സിനിമ തിയറ്ററിൽ ബാലികയെ പീഡിപ്പിച്ച മധ്യവയസ്​കൻ അറസ്​റ്റിൽ; എസ്​.​െഎക്ക്​ സസ്​പെൻഷൻ

എടപ്പാള്‍ (മലപ്പുറം): മനഃസാക്ഷിയെ ഞെട്ടിക്കുന്ന ദൃശ്യം ദിവസങ്ങൾക്ക്​ ശേഷം പുറത്തായതോടെ, സിനിമ തിയറ്ററില്‍ ബാലികയെ പീഡിപ്പിച്ച മധ്യവയസ്കന്‍ അറസ്​റ്റിൽ. പാലക്കാട്​ തൃത്താല സ്വദേശി കാങ്കനകത്ത്​ മൊയ്​തീൻകുട്ടിയെയാണ്​ (60) അറസ്​റ്റ്​ ചെയ്​തത്​. ഷൊര്‍ണൂരില്‍​ കസ്​റ്റഡിയിലെടുത്ത ശേഷം ഇയാളെ ചങ്ങരംകുളം പൊലീസിന് കൈമാറുകയായിരുന്നു. ഇയാൾ തിയറ്ററിൽ എത്തിയ ബെൻസ്​ കാറി​​​​​​​​​​െൻറ രജിസ്​​േ​ട്രഷൻ നമ്പർ തിയറ്ററിലെ സി.സി.ടി.വിയിൽ പതിഞ്ഞിരുന്നു. ഇൗ നമ്പർ പിന്തുടർന്ന്​ നടത്തിയ അ​േന്വഷണത്തിലാണ്​ പ്രതിയെ തിരിച്ചറിഞ്ഞത്​.

ശനിയാഴ്ച പീഡനവിവരം പുറത്തറിഞ്ഞതോടെ ഇയാള്‍ മുന്‍കൂര്‍ ജാമ്യമെടുക്കാൻ അഭിഭാഷകനെ തേടിപ്പോകുന്നതിനിടെയാണ് ഷൊര്‍ണൂര്‍ പൊലീസി​​​​​​​​​​െൻറ വലയിലായത്​. ഞായറാഴ്​ച മഞ്ചേരി പോക്​സോ കോടതിയിൽ ഹാജരാക്കും. എടപ്പാളിലെ ഒരു തിയറ്ററില്‍ ഏപ്രില്‍ 18ന് വൈകീട്ട്​ ആറിനുള്ള പ്രദര്‍ശനത്തിനിടയിലാണ് ഒരു സ്ത്രീക്കൊപ്പം ഇരുന്ന മൊയ്​തീൻകുട്ടി തൊട്ടടുത്തിരുന്ന പത്ത് വയസ്സ് തോന്നിക്കുന്ന ബാലികയെ പീഡിപ്പിച്ചത്​.

സി.സി.ടി.വി ദൃശ്യങ്ങളിൽ ഇത്​ വ്യക്തമായിരുന്നു. ഏപ്രില്‍ 26ന്​ സി.സി.ടി.വി ദൃശ്യങ്ങള്‍ ശ്രദ്ധയില്‍പ്പെട്