ഇ​ട​മ​ല​ക്കു​ടി​യി​ലെ​ വി​ദ്യാ​ർ​ഥി​ക​ൾ ചോദിക്കുന്നു; എ​ങ്ങ​നെ സ്കൂ​ളി​ലെ​ത്തും​?

തൊ​ടു​പു​ഴ: ന​വാ​ഗ​ത​രാ​യ കു​ട്ടി​ക​ളെ സ്വീ​ക​രി​ക്കാ​ൻ ഒ​രു​ങ്ങി​നി​ൽ​ക്കു​ക​യാ​ണ്​​ സ്കൂ​ളു​ക​ൾ. കു​ട്ടി​ക​ളെ സ്കൂ​ളി​ല​യ​ക്കാ​നു​ള്ള അ​വ​സാ​ന​വ​ട്ട ഒ​രു​ക്ക​ത്തി​ലാ​ണ്​ ര​ക്ഷി​താ​ക്ക​ളും. എ​ന്നാ​ൽ, സം​സ്ഥാ​ന​ത്തെ ഏ​ക ഗോ​ത്ര​വ​ർ​ഗ പ​ഞ്ചാ​യ​ത്താ​യ ഇ​ട​മ​ല​ക്കു​ടി ട്രൈ​ബ​ൽ സ്കൂ​ളും ഇ​വി​ടെ പ​ഠി​ക്കു​ന്ന കു​ട്ടി​ക​​ളും അ​വ​രു​ടെ ര​ക്ഷി​താ​ക്ക​ളും ഇ​തി​ൽ​നി​ന്നെ​ല്ലാം ഭി​ന്ന​രാ​ണ്​. കാ​ട്ടാ​ന​ക​ള​ട​ക്കം വ​ന്യ മൃ​ഗ​ങ്ങ​ളെ​യും പ്ര​തി​കൂ​ല കാ​ലാ​വ​സ്ഥ​യെ​യും മ​റി​ക​ട​ന്ന്​ എ​ങ്ങ​നെ സ്കൂ​ളി​ലെ​ത്തും എ​ന്ന​താ​ണ്​​ ഇ​വ​രു​ടെ മു​ന്നി​ലെ വെ​ല്ലു​വി​ളി​.

പ​ഞ്ചാ​യ​ത്ത്​ ആ​സ്ഥാ​ന​മാ​യ സൊ​സൈ​റ്റി​ക്കു​ടി​യി​ലാ​ണ്​​ സ്കൂ​ൾ പ്ര​വ​ർ​ത്തി​ക്കു​ന്ന​ത്. കി​ലോ​മീ​റ്റ​റു​ക​ൾ ദൂ​ര​ത്തു​ള്ള മ​റ്റ്​ സെ​റ്റി​ൽ​മെ​ന്‍റു​ക​ളി​ൽ​നി​ന്ന്​ കു​ട്ടി​ക​ൾ ന​ട​ന്നാ​ണ്​ സ്കൂ​ളി​ലെ​ത്തു​ന്ന​ത്. വ​ന​മേ​ഖ​ല​യി​ൽ മ​ഴ ശ​ക്ത​മാ​യ​തോ​ടെ മ​ല​യി​ൽ​നി​ന്നും മ​റ്റും വെ​ള്ളം എ​ത്തി ​പു​ഴ​ക​ളും തോ​ടു​ക​ളു​​മ​ട​ക്കം നി​റ​​ഞ്ഞൊ​ഴു​കു​ക​യാ​ണ്.

ഒ​രാ​ഴ്ച​യാ​യി തു​ട​രു​ന്ന ക​ന​ത്ത മ​ഴ​യെ​ത്തു​ട​ർ​ന്ന്​ പു​ഴ​ക​ൾ ക​ര​ക​വി​ഞ്ഞ​തോ​ടെ മീ​ൻ കൊ​ത്തി, നെ​ന്മ​ണ​ൽ, മു​ള​കു​ത​റ, കീ​ഴ്പ​ത്തം, നൂ​റ​ടി, പ​ര​പ്പ​യാ​ർ സെ​റ്റി​ൽ​മെ​ന്റു​ക​ൾ ഒ​റ്റ​പ്പെ​ട്ട നി​ല​യി​ലാ​ണ്. മ​ണ​ലി​യാ​ർ, പ​ര​പ്പ​യാ​ർ പു​ഴ എ​ന്നി​വ ക​ര​ക​വി​ഞ്ഞൊ​ഴു​കു​ന്ന​തി​നാ​ൽ പ​ഞ്ചാ​യ​ത്ത് ആ​സ്ഥാ​ന​മാ​യ സൊ​സൈ​റ്റി​ക്കു​ടി​യി​ലെ​ത്താ​നും ക​ഴി​യാ​ത്ത സ്ഥി​തി.

ഒ​ന്നാം ക്ലാ​സി​ലേ​ക്ക്​ 15 കു​ട്ടി​ക​ൾ

ഈ ​വ​ർ​ഷം ഇ​തു​വ​രെ ഒ​ന്നാം​ക്ലാ​സി​ൽ 15 കു​ട്ടി​ക​ൾ മാ​ത്ര​മാ​ണ്​ സ്കൂ​ളി​ൽ പു​തു​താ​യി ചേ​ർ​ന്ന​ത്. ഏ​പ്രി​ൽ ആ​ദ്യം മു​ത​ൽ പ്ര​വേ​ശ​ന ന​ട​പ​ടി​ക​ൾ ആ​രം​ഭി​ച്ചി​രു​ന്നു​. കു​ട്ടി​ക​ളു​ടെ വ​ര​വ്​ കു​റ​ഞ്ഞ​തോ​ടെ​ പ്ര​ധാ​നാ​ധ്യാ​പ​ക​ൻ സ​തീ​ഷ്​ വ​ർ​ക്കി​യു​ടെ നേ​തൃ​ത്വ​ത്തി​ൽ കു​ടി​ക​ളി​ൽ നേ​രി​ട്ടെ​ത്തി സ്​​കൂ​ൾ പ്ര​വേ​ശ​ന​ത്തി​നു​ള്ള ന​ട​പ​ടി​ക​ൾ പൂ​ർ​ത്തി​യാ​ക്കു​ക​യാ​യി​രു​ന്നു. കാ​ട്ടാ​ന​ക​ൾ, കാ​ട്ടു​പോ​ത്ത്, ക​ടു​വ, പു​ലി എ​ന്നി​വ​യു​ടെ സാ​ന്നി​ധ്യം പ​തി​വാ​യ​തി​നാ​ൽ കു​ട്ടി​ക​ളെ സ്കൂ​ളി​ൽ വി​ടാ​ൻ പ​ല​രും മ​ടി​കാ​ണി​ക്കു​ന്നു.

ര​ണ്ടു​വ​ർ​ഷം മു​മ്പു​വ​രെ നൂ​റി​ല​ധി​കം കു​ട്ടി​ക​ളാ​ണ്​ ഇ​വി​ടെ പ​ഠി​ച്ചി​രു​ന്ന​ത്. ക​ഴി​ഞ്ഞ അ​ധ്യ​യ​ന വ​ർ​ഷാ​രം​ഭ​ത്തി​ൽ 75 കു​ട്ടി​ക​ൾ ഉ​ണ്ടാ​യി​രു​ന്നു. ഇ​തി​ൽ വി​ദൂ​ര കു​ടി​ക​ളി​ൽ​നി​ന്നു​ള്ള കു​ട്ടി​ക​ൾ ഹോ​സ്​​റ്റ​ൽ കെ​ട്ടി​ടം കാ​ട്ടാ​ന ത​ക​ർ​ത്ത​തോ​ടെ വീ​ട്ടി​ലേ​ക്ക്​ മ​ട​ങ്ങി​യി​രു​ന്നു. 53 കു​ട്ടി​ക​ൾ മാ​ത്ര​മാ​ണ്​ പി​ന്നീ​ട്​ ക്ലാ​സു​ക​ളി​ലേ​ക്കെ​ത്തി​യി​രു​ന്ന​ത്. സ്ഥി​ര അ​ധ്യാ​പ​ക​രി​ല്ലാ​ത്ത​തും സ്​​കൂ​ളി​ന്‍റെ പ്ര​വ​ർ​ത്ത​ന​ത്തെ ബാ​ധി​ക്കു​ന്നു​ണ്ട്. പ്ര​ധാ​നാ​ധ്യാ​പ​ക​ന​ട​ക്കം അ​ഞ്ച്​ അ​ധ്യാ​പ​ക ത​സ്തി​ക​ക​ളാ​ണു​ള്ള​ത്. നി​ല​വി​ൽ പ്ര​ധാ​നാ​ധ്യാ​പ​ക​ൻ മാ​ത്ര​മാ​ണ്​ ജോ​ലി ചെ​യ്യു​ന്ന​ത്.