ഭീഷണിപ്പെടുത്തി പണം തട്ടിയ കേസ്: എസ്.ഐ അറസ്റ്റിൽ

തി​രൂ​ർ: ക്വാ​റി​യി​ല്‍ ഉ​പ​യോ​ഗി​ക്കാ​ന്‍ കൊ​ണ്ടു​വ​ന്ന സ്ഫോ​ട​ക​വ​സ്തു പി​ടി​ച്ചെ​ടു​ത്ത സം​ഭ​വ​വു​മാ​യി ബ​ന്ധ​പ്പെ​ട്ട് സ്ഥ​ല​മു​ട​മ​ക​ളെ ഭീ​ഷ​ണി​പ്പെ​ടു​ത്തി ല​ക്ഷ​ങ്ങ​ള്‍ ത​ട്ടി​യ കേ​സി​ല്‍ വ​ളാ​ഞ്ചേ​രി എ​സ്.​ഐ ബി​ന്ദു​ലാ​ല്‍ (48), പാ​ല​ക്കാ​ട് തി​രു​വേ​ഗ​പ്പു​റ സ്വ​ദേ​ശി പൊ​ന്ന​ന്‍തൊ​ടി അ​സൈ​നാ​ര്‍ (39) എ​ന്നി​വ​ർ അ​റ​സ്റ്റി​ൽ. ഇരുവരെയും തിരൂർ കോടതി റിമാൻഡ് ചെയ്തു.

കേ​സി​ൽ പ്ര​തി​യാ​യ വ​ളാ​ഞ്ചേ​രി സി.​ഐ സു​നി​ല്‍ദാ​സ് (53) ഒ​ളി​വി​ലാ​ണ്. ക​ഴി​ഞ്ഞ മാ​ര്‍ച്ച് 29നാ​ണ് വ​ളാ​ഞ്ചേ​രി​യി​ലെ ക്വാ​റി​യി​ലേ​ക്ക് കാ​റി​ൽ കൊ​ണ്ടു​വ​ന്ന സ്ഫോ​ട​ക​വ​സ്തു പൊ​ലീ​സ് പി​ടി​ച്ചെ​ടു​ത്ത​ത്. ഈ ​കേ​സി​ല്‍ ഉ​ള്‍പ്പെ​ടു​ത്തി ജ​യി​ലി​ല​ട​ക്കു​മെ​ന്ന് ഭീ​ഷ​ണി​പ്പെ​ടു​ത്തി തി​രൂ​ര്‍ മൂ​ത്തൂ​ര്‍ സ്വ​ദേ​ശി തൊ​ട്ടി​യി​ല്‍ നി​സാ​ർ മു​ഖേ​ന ഭൂ​വു​ട​മ​ക​ളി​ൽ​നി​ന്ന് 22 ല​ക്ഷം രൂ​പ ത​ട്ടി​യെ​ടു​ത്ത കേ​സി​ലാ​ണ് സി.​ഐ​യും എ​സ്.​ഐ​യും പ്ര​തി​ക​ളായ​ത്. സം​ഭ​വ​വു​മാ​യി ബ​ന്ധ​മു​ള്ള​തി​നാ​ൽ നി​സാ​റി​നെ റി​മാ​ൻ​ഡ് ചെ​യ്യി​ക്കു​മെ​ന്നും ഭൂ​വു​ട​മ​ക​ളെ പ്ര​തി​ക​ളാ​ക്കു​മെ​ന്നും പ​റ​ഞ്ഞാ​യി​രു​ന്നു ഭീ​ഷ​ണി.

എ​സ്.​ഐ ബി​ന്ദു​ലാ​ല്‍ 10 ല​ക്ഷ​വും സി.​ഐ സു​നി​ല്‍ദാ​സ് എ​ട്ട് ല​ക്ഷ​വും ഇ​ട​നി​ല​ക്കാ​ര​നാ​യ മൂ​ന്നാം പ്ര​തി അ​സൈ​നാ​ര്‍ നാ​ല് ല​ക്ഷ​വും ത​ട്ടി​യെ​ടു​ത്തെ​ന്നാ​ണ് കേ​സ്. സം​ഭ​വം വി​വാ​ദ​മാ​യ​തി​ന് പി​ന്നാ​ലെ ഒ​ളി​വി​ൽ പോ​യ സി.​ഐ​ക്കാ​യി അ​ന്വേ​ഷ​ണം ഊ​ർ​ജി​ത​മാ​ക്കി. പൊ​ലീ​സ് ഉ​ദ്യോ​ഗ​സ്ഥ​ര്‍ക്കെ​തി​രെ കൂ​ടു​ത​ല്‍ ന​ട​പ​ടി​ക​ളു​ണ്ടാ​വും. തി​രൂ​ര്‍ ഡി​വൈ.​എ​സ്.​പി പി.​പി. ഷം​സി​ന്റെ നേ​തൃ​ത്വ​ത്തി​ലാ​യി​രു​ന്നു അ​റ​സ്റ്റ്.