വി​ദ്യാ​ഭ്യാ​സ വ​കു​പ്പിന്‍റെ തീ​രു​മാ​ന​ത്തി​ന്​ വി​ദ​ഗ്​​ധ സ​മി​തി​യു​ടെ വെ​ട്ട്; ‘ശനിയാഴ്ച അധ്യയന ദിനമാക്കേണ്ട, പാദവാർഷിക പരീക്ഷ വേണ്ട’

തി​രു​വ​ന​ന്ത​പു​രം: സ്കൂ​ളു​ക​ളി​ൽ 25 ശ​നി​യാ​ഴ്ച​ക​ൾ കൂ​ടി പ്ര​വൃ​ത്തി ദി​ന​മാ​ക്കി 220 അ​ധ്യ​യ​ന ദി​ന​ങ്ങ​ൾ തി​ക​ക്കാ​നു​ള്ള പൊ​തു​വി​ദ്യാ​ഭ്യാ​സ വ​കു​പ്പി​ന്‍റെ തീ​രു​മാ​ന​ത്തി​ന്​ സ​ർ​ക്കാ​ർ നി​യോ​ഗി​ച്ച വി​ദ​ഗ്​​ധ സ​മി​തി​യു​ടെ വെ​ട്ട്. ആ​ഴ്ച​യി​ൽ അ​ഞ്ച്​ അ​ധ്യ​യ​ന ദി​ന​ങ്ങ​ൾ ത​ന്നെ തു​ട​ർ​ന്ന്​ വി​ദ്യാ​ഭ്യാ​സ അ​വ​കാ​ശ നി​യ​മ​ത്തി​ൽ നി​ർ​ദേ​ശി​ക്കു​ന്ന അ​ധ്യ​യ​ന സ​മ​യം തി​ക​ക്കാ​നാ​ണ്​ ശി​പാ​ർ​ശ. ആ​വ​ശ്യ​മെ​ങ്കി​ൽ തു​ട​ർ​ച്ച​യാ​യി ആ​റ്​ പ്ര​വൃ​ത്തി ദി​ന​ങ്ങ​ൾ വ​രാ​ത്ത രീ​തി​യി​ൽ മാ​സ​ത്തി​ൽ ഒ​രു ശ​നി​യാ​ഴ്ച അ​ധ്യ​യ​ന ദി​ന​മാ​ക്കാ​മെ​ന്ന്​ വി​ദ്യാ​ഭ്യാ​സ​മ​ന്ത്രി വി. ​ശി​വ​ൻ​കു​ട്ടി​ക്ക്​ സ​മ​ർ​പ്പി​ച്ച റി​പ്പോ​ർ​ട്ടി​ൽ സ​മി​തി ശി​പാ​ർ​ശ ചെ​യ്തു.

ഇ​തു​വ​ഴി വ​ർ​ഷ​ത്തി​ൽ 205 വ​രെ അ​ധ്യ​യ​ന ദി​ന​ങ്ങ​ൾ ഉ​റ​പ്പാ​ക്കാ​ൻ ക​ഴി​യും. സ്കൂ​ൾ ടേം ​പ​രീ​ക്ഷ​ക​ളു​ടെ എ​ണ്ണം മൂ​ന്നി​ൽ നി​ന്ന്​ ര​ണ്ടാ​ക്കി ചു​രു​ക്കാ​നും സ​മി​തി ശി​പാ​ർ​ശ ചെ​യ്തു. നി​ല​വി​ൽ പാ​ദ, അ​ർ​ധ, വാ​ർ​ഷി​ക പ​രീ​ക്ഷ​ക​ളാ​ണു​ള്ള​ത്. ഇ​ത്​ ഒ​ക്​​ടോ​ബ​റി​ൽ അ​ർ​ധ വാ​ർ​ഷി​ക പ​രീ​ക്ഷ​യും മാ​ർ​ച്ചി​ൽ വാ​ർ​ഷി​ക പ​രീ​ക്ഷ​യു​മാ​ക്കി ചു​രു​ക്കാ​നും ശി​പാ​ർ​ശ ചെ​യ്തി​ട്ടു​ണ്ട്. പാ​ദ വാ​ർ​ഷി​ക പ​രീ​ക്ഷ ഒ​ഴി​വാ​ക്കു​ന്ന​ത്​ വ​ഴി അ​ധി​ക അ​ധ്യ​യ​ന ദി​ന​ങ്ങ​ളും ല​ഭി​ക്കും.

ക​ഴി​ഞ്ഞ അ​ധ്യ​യ​ന വ​ർ​ഷം 25 ശ​നി​യാ​ഴ്ച​ക​ൾ അ​ധ്യ​യ​ന ദി​ന​മാ​ക്കി ത​യാ​റാ​ക്കി​യ വി​ദ്യാ​ഭ്യാ​സ ക​ല​ണ്ട​ർ ഹൈ​കോ​ട​തി റ​ദ്ദാ​ക്കി​യ​തി​നെ തു​ട​ർ​ന്ന്​ നി​യോ​ഗി​ച്ച സ​മി​തി​യാ​ണ്​ റി​പ്പോ​ർ​ട്ട്​ സ​മ​ർ​പ്പി​ച്ച​ത്. എ​ൽ.​പി ക്ലാ​സു​ക​ൾ​ക്ക്​ ശ​നി​യാ​ഴ്ച​ക​ൾ അ​ധ്യ​യ​ന ദി​ന​മാ​ക്കേ​ണ്ട​തി​ല്ലെ​ന്നും റി​​പ്പോ​ർ​ട്ടി​ലു​ണ്ട്. വി​ദ്യാ​ഭ്യാ​സ അ​വ​കാ​ശ നി​യ​മ​പ്ര​കാ​രം വ​ർ​ഷ​ത്തി​ൽ 800 മ​ണി​ക്കൂ​ർ അ​ധ്യ​യ​ന​മാ​ണ്​ എ​ൽ.​പി ക്ലാ​സു​ക​ൾ​ക്ക്​ നി​ർ​ദേ​ശി​ച്ചി​രി​ക്കു​ന്ന​ത്.

