ത്തികപ്പള്ളിയില്‍ ഒരാളുമാണ് കാലവർഷക്കെടുതിയിൽ മരിച്ചത്​.