നവകേരള സദസ്സിന്​ മുമ്പ്​ മന്ത്രിസ്ഥാനം വേണമെന്ന്​ കേരള കോൺഗ്രസ്​ ബി; ശേഷമേയുള്ളൂവെന്ന്​ സി.പി.എമ്മും

കോ​ട്ട​യം: പി​ണ​റാ​യി മ​ന്ത്രി​സ​ഭ​യു​ടെ പു​നഃ​സം​ഘ​ട​ന വേ​ഗ​ത്തി​ൽ വേ​ണ​മെ​ന്ന ആ​വ​ശ്യ​വു​മാ​യി കേ​ര​ള കോ​ൺ​ഗ്ര​സ് ബി. ​എ​ന്നാ​ൽ, ന​വ​കേ​ര​ള സ​ദ​സ്സി​ന്​ ശേ​ഷം അ​ത്​ മ​തി​യെ​ന്ന നി​ല​പാ​ടി​ൽ സി.​പി.​എ​മ്മും. ഈ​മാ​സം ആ​രം​ഭി​ക്കു​ന്ന ‘ന​വ​കേ​ര​ള സ​ദ​സ്സി​ന്’ മു​മ്പ്​ പു​നഃ​സം​ഘ​ട​ന വേ​ണ​മെ​ന്ന ആ​വ​ശ്യ​മാ​ണ്​ കേ​ര​ള കോ​ൺ​ഗ്ര​സ്​ ബി​യു​ടേ​ത്. ഈ ​ആ​വ​ശ്യം ഉ​ന്ന​യി​ച്ച്​ പാ​ർ​ട്ടി ജ​ന​റ​ൽ സെ​ക്ര​ട്ട​റി വേ​ണു​ഗോ​പാ​ല​ൻ നാ​യ​ർ എ​ൽ.​ഡി.​എ​ഫ്​ നേ​തൃ​ത്വ​ത്തി​ന്​ ക​ത്തും ന​ൽ​കി. മു​ന്ന​ണി​യി​ലെ മു​ൻ ധാ​ര​ണ പ്ര​കാ​രം ഈ​മാ​സം​ത​ന്നെ പാ​ർ​ട്ടി​യു​ടെ ഏ​ക എം.​എ​ൽ.​എ കെ.​ബി. ഗ​ണേ​ഷ്​​കു​മാ​റി​ന്​ മ​ന്ത്രി​സ്ഥാ​നം കി​ട്ടു​മെ​ന്ന പ്ര​തീ​ക്ഷ​യും കേ​ര​ള കോ​ൺ​ഗ്ര​സ് ബി​ക്കു​ണ്ട്.

കെ.​ബി. ഗ​ണേ​ഷ്​​കു​മാ​റി​ന്​ മ​ന്ത്രി​സ്ഥാ​നം ല​ഭി​ക്കു​മെ​ന്ന നി​ല​യി​ലാ​ണ്​ എ​ൽ.​ഡി.​എ​ഫ്​ ക​ൺ​വീ​ന​ർ ഇ.​പി. ജ​യ​രാ​ജ​ന്‍റെ പ്ര​തി​ക​ര​ണ​വും. എ​ന്നാ​ൽ, എ​ന്ന്​ പു​നഃ​സം​ഘ​ട​ന എ​ന്ന കാ​ര്യ​ത്തി​ൽ മു​ന്ന​ണി വ്യ​ക്ത​ത വ​രു​ത്തി​യി​ട്ടി​ല്ല. ന​വം​ബ​ർ 18നാ​ണ്​ മു​ഖ്യ​മ​ന്ത്രി​യും മ​ന്ത്രി​മാ​രും പ​​ങ്കെ​ടു​ക്കു​ന്ന ജി​ല്ല സ​ന്ദ​ർ​ശ​ന പ​രി​പാ​ടി​ക​ൾ​ക്ക്​ കാ​സ​ർ​കോ​ട്ടു​നി​ന്ന്​ തു​ട​ക്ക​മാ​കു​ന്ന​ത്. അ​തി​ന്​ മു​മ്പ്​ പു​നഃ​സം​ഘ​ട​ന എ​ന്ന ആ​വ​ശ്യം ന​ട​പ്പാ​ക്കു​ന്ന​തി​നോ​ട്​ സി.​പി.​എ​മ്മി​ന്​ താ​ൽ​പ​ര്യ​മി​ല്ല. ന​വ​കേ​ര​ള സ​ദ​സ്സി​ന്​ മു​മ്പ്​ മ​ന്ത്രി​മാ​രെ മാ​റ്റു​ന്ന​ത്​ തെ​റ്റാ​യ സ​ന്ദേ​ശം ന​ൽ​കു​മെ​ന്നാ​ണ്​ സി.​പി.​എം വി​ല​യി​രു​ത്ത​ൽ. അ​തി​നാ​ൽ ഡി​സം​ബ​റി​ലോ, ജ​നു​വ​രി​യി​ലോ മ​ന്ത്രി​സ​ഭ പു​നഃ​സം​ഘ​ട​ന​യാ​കാ​മെ​ന്ന നി​ല​പാ​ടി​ലാ​ണ്​ സി.​പി.​എം.

ആ​ദ്യ ര​ണ്ട​ര​വ​ർ​ഷം ഐ.​എ​ൻ.​എ​ല്ലി​ന്‍റെ അ​ഹ​മ്മ​ദ്​ ദേ​വ​ർ​കോ​വി​ലി​നും ജ​നാ​ധി​പ​ത്യ കേ​ര​ള കോ​ൺ​ഗ്ര​സി​ലെ ആ​ന്റ​ണി രാ​ജു​വി​നും അ​ടു​ത്ത ര​ണ്ട​ര​വ​ർ​ഷം കെ.​ബി. ഗ​ണേ​ഷ് കു​മാ​റി​നും കോ​ൺ​ഗ്ര​സ്​ എ​സി​ന്‍റെ രാ​മ​ച​ന്ദ്ര​ൻ ക​ട​ന്ന​പ്പ​ള്ളി​ക്കും മ​ന്ത്രി​സ്ഥാ​നം ന​ൽ​കു​മെ​ന്ന്​ എ​ൽ.​ഡി.​എ​ഫ് നേ​തൃ​ത്വം നേ​ര​ത്തേ ന​ൽ​കി​യ ഉ​റ​പ്പാ​ണ്.