അതിരൂപത തർക്കത്തിന്​ താൽക്കാലിക പരിഹാരം

കൊ​ച്ചി: എ​റ​ണാ​കു​ളം അ​ങ്ക​മാ​ലി അ​തി​രൂ​പ​ത ആ​സ്ഥാ​ന​ത്ത് ക​ഴി​ഞ്ഞ ദി​വ​സ​ങ്ങ​ളി​ലു​ണ്ടാ​യ സം​ഘ​ർ​ഷ​ത്തി​ന്​ താ​ൽ​ക്കാ​ലി​ക പ​രി​ഹാ​രം. പു​തു​താ​യി ചു​മ​ത​ല​യേ​റ്റ എ​റ​ണാ​കു​ളം ആ​ർ​ച്ച് ബി​ഷ​പ്പി​ന്‍റെ വി​കാ​രി മാ​ർ ജോ​സ​ഫ് പാം​പ്ലാ​നി​യും പ്രാ​ർ​ഥ​ന​യ​ജ്ഞ​ത്തി​നി​ടെ ബ​ലം​പ്ര​യോ​ഗി​ച്ച് നീ​ക്കി​യ 21 വൈ​ദി​ക​രും ത​മ്മി​ൽ ന​ട​ത്തി​യ ച​ർ​ച്ച​ക്കൊ​ടു​വി​ലാ​ണ് സ​മ​വാ​യ​മു​ണ്ടാ​യ​ത്. വൈ​ദി​ക​ർ ന​ട​ത്തി​വ​ന്ന സ​ത്യ​ഗ്ര​ഹ സ​മ​ര​വും പി​ൻ​വ​ലി​ക്കാ​ൻ ധാ​ര​ണ​യാ​യി. ഏ​റെ​ക്കാ​ല​മാ​യി ത​ല​വേ​ദ​ന​യു​ണ്ടാ​ക്കു​ന്ന കു​ർ​ബാ​ന​ത​ർ​ക്കം പ​രി​ഹ​രി​ക്കു​ന്ന​തി​ലേ​ക്കു​ള്ള ച​വി​ട്ടു​പ​ടി​യാ​ണി​തെ​ന്നും സൂ​ച​ന​യു​ണ്ട്. ഒ​രു​മാ​സ​ത്തി​ന​കം മു​ഴു​വ​ൻ കാ​നോ​നി​ക സ​മി​തി​ക​ളും കൂ​രി​യ​യും പു​നഃ​സം​ഘ​ടി​പ്പി​ക്കു​മെ​ന്ന്​ മാ​ർ പാം​പ്ലാ​നി ഉ​റ​പ്പു​ന​ൽ​കി. വൈ​ദി​ക​ർ​ക്കെ​തി​രാ​യ ശി​ക്ഷാ​ന​ട​പ​ടി​ക​ളു​മാ​യി ബ​ന്ധ​പ്പെ​ട്ട കാ​ര്യ​ങ്ങ​ളി​ൽ പ​ഠി​ച്ച​ശേ​ഷം തീ​രു​മാ​ന​മു​ണ്ടാ​കു​മെ​ന്നും അ​ദ്ദേ​ഹം പ​റ​ഞ്ഞു.

ഞാ​യ​റാ​ഴ്ച അ​ർ​ധ​രാ​ത്രി​യാ​ണ് പാം​പ്ലാ​നി​യും 21 വൈ​ദി​ക​രും ത​മ്മി​ൽ പ്ര​ശ്ന​പ​രി​ഹാ​ര ച​ർ​ച്ച ന​ട​ന്ന​ത്. ഇ​തി​നു തൊ​ട്ടു​മു​മ്പ് അ​തി​രൂ​പ​ത​യി​ലെ ഇ​രു​വി​ഭാ​ഗ​ങ്ങ​ളു​മാ​യി എ​റ​ണാ​കു​ളം ജി​ല്ല ക​ല​ക്ട​ർ ച​ർ​ച്ച ന​ട​ത്തി​യി​രു​ന്നു. അ​തി​നി​ടെ ക​ല​ക്ട​ർ ഫോ​ണി​ൽ ബ​ന്ധ​പ്പെ​ട്ട് പാം​പ്ലാ​നി​യോ​ട് സ്ഥി​തി​ഗ​തി​ക​ൾ വ്യ​ക്ത​മാ​ക്കി. ത​ല​ശ്ശേ​രി​യി​ലേ​ക്ക് ചി​കി​ത്സ​ക്ക്​ പോ​വു​ക​യാ​യി​രു​ന്ന പാം​പ്ലാ​നി ഇ​തേ​തു​ട​ർ​ന്ന്​ കൊ​ച്ചി ബി​ഷ​പ് ഹൗ​സി​ൽ തി​രി​ച്ചെ​ത്തി, രാ​ത്രി പ​ത്ത​ര​ക്കു​ശേ​ഷം ച​ർ​ച്ച പു​ന​രാ​രം​ഭി​ക്കു​ക​യാ​യി​രു​ന്നു. ര​ണ്ട​ര മ​ണി​ക്കൂ​ർ നീ​ണ്ട ച​ർ​ച്ച​ക്കൊ​ടു​വി​ൽ പാം​പ്ലാ​നി വി​ട്ടു​വീ​ഴ്ച​ക​ൾ​ക്ക്​ ത​യാ​റാ​യെ​ന്നാ​ണ്​ വി​വ​രം. തു​ട​ർ​ന്ന്, ചി​ല വൈ​ദി​ക​ർ സ​മ​രം അ​വ​സാ​നി​പ്പി​ച്ച്​ മ​ട​ങ്ങി. ബാ​ക്കി​യു​ള്ള​വ​ർ രാ​വി​ലെ​യും മ​ട​ങ്ങി. ജ​നു​വ​രി 20 മു​ത​ൽ ച​ർ​ച്ച തു​ട​രും. അ​തി​നു​ള്ളി​ൽ ബി​ഷ​പ് ഹൗ​സി​ൽ​നി​ന്ന് പൊ​ലീ​സി​നെ പൂ​ർ​ണ​മാ​യും ഒ​ഴി​വാ​ക്കാ​നും തീ​രു​മാ​നി​ച്ചു. ഈ ​ധാ​ര​ണ​ക​ൾ മാ​ർ ജോ​സ​ഫ് പാം​പ്ലാ​നി​യും സ​ത്യ​ഗ്ര​ഹം അ​നു​ഷ്ഠി​ച്ചി​രു​ന്ന 21 വൈ​ദി​ക​രും എ​ഴു​തി പ​ര​സ്പ​രം ഒ​പ്പി​ട്ട് കൈ​മാ​റു​ക​യും ചെ​യ്തു.