സസ്​പെൻഷനിലായ എ.സി.പി തൃശൂരിലും വിവാദ നായകൻ

തൃ​ശൂ​ർ: ജ​പ്തി ന​ട​പ​ടി ഒ​ഴി​വാ​ക്കി​ന​ൽ​കാ​മെ​ന്നു​ പ​റ​ഞ്ഞ്​ ജ്വ​ല്ല​റി ഉ​ട​മ​യി​ൽ​നി​ന്ന്​ 2.51 കോ​ടി രൂ​പ ത​ട്ടി​യെ​ടു​ത്തെ​ന്ന പ​രാ​തി​യി​ൽ സ​സ്​​പെ​ൻ​ഷ​നി​ലാ​യ അ​സി. പൊ​ലീ​സ്​ ക​മീ​ഷ​ണ​ർ (എ.​സി.​പി) തൃ​ശൂ​രി​ൽ ​ജോ​ലി ചെ​യ്യു​​മ്പോ​ഴും വി​വാ​ദ​ങ്ങ​ളി​ൽ നി​റ​ഞ്ഞു​നി​ന്ന​യാ​ൾ. ല​ക്ഷ​ങ്ങ​ളു​ടെ ത​ട്ടി​പ്പ് കേ​സു​ക​ളി​ൽ ​പ്ര​തി​യാ​യ സ്ത്രീ ​ഒ​ളി​വി​ലാ​യി​രി​ക്കെ വി​വാ​ഹം ക​ഴി​ച്ചു​വെ​ന്നും അ​വ​രു​ടെ അ​റ​സ്റ്റ്​ ത​ട​ഞ്ഞു​വെ​ന്നു​മു​ള്ള​തും​ അ​ട​ക്കം ആ​രോ​പ​ണ​ങ്ങ​ളാ​ണ്​ കോ​ഴി​ക്കോ​ട്​ നോ​ർ​ത്ത്​ ട്രാ​ഫി​ക്​ എ.​സി.​പി​യാ​യ തൃ​ശൂ​ർ പേ​രി​ൽ​ച്ചേ​രി കൊ​പ്പു​ള്ളി​ൽ ഹൗ​സി​ൽ സു​രേ​ഷ് ബാ​ബു​വി​നെ​തി​രെ ഉ​ണ്ടാ​യി​രു​ന്ന​ത്. കൊ​ല്ല​ത്തെ കേ​സി​ൽ ഭാ​ര്യ വി.​പി. നു​സ്​​റ​ത്ത്​ (മാ​ന​സ), ഡോ. ​ബാ​ല​ച​ന്ദ്ര​ക്കു​റു​പ്പ്​ എ​ന്നി​വ​രും പ്ര​തി​ക​ളാ​ണ്.

തൃ​ശൂ​രി​ൽ വി​ജി​ല​ൻ​സ്​ ഡി​​വൈ.​എ​സ്.​പി​യാ​യി ജോ​ലി ചെ​യ്യു​ന്ന​തി​നി​ടെ​യാ​ണ്​ സു​രേ​ഷ്​ ബാ​ബു വി.​പി. നു​സ്​​റ​ത്തി​നെ​ വി​വാ​ഹം ക​ഴി​ച്ച​തെ​ന്ന്​ പ​റ​യു​ന്നു. നി​ര​വ​ധി പേ​രെ വ​ഞ്ചി​ച്ച കേ​സു​ക​ളി​ൽ നു​സ്​​റ​ത്ത്​ പി​ടി​കി​ട്ടാ​പ്പു​ള്ളി​യാ​യി തു​ട​രു​ന്ന​തി​നി​ടെ​യാ​ണ്​ ഇ​രു​വ​രും വി​വാ​ഹം ക​ഴി​ച്ച​തെ​ന്ന​ത്​ പൊ​ലീ​സി​നു​ള്ളി​ൽ​ത​ന്നെ വി​വാ​ദ​മാ​യി​രു​ന്നു. ഹൈ​കോ​ട​തി നി​ർ​ദേ​ശി​ച്ചി​ട്ടു​പോ​ലും നു​സ്​​റ​ത്തി​ന്‍റെ അ​റ​സ്റ്റ്​ സു​രേ​ഷ്​​ബാ​ബു സ്വാ​ധീ​നം ഉ​പ​യോ​ഗി​ച്ച്​ മാ​സ​ങ്ങ​ളോ​ളം ​വൈ​കി​പ്പി​ച്ചു​വെ​ന്നും ആ​ക്ഷേ​പം ഉ​യ​ർ​ന്നി​രു​ന്നു. ഒ​ടു​വി​ൽ 2023 മേ​യ്​ 29ന്​ ​ചേ​ർ​പ്പി​ലെ വീ​ട്ടി​ൽ​നി​ന്ന്​ മ​ല​പ്പു​റം പൊ​ലീ​സാ​ണ്​ നു​സ്​​റ​ത്തി​നെ അ​റ​സ്റ്റ്​ ചെ​യ്​​ത​ത്.

കു​ടും​ബ​ക്ഷേ​ത്രം പു​ന​രു​ദ്ധാ​ര​ണ​ത്തി​ന്​ ട്ര​സ്റ്റ്​ രൂ​പ​വ​ത്​​ക​രി​ക്ക​ൽ, റെ​യി​ൽ​വേ​യി​ൽ ജോ​ലി വാ​ഗ്ദാ​നം, റി​യ​ൽ എ​സ്​​റ്റേ​റ്റ്​ ത​ർ​ക്ക​ങ്ങ​ളി​ൽ ഇ​ട​നി​ല നി​ൽ​ക്ക​ൽ തു​ട​ങ്ങി​യ​വ ന​ട​ത്തി പ​ല​രി​ൽ​നി​ന്നാ​യി നു​സ്​​റ​ത്ത്​ ല​ക്ഷ​ങ്ങ​ളാ​ണ്​ ത​ട്ടി​ച്ച​ത്. 15ല​ധി​കം കേ​സു​ക​ളാ​ണ്​ ഇ​വ​ർ​ക്കെ​തി​രെ​യു​ണ്ടാ​യി​രു​ന്ന​ത്. വി​വി​ധ ജി​ല്ല​ക​ളി​ൽ ഫ്ലാ​റ്റു​ക​ൾ വാ​ട​ക​ക്കെ​ടു​ത്ത്​ അ​ഭി​ഭാ​ഷ​ക​യെ​ന്ന ബോ​ർ​ഡ് സ്ഥാ​പി​ച്ചും ത​ട്ടി​പ്പ് ന​ട​ത്തി​യി​രു​ന്നു. പൊ​ലീ​സി​ലു​ള്ള സ്വാ​ധീ​ന​മാ​ണ്​ നു​സ്​​റ​ത്തി​ന്​ ഇ​ത്ത​രം ത​ട്ടി​പ്പു​ക​ളി​ൽ സം​ര​ക്ഷ​ണം ന​ൽ​കി​യ​തെ​ന്ന ആ​ക്ഷേ​പ​വു​മു​ണ്ട്.

നു​സ്​​റ​ത്ത്​ മു​മ്പ്​ ന​ട​ത്തി​യ​തി​ന്​ സ​മാ​ന ത​ട്ടി​പ്പി​നാ​ണ്​ കൊ​ല്ലം സ്വ​ദേ​ശി​യാ​യ ജ്വ​ല്ല​റി ഉ​ട​മ​യും ഇ​ര​യാ​യ​ത്. ബാ​ങ്കി​ൽ​നി​ന്ന്​ 50 കോ​ടി​യോ​ളം രൂ​പ ഓ​വ​ർ​ഡ്രാ​ഫ്​​റ്റ്​ മൂ​ലം ക​ട​ക്കെ​ണി​യി​ലാ​യ ജ്വ​ല്ല​റി ഉ​ട​മ​യെ ജ​പ്തി ഒ​ഴി​വാ​ക്കാ​മെ​ന്നും ബാ​ധ്യ​ത പ​കു​തി​യാ​ക്കി കു​റ​ക്കാ​​മെ​ന്നും പ​റ​ഞ്ഞാ​ണ്​ സു​രേ​ഷ്​ ബാ​ബു​വും നു​സ്​​റ​ത്തും ചേ​ർ​ന്ന്​ വ​ഞ്ചി​ച്ച​ത്. 2.51 കോ​ടി രൂ​പ നു​സ്​​റ​ത്തി​ന്‍റെ അ​ക്കൗ​ണ്ടി​ലേ​ക്കാ​ണ്​ വാ​ങ്ങി​യ​​ത്. പ​ണം തി​രി​കെ ആ​വ​ശ്യ​​പ്പെ​ട്ട​പ്പോ​ൾ കേ​സി​ൽ കു​ടു​ക്കി​യെ​ന്ന ആ​ക്ഷേ​പ​വു​മു​ണ്ട്.