കാറിൽ മോദിക്കെതിരെ മുദ്രാവാക്യം; ക​ഴ​ക്കൂ​ട്ട​ത്ത് ഉടമ കസ്റ്റഡിയിൽ

തി​രു​വ​ന​ന്ത​പു​രം: പ്ര​ധാ​ന​മ​ന്ത്രി ന​രേ​ന്ദ്ര മോ​ദി​ക്കെ​തി​രെ പ്ര​തി​ഷേ​ധ മു​ദ്രാ​വാ​ക്യ​ങ്ങ​ള്‍ എ​ഴു​തി​യ കാ​റി​ന്‍റെ ഉ​ട​മ​യെ പൊ​ലീ​സ് ക​സ്റ്റ​ഡി​യി​ലെ​ടു​ത്തു. ഉ​ത്ത​ര്‍പ്ര​ദേ​ശ് മീ​റ​ത്ത്​​ സ്വ​ദേ​ശി ര​മ​ണ്‍ജി​ത്ത് സി​ങ്ങി​നെ​യാ​ണ് (37) മ്യൂ​സി​യം പൊ​ലീ​സ് പി​ടി​കൂ​ടി​യ​ത്. ക​ഴി​ഞ്ഞ​ദി​വ​സം കാ​ർ ഉ​പേ​ക്ഷി​ച്ച്​ പോ​യ ഇ​യാ​ളെ ക​ഴ​ക്കൂ​ട്ട​ത്തി​ന്​ സ​മീ​പ​ത്തു​നി​ന്നാ​ണ്​ ക​​ണ്ടെ​ത്തി​യ​ത്. ഇ​യാ​ൾ പ​ര​സ്പ​ര​ബ​ന്ധ​മി​ല്ലാ​തെ സം​സാ​രി​ക്കു​ന്നെ​ന്നും അ​തി​ൽ വ്യ​ക്ത​ത വ​രു​ത്തേ​ണ്ട​തു​ണ്ടെ​ന്നും പൊ​ലീ​സ്​ പ​റ​ഞ്ഞു. വാ​ഹ​ന​ങ്ങ​ളു​ടെ സ്‌​പെ​യ​ര്‍പാ​ര്‍ട്‌​സ്​ വി​ൽ​പ​ന​യു​മാ​യി ബ​ന്ധ​പ്പെ​ട്ടാ​ണ് കേ​ര​ള​ത്തി​ലെ​ത്തി​യ​തെ​ന്ന്​ ര​മ​ൺ​ജി​ത്ത്​ പൊ​ലീ​സി​നോ​ട് പ​റ​ഞ്ഞു.

പ​ഞ്ചാ​ബ് സ്വ​ദേ​ശി​ക​ളാ​യ ര​മ​ണ്‍ജി​ത്തി​ന്‍റെ കു​ടും​ബം ഇ​പ്പോ​ള്‍ മീ​റ​ത്തി​ലാ​ണ് താ​മ​സം. ക​ര്‍ഷ​ക​പ്ര​ക്ഷോ​ഭ​വു​മാ​യി ബ​ന്ധ​പ്പെ​ട്ട്​ പ്ര​തി​ഷേ​ധം രേ​ഖ​പ്പെ​ടു​ത്തു​ക മാ​ത്ര​മാ​യി​രു​ന്നു ല​ക്ഷ്യ​മെ​ന്ന്​ ഇ​യാ​ള്‍ പ​റ​യു​ന്നു. ക​ഴി​ഞ്ഞ​ദി​വ​സം പ​ട്ട​ത്തെ ബാ​ർ ഹോ​ട്ട​ലി​ല്‍നി​ന്നാ​ണ് ന​രേ​ന്ദ്ര മോ​ദി​ക്കും യു.​പി മു​ഖ്യ​മ​ന്ത്രി യോ​ഗി ആ​ദി​ത്യ​നാ​ഥി​നു​മെ​തി​രെ മു​ദ്രാ​വാ​ക്യ​ങ്ങ​ൾ എ​ഴു​തി​യ വാ​ഹ​നം ക​സ്റ്റ​ഡി​യി​ലെ​ടു​ത്ത​ത്. പഴ​കി​യ വ​സ്ത്ര​ങ്ങ​ളും ഏ​താ​നും ഇ​ല​ക്​​ട്രോ​ണി​ക് ഉ​പ​ക​ര​ണ​ങ്ങ​ളു​മ​ല്ലാ​തെ മ​റ്റൊ​ന്നും ക​ണ്ടെ​ത്തി​യി​ല്ല. എ​ന്നാ​ൽ, പ്ര​ധാ​ന​മ​ന്ത്രി​ക്കെ​തി​രെ മു​ദ്രാ​വാ​ക്യ​ങ്ങ​ൾ എ​ഴു​തി​യ​തി​ന്​ ഇ​യാ​ൾ​ക്കെ​തി​രെ ജാ​മ്യം ല​ഭി​ക്കാ​വു​ന്ന കു​റ്റം ചു​മ​ത്തി കേ​സെ​ടു​ത്തു.