ഫ്ലാറ്റുടമകൾക്ക്​ പ്രത്യേക തണ്ടപ്പേർ; റവന്യൂ വകുപ്പിന്റെ ഉത്തരവ് ഉടൻ

തി​രു​വ​ന​ന്ത​പു​രം: സം​സ്ഥാ​ന​ത്തെ ര​ണ്ട്​ ല​ക്ഷ​ത്തോ​ളം വ​രു​ന്ന ഫ്ലാ​റ്റു​ക​ളി​ലെ ഓ​രോ ഉ​ട​മ​ക്കും പ്ര​ത്യേ​ക ത​ണ്ട​പ്പേ​ർ അ​നു​വ​ദി​ക്കാ​ൻ റ​വ​ന്യൂ വ​കു​പ്പ് പ​ദ്ധ​തി ത​യാ​റാ​ക്കി. ഫ്ലാ​റ്റു​ട​മ​ക്ക്​ മാ​തൃ ത​ണ്ട​പ്പേ​ർ ഉ​ൾ​പ്പെ​ടു​ത്തി പ്ര​ത്യേ​കം സ​ബ് ന​മ്പ​ർ അ​നു​വ​ദി​ക്കും. അ​തി​ൽ പോ​ക്കു​വ​ര​വ് ന​ട​ത്തി ഭൂ​മി​യു​ടെ ക​രം അ​ട​യ്​​ക്കാം.

നി​ല​വി​ൽ ഓ​രോ സ​മു​ച്ച​യ​വും നി​ല​നി​ൽ​ക്കു​ന്ന ആ​കെ ഭൂ​മി ഒ​റ്റ ത​ണ്ട​പ്പേ​രാ​യി ക​ണ​ക്കാ​ക്കി​യാ​ണ് പോ​ക്കു​വ​ര​വ് ന​ട​ത്തു​ന്ന​ത്. ഇ​തു​കാ​ര​ണം ഫ്ലാ​റ്റു​ട​മ​ക​ൾ​ക്ക് സ്വ​ന്തം പേ​രി​ൽ ഭൂ​മി​യു​ടെ ക​രം അ​ട​യ്ക്കാ​ൻ ക​ഴി​ഞ്ഞി​രു​ന്നി​ല്ല.

ത​ണ്ട​പ്പേ​ർ വി​വ​ര​ങ്ങ​ൾ ഓ​ൺ​ലൈ​നാ​യി സൂ​ക്ഷി​ച്ചി​ട്ടു​ള്ള റെ​ലി​സ് പോ​ർ​ട്ട​ലി​ൽ ഇ​തി​നാ​യി മാ​റ്റം​വ​രു​ത്തും. ഫ്ലാ​റ്റു​ട​മ​യു​ടെ പേ​രി​ൽ ഭൂ​മി​യു​ടെ കൈ​വ​ശാ​വ​കാ​ശ സ​ർ​ട്ടി​ഫി​ക്ക​റ്റ് വി​ല്ലേ​ജ് ഓ​ഫി​സ​ർ​ക്ക്​ അ​നു​വ​ദി​ക്കാ​നാ​കും. ഇ​തി​നാ​യി ഓ​ൺ​ലൈ​ൻ മൊ​ഡ്യൂ​ളാ​യ ഇ- ​ഡി​സ്ട്രി​ക്ടി​ലും മാ​റ്റ​ങ്ങ​ൾ വ​രു​ത്തും.

ഫ്ലാ​റ്റു​ക​ൾ പ​ണ​യ​പ്പെ​ടു​ത്തി വാ​യ്പ​യെ​ടു​ക്കാ​നും ജ​പ്തി നേ​രി​ടു​ന്ന ഫ്ലാ​റ്റു​ക​ൾ വി​ൽ​ക്കാ​നു​മു​ള്ള ത​ട​സ്സ​ങ്ങ​ൾ ഇ​തോ​ടെ ഒ​ഴി​വാ​കു​മെ​ന്നാ​ണ്​ പ്ര​തീ​ക്ഷ. ഇ​തു​സം​ബ​ന്ധി​ച്ച് ലാ​ൻ​ഡ് റ​വ​ന്യൂ ക​മീ​ഷ​ണ​ർ ന​ൽ​കി​യ ശി​പാ​ർ​ശ പ​രി​ഗ​ണി​ച്ച് റ​വ​ന്യൂ വ​കു​പ്പി​ന്റെ ഉ​ത്ത​ര​വ് താ​മ​സി​യാ​തെ പു​റ​ത്തി​റ​ങ്ങും.