മൂല്യങ്ങള്‍ സംരക്ഷിക്കാന്‍ വിദ്യാർഥികള്‍ രംഗത്തിറങ്ങുക– ഇഖ്ബാല്‍ ഹുസൈന്‍

കൊടുവള്ളി: നഷ്ടപ്പെട്ടുകൊണ്ടിരിക്കുന്ന മൂല്യങ്ങള്‍ സംരക്ഷിക്കാന്‍ വിദ്യാര്‍ഥികള്‍ സമര രംഗത്തിറങ്ങണമെന്ന്​ എസ്.ഐ.ഒ ദേശീയ പ്രസിഡണ്ട് ഇഖ്ബാല്‍ ഹുസൈന്‍ പറഞ്ഞു. കൊടുവള്ളിയില്‍ നീതിയുടെ പക്ഷത്തോട് ഐക്യപ്പെടുക എന്ന പ്രമേയത്തില്‍ നടന്ന എസ്.ഐ.ഒ ജില്ലാ വിദ്യാര്‍ഥി സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം.

ജീവിക്കാനുള്ള സ്വാതന്ത്ര്യം, അഭിപ്രായ സ്വാതന്ത്ര്യം, വിയോജിക്കാനുള്ള സ്വാതന്ത്ര്യം തുടങ്ങിയവ ഭീഷണി നേരിട്ടുകൊണ്ടിരിക്കുകയാണ്. അതുകൊണ്ടാണ് ഇരുണ്ടയുഗമെന്ന് ഈ കാലഘട്ടത്തെ വിശേഷിപ്പിക്കുന്നത്​. അതുകൊണ്ട് തന്നെ ജനാധിപത്യംവും മതേതരത്വവും കടുത്ത വെല്ലുവിളി നേരിടുകയാണ്. അധികാര കേന്ദ്രങ്ങളെ ചോദ്യം ചെയ്യുന്നത്​ നല്ലതല്ല എന്ന കേന്ദ്രമന്ത്രി കിരൺ റിജ്ജുവിൻറെ പ്രസ്​താവന ഇതി​െൻറ വ്യക്തമായ ഉദാഹരണമാണ്. ജനാധിപത്യമല്ല ഏകാധിപത്യ ഭരണമാണ് ഇപ്പോള്‍ ഭരണകൂടത്തിൽ നിന്നും ഉണ്ടായിക്കൊണ്ടിരിക്കുന്നത്​. സാമ്രാജ്യത്വത്തി​െൻറ മുഖവും ഇതുതന്നെയാണ്​.

പാര്‍ലമെൻറി​​െൻറയും പ്രതിപക്ഷത്തി​െൻറയും അഭിപ്രായം പോലും പരിഗണിക്കാതെ സാധാരണക്കാരെ ബുദ്ധിമുട്ടിച്ച്​ നടത്തിയ നോട്ട്​ നിരോധനം ഭരണകൂടത്തി​െൻറ ഏകാധിപത്യ സ്വഭാവമാണെന്നും അദ്ദേഹം പറഞ്ഞു. ശേഷം വിദ്യാർഥികളുടെ കലാപരിപാടികളും അരങ്ങേറി.