നി​ല​വി​ലെ അ​ധ്യ​യ​ന ദി​ന​ങ്ങ​ളി​ലൂ​ടെ ത​ന്നെ ഇ​ത്​ നേ​ടി​യെ​ടു​ക്കാ​ൻ ക​ഴി​യും. എ​ന്നാ​ൽ, വി​ദ്യാ​ഭ്യാ​സ അ​വ​കാ​ശ നി​യ​മ​ത്തി​ൽ നി​ർ​ദേ​ശി​ച്ച പ്ര​കാ​ര​മു​ള്ള അ​ധ്യ​യ​ന മ​ണി​ക്കൂ​ർ നേ​ടി​യെ​ടു​ക്കാ​നാ​യി ഹൈ​സ്കൂ​ളു​ക​ൾ​ക്ക്​ നി​ല​വി​ലു​ള്ള പ്ര​തി​ദി​ന അ​ധ്യ​യ​ന സ​മ​യ​ത്തി​ൽ വെ​ള്ളി​യാ​ഴ്ച ഒ​ഴി​കെ ദി​വ​സ​ങ്ങ​ളി​ൽ അ​ര മ​ണി​ക്കൂ​ർ വ​ർ​ധ​ന​ക്കും ശി​പാ​ർ​ശ ചെ​യ്തി​ട്ടു​ണ്ട്.

ഇ​തു​വ​ഴി 1200 അ​ധ്യ​യ​ന മ​ണി​ക്കൂ​ർ വ​രെ നേ​ടാ​ൻ ക​ഴി​യും. സ്കൂ​ളു​ക​ളി​ൽ രാ​വി​ലെ​യു​ള്ള ഇ​ന്‍റ​ർ​വെ​ൽ സ​മ​യം പ​ത്തും വൈ​കീ​ട്ടു​ള്ള ഇ​ന്‍റ​ർ​വെ​ൽ സ​മ​യം അ​ഞ്ച്​ മി​നി​റ്റു​മാ​ണ്. വൈ​കീ​ട്ടു​ള്ള ഇ​ന്‍റ​ർ​വെ​ൽ സ​മ​യം കൂ​ടി 10​ മി​നി​റ്റാ​ക്കി വ​ർ​ധി​പ്പി​ക്കാ​നും ശി​പാ​ർ​ശ ചെ​യ്തി​ട്ടു​ണ്ട്. ഉ​ച്ച ഇ​ട​വേ​ള സ​മ​യ​ത്തി​ൽ കു​റ​വ്​ വ​രു​ത്തി​യാ​ക​ണം വൈ​കീ​ട്ടു​ള്ള ഇ​ന്‍റ​ർ​വെ​ല്ലി​നു​ള്ള അ​ധി​ക അ​ഞ്ച്​ മി​നി​റ്റ്​ ക​ണ്ടെ​ത്തേ​ണ്ട​ത്. സ്കൂ​ൾ ത​ല​ത്തി​ലു​ള്ള ക​ലാ​കാ​യി​ക മ​ത്സ​ര​ങ്ങ​ളു​ടെ ന​ട​ത്തി​പ്പ്​ പ​ര​മാ​വ​ധി ശ​നി​യാ​ഴ്ച​ക​​ളി​ലേ​ക്ക്​ മാ​റ്റ​ണം. ഇ​തു​വ​ഴി അ​ധ്യ​യ​ന​ദി​ന​ങ്ങ​ൾ ന​ഷ്ട​പ്പെ​ടു​ന്ന​ത്​ ഒ​ഴി​വാ​ക്കാം.

ശ​നി​യാ​ഴ്ച​ക​ൾ അ​ധ്യ​യ​ന ദി​ന​മാ​ക്കു​ന്ന​തി​ൽ വി​ദ്യാ​ർ​ഥി​ക​ളും അ​ധ്യാ​പ​ക​രും ര​ക്ഷാ​ക​ർ​ത്താ​ക്ക​ളും ഉ​ൾ​പ്പെ​ടെ​യു​ള്ള​വ​ർ എ​തി​ർ​ത്തു. കൂ​ടു​ത​ൽ ശ​നി​യാ​ഴ്ച​ക​ൾ അ​ധ്യ​യ​ന ദി​ന​മാ​ക്കു​ന്ന​ത്​ കു​ട്ടി​ക​ളു​ടെ മാ​ന​സി​കോ​ല്ലാ​സ​ത്തി​നു​ള്ള സ​മ​യ​മി​ല്ലാ​താ​ക്കു​മെ​ന്നും അ​ഭി​പ്രാ​യ​മു​യ​ർ​ന്നു. റി​പ്പോ​ർ​ട്ട്​ പ​രി​ശോ​ധി​ച്ച് തു​ട​ർ ന​ട​പ​ടി​ക​ൾ സ്വീ​ക​രി​ക്കു​മെ​ന്ന് മ​ന്ത്രി വി. ​ശി​വ​ൻ​കു​ട്ടി പ​റ​ഞ്ഞു.