ഹൈകോടതിയിൽ നിരീക്ഷണ കാമറ: കരാറിൽ ക്രമക്കേട്​; ടെൻഡർ റദ്ദാക്കി

തി​രു​വ​ന​ന്ത​പു​രം: ഹൈ​കോ​ട​തി​യി​ൽ നി​രീ​ക്ഷ​ണ കാ​മ​റ സ്ഥാ​പി​ക്കാ​ൻ പൊ​തു​മ​രാ​മ​ത്ത്​ വ​കു​പ്പ് വി​ളി​ച്ച ടെ​ൻ​ഡ​റി​ൽ വ​ൻ ക്ര​മ​ക്കേ​ട്. മാ​ന​ദ​ണ്ഡ​ങ്ങ​ൾ പാ​ലി​ക്കാ​തെ ഇ​ല​ക്ട്രോ​ണി​ക്സ് ഡി​വി​ഷ​ൻ എ​ക്സി​ക്യൂ​ട്ടി​വ് എ​ൻ​ജി​നീ​യ​ർ ന​ൽ​കി​യ ടെ​ൻ​ഡ​ർ റ​ദ്ദാ​ക്കി.

ഒ​രു കോ​ടി​യി​ല​ധി​കം രൂ​പ​യു​ടെ ടെ​ൻ​ഡ​ർ വി​ളി​ക്കാ​ൻ അ​നു​മ​തി​യി​ല്ലാ​ത്ത എ​ക്സി​ക്യൂ​ട്ടി​വ് എ​ൻ​ജി​നീ​യ​ർ 5.75 കോ​ടി രൂ​പ​യു​ടെ ടെ​ൻ​ഡ​ർ വി​ളി​ക്കു​ക​യും യോ​ഗ്യ​ത​യി​ല്ലാ​ത്ത ക​മ്പ​നി​യെ ഏ​ൽ​പി​ക്കു​ക​യും ചെ​യ്ത​താ​യി ചീ​ഫ് എ​ൻ​ജി​നീ​യ​ർ അ​ധ്യ​ക്ഷ​യാ​യ ക​മ്മി​റ്റി ക​ണ്ടെ​ത്തി.

വ​കു​പ്പു​ത​ല പ​രി​ശോ​ധ​ന ന​ട​ത്തി റി​പ്പോ​ർ​ട്ട് ന​ൽ​കാ​ൻ മ​ന്ത്രി പി.​എ. മു​ഹ​മ്മ​ദ് റി​യാ​സ് ആ​വ​ശ്യ​പ്പെ​ട്ടു.

ഹൈ​കോ​ട​തി​യി​ൽ സി.​സി.​ടി.​വി സ്ഥാ​പി​ക്കാ​ൻ ഒ​ക്ടോ​ബ​റി​ലാ​ണ്​ തൃ​ശൂ​രി​ലെ ഇ​ല​ക്ട്രോ​ണി​ക്സ് ഡി​വി​ഷ​ൻ എ​ക്സി​ക്യൂ​ട്ടി​വ് എ​ൻ​ജി​നീ​യ​ർ ടെ​ൻ​ഡ​ർ വി​ളി​ച്ച​ത്. ഒ​രു കോ​ടി രൂ​പ​യി​ല​ധി​ക​മു​ള്ള ടെ​ൻ​ഡ​ർ വി​ളി​ക്കാ​ൻ ഇ.​ഇ​ക്ക് അ​ധി​കാ​ര​മി​ല്ല. ചീ​ഫ് എ​ൻ​ജി​നീ​യ​ർ​ക്കാ​ണ് ഇ​തി​ന്​ അ​ധി​കാ​രം. കെ​ൽ​ട്രോ​ൺ ഉ​ൾ​പ്പെ​ടെ പൊ​തു​മേ​ഖ​ലാ​സ്ഥാ​പ​ന​ങ്ങ​ളെ ത​ഴ​ഞ്ഞാ​ണ്​ സ്വ​കാ​ര്യ ക​മ്പ​നി​ക്ക്​ ക​രാ​ർ ന​ൽ​കി​യ​ത്.

അ​ഞ്ച്​ കോ​ടി​ക്ക്​ മു​ക​ളി​ലു​ള്ള ടെ​ൻ​ഡ​റി​ൽ പ​ങ്കെ​ടു​ക്കു​ന്ന ക​മ്പ​നി, മു​മ്പ്​ ഇ​ത്ത​രം പ്ര​വൃ​ത്തി ന​ട​പ്പാ​ക്കി​യ​തി​ന്‍റെ പ്രീ ​ക്വാ​ളി​ഫി​ക്കേ​ഷ​ൻ രേ​ഖ ഹാ​ജ​രാ​ക്ക​ണ​മെ​ന്ന വ്യ​വ​സ്ഥ​യും പാ​ലി​ച്ചി​രു​ന്നി​ല്ല. എ ​ക്ലാ​സ് ലൈ​സ​ൻ​സു​ള്ള പൊ​തു​മ​രാ​മ​ത്ത്​ ക​രാ​റു​കാ​ര​നാ​ക​ണം എ​ന്ന വ്യ​വ​സ്ഥ​യും ലം​ഘി​ച്ചു. ലൈ​സ​ൻ​സ് രേ​ഖ​ക​ളും ക​മ്പ​നി ഹാ​ജ​രാ​ക്കി​യി​രു​ന്നി​ല്ല. മ​രാ​മ​ത്ത്​ വ​കു​പ്പി​ലെ ഇ​ല​ക്ട്രോ​ണി​ക്സ് ക​രാ​റു​ക​ൾ അ​ധി​ക​വും നേ​ടി​യി​രു​ന്ന​ത് ഈ ​ക​മ്പ​നി​യാ​ണെ​ന്നാ​ണ്​ വി​വ​രം.

ര​ണ്ടാ​ഴ്ച മു​മ്പ്​​ കെ​ട്ടി​ട​വി​ഭാ​ഗം ചീ​ഫ് എ​ൻ​ജി​നീ​യ​റു​ടെ അ​ധ്യ​ക്ഷ​ത​യി​ൽ ചേ​ർ​ന്ന യോ​ഗ​മാ​ണ്​ ടെ​ൻ‍‍ഡ​ർ റ​ദ്ദാ​ക്കി​യ​ത്. അ​ന​ധി​കൃ​ത​മാ​യി ക​രാ​ർ ന​ൽ​കി​യ എ​ക്സി​ക്യൂ​ട്ടി​വ് എ​ൻ​ജി​നീ​യ​റോ​ട്​ വി​ശ​ദീ​ക​ര​ണ​വും തേ​ടി. വ​കു​പ്പു​ത​ല​ത്തി​ൽ അ​ന്വേ​ഷി​ച്ച്​ റി​പ്പോ​ർ​ട്ട് ന​ൽ​കാ​ൻ ആ​വ​ശ്യ​പ്പെ​ട്ടി​ട്ടു​ണ്ട്.