പ്രണയം നടിച്ച് സ്ത്രീകളെ ലൈംഗികമായി ഉപയോഗിച്ചു; സുംബാ പരിശീലക​െൻറ കൂടുതൽ തട്ടിപ്പുകളെക്കുറിച്ച്​ അന്വേഷണം

തിരുവനന്തപുരം: സുംബാ പരിശീലനത്തിനെത്തിയിരുന്ന സ്ത്രീകളെ പ്രണയം നടിച്ച് ലൈംഗികമായി ഉപയോഗിച്ച പരിശീലക​െൻറ കൂടുതൽ തട്ടിപ്പുകളെക്കുറിച്ച്​ പൊലീസ്​ അന്വേഷണം ഊര്‍ജിതമാക്കി. ഇയാൾ ഭീഷണിപ്പെടുത്തി പല സ്ത്രീകളില്‍നിന്നും പണം വാങ്ങിയിരുന്നതായും നഗ്​നചിത്രങ്ങൾ പലര്‍ക്കും കൈമാറിയിരുന്നതായും അന്വേഷണസംഘത്തിന്​ സൂചന ലഭിച്ചതായാണ്​ വിവരം.

നിരന്തരമായി ഇയാളെ നിരീക്ഷിച്ചശേഷം കഴിഞ്ഞദിവസമാണ്​ സര്‍ക്കാര്‍ ഉദ്യോഗസ്ഥന്‍ കൂടിയായ പരിശീലകൻ തിരുവനന്തപുരം കാഞ്ഞിരംപാറ സ്വദേശിയായ സനുവിനെ അറസ്​റ്റ്​ ചെയ്തത്. സുംബാ പരിശീലനത്തി​െൻറ മറവില്‍ തട്ടിപ്പും ചൂഷണവും നടത്തിയെന്ന പരാതികയുടെ അടിസ്ഥാനത്തിലാണ്​ അറസ്​റ്റ്​. കൃഷിവകുപ്പില്‍ ജോലിക്കാരനാണെങ്കിലും തലസ്ഥാന നഗരത്തി​െൻറ വിവിധയിടങ്ങളില്‍ സുംബാ പരിശീലന സ്ഥാപനങ്ങള്‍ ഇയാൾ നടത്തിയിരുന്നു. അവിടെയെത്തിയിരുന്ന സ്ത്രീകളിൽ പലരെയും പ്രണയം നടിച്ച് ചതിയിൽപെടുത്തുകയായിരുന്നുവെന്ന്​ സൈബര്‍ പൊലീസി​െൻറ അന്വേഷണത്തില്‍ കണ്ടെത്തി.

ഒരു പെണ്‍കുട്ടിയുടെ പരാതിയുടെ അടിസ്ഥാനത്തില്‍ നടത്തിയ അന്വേഷണമാണ് ഒട്ടേറെപ്പേരെ സമാനരീതിയില്‍ ചൂഷണം ചെയ്തിട്ടുണ്ടെന്ന കണ്ടെത്തലിലേക്കെത്തിയത്​. അന്വേഷണത്തിൽ പലരും ഇക്കാര്യം സമ്മതിക്കുകയും ചെയ്​തു. എന്നാൽ, പലരും രേഖാമൂലം പരാതി നൽകാൻ തയാറായിട്ടില്ലെന്ന്​ പൊലീസ്​ വൃത്തങ്ങൾ പറഞ്ഞു.

വളരെ തന്ത്രപരമായ നീക്കമാണ​െത്ര ഇയാൾ നടത്തിയിരുന്നത്​. പിന്നീട് ആ ബന്ധം ഉപേക്ഷിക്കുന്നതാണ് രീതിയെന്നാണ്​ പൊലീസ്​ വൃത്തങ്ങൾ പറയുന്നത്​. നഗ്​നചിത്രങ്ങള്‍ വിവിധയാളുകള്‍ക്ക് കൈമാറി ഇയാൾ പണം കൈക്കലാക്കിയോയെന്ന സംശയവും നിലവിലുണ്ട്​.

വീട്ടിലടക്കം നടത്തിയ പരിശോധനയില്‍ ഏഴ് ഹാര്‍ഡ് ഡിസ്ക്കും ഒട്ടേറെ മൊബൈല്‍ ഫോണുകളും പിടിച്ചെടുത്തിട്ടുണ്ട്​. ഒരാള്‍ മാത്രമേ ഇപ്പോള്‍ പരാതി നല്‍കിയിട്ടുള്ളൂ. കൂടുതല്‍ പേര്‍ പരാതിയുമായി വരുമെന്നാണ്​ പ്രതീക്ഷിക്കുന്നത്​.