വയോധികൻ വെട്ടേറ്റ്​ മരിച്ചു; മരുമകൻ​ പിടിയിൽ

നെ​ടു​ങ്ക​ണ്ടം: വീ​ട്ടി​ല്‍ അ​തി​ക്ര​മി​ച്ചു ക​യ​റി ഭാ​ര്യ​യെ​യും ഭാ​ര്യാ​പി​താ​വി​നെ​യും വെ​ട്ടി. ഭാ​ര്യാ​പി​താ​വ് മ​രി​ച്ചു. നെ​ടു​ങ്ക​ണ്ട​ത്തി​ന​ടു​ത്ത് കൗ​ന്തി സ്വ​ദേ​ശി പു​തു​പ്പ​റ​മ്പി​ല്‍ ടോ​മി​യാ​ണ്​ (70) കൊ​ല്ല​പ്പെ​ട്ട​ത്. ഗു​രു​ത​ര പ​രി​ക്കേ​റ്റ ടോ​മി​യു​ടെ മ​ക​ള്‍ ടി​ന്‍റു ഇ​ടു​ക്കി മെ​ഡി​ക്ക​ല്‍ കോ​ള​ജ് ആ​ശു​പ​ത്രി​യി​ല്‍ ചി​കി​ത്സ​യി​ലാ​ണ്. ടി​ന്‍റു​വി​ന്‍റെ ഭ​ര്‍ത്താ​വ് മാ​വ​ടി സ്വ​ദേ​ശി പു​ത്ത​ന്‍പ​റ​മ്പി​ല്‍ ജോ​ബി​ന്‍ (38) പൊ​ലീ​സ് ക​സ്റ്റ​ഡി​യി​യി​ലാ​ണ്.

ബു​ധ​നാ​ഴ്ച രാ​ത്രി 12ഓ​ടെ​യാ​ണ് നാ​ടി​നെ ന​ടു​ക്കി​യ കൊ​ല​പാ​ത​കം. വീ​ട്ടി​ലെ​ത്തി​യ പ്ര​തി ജ​ന​ല്‍ ചി​ല്ലു​ക​ള്‍ അ​ടി​ച്ചു​ത​ക​ര്‍ത്ത് ഭീ​ക​രാ​ന്ത​രീ​ക്ഷം സൃ​ഷ്ടി​ച്ചു. മു​റ്റ​ത്തെ ഓ​ട്ടോ​യും അ​ടി​ച്ചു​ത​ക​ര്‍ത്തു. വീ​ടി​ന്‍റെ വാ​തി​ല്‍ ത​ക​ര്‍ത്ത്​ അ​ക​ത്തു​ക​യ​റി കി​ട​പ്പു​മു​റി​യി​ല്‍ എ​ത്തി കൈ​യി​ല്‍ ക​രു​തി​യ വാ​ക്ക​ത്തി ഉ​പ​യോ​ഗി​ച്ച് ടി​ന്‍റു​വി​നെ​യും ത​ട​സ്സം പി​ടി​ക്കാ​നെ​ത്തി​യ ടോ​മി​യെ​യും വെ​ട്ടു​ക​യാ​യി​രു​ന്നു.

12 വ​ർ​ഷം മു​മ്പ്​ വി​വാ​ഹി​ത​രാ​യ ടി​ന്‍റു​വും ജോ​ബി​നും ഒ​ന്ന​ര​വ​ര്‍ഷ​മാ​യി പി​ണ​ങ്ങി ക​ഴി​യു​ക​യാ​ണ്. വി​വാ​ഹ​മോ​ച​ന കേ​സ് കോ​ട​തി​യി​ലാ​ണ്. ജോ​ബി​നു​മാ​യി അ​ക​ന്ന ടി​ന്‍റു മ​റ്റൊ​രാ​ള്‍ക്കൊ​പ്പ​മാ​ണ് കൗ​ന്തി​യി​ലെ ടി​ന്റു​വി​ന്‍റെ വീ​ട്ടി​ൽ താ​മ​സി​ക്കു​ന്ന​ത്. സം​ഭ​വ​സ​മ​യം ഇ​യാ​ൾ ഇ​റ​ങ്ങി ഓ​ടി അ​യ​ല്‍വാ​സി​യു​ടെ വീ​ട്ടി​ൽ അ​ഭ​യം തേ​ടി. ടി​ന്‍റു​വി​ന്‍റെ മാ​താ​വും പ്ര​തി​യു​ടെ ര​ണ്ടു​മ​ക്ക​ളും വീ​ട്ടി​ലു​ണ്ടാ​യി​രു​ന്ന സ​മ​യ​ത്താ​ണ് കൊ​ല​പാ​ത​കം.