അഭയ കേസ്​: രാസപരിശോധന റിപ്പോർട്ട്​ തിരിമറി കേസിലെ അപ്പീൽ പരിഗണിക്കും

കൊച്ചി: അഭയ കേസിലെ രാസപരിശോധന റിപ്പോർട്ടിൽ തിരിമറി കാണിച്ചെന്ന കേസിലെ പ്രതികളെ വെറുതെവിട്ടതിനെതിരായ അപ്പീലിലെ കാലതാമസം ഹൈകോടതി വകവെച്ചു നൽകി. അഭയയുടെ ആന്തരികാവയവ പരിശോധന റിപ്പോർട്ടിൽ കൃത്രിമം കാട്ടിയതിന്​ പ്രതി ചേർത്തിരുന്ന തിരുവനന്തപുരം ചീഫ് കെമിക്കൽ എക്സാമിനേഴ്സ് ലാബിലെ​ ചീഫ് കെമിക്കൽ എക്സാമിനർ ആർ. ഗീത, അനലിസ്​റ്റ്​ എം. ചിത്ര എന്നിവരെ തിരുവനന്തപുരം ചീഫ് ജുഡീഷ്യൽ മജിസ്ട്രേറ്റ്​ കോടതി വെറുതെ വിട്ടതിനെതിരായ അപ്പീലാണ്​ സിംഗിൾ ബെഞ്ച്​ പരിഗണിക്കുന്നത്​.

2014 നവംബർ 14നാണ്​ ഇരുവ​െരയും വെറുതെ വിട്ട്​ മജിസ്​​ട്രേറ്റ്​ കോടതി ഉത്തരവുണ്ടായത്​. ഇതിനുശേഷം 1117 ദിവസം വൈകിയാണ്​ അഭയ ആക്​ഷൻ കൗൺസിൽ ചെയർമാൻ ജോമോൻ പ​ുത്തൻപുരക്കലി​​​െൻറ അപ്പീൽ ഹൈകോടതിയിലെത്തിയത്​. അപ്പീൽ നൽകാൻ വൈകിയതി​​​െൻറ കാരണങ്ങൾ വ്യക്​തമാക്കിയ ഹരജിക്കാരൻ കാലതാമസം വകവെച്ച്​ ഹരജി പരിഗണനക്കെടുക്കണമെന്ന്​ കോടതിയോട്​ അഭ്യർഥിച്ചു. എതിർകക്ഷികളുടെ വിശദീകരണംകൂടി കേട്ടശേഷം ഇൗ ആവശ്യം അനുവദിച്ച കോടതി അപ്പീലിന്​​ നമ്പർ ഇടാൻ രജിസ്​ട്രിയോട്​ നിർദേശിക്കുകയായിരുന്നു. തുടർന്ന്​ അപ്പീൽ​ പിന്നീട്​ പരിഗണിക്കാനായി മാറ്റി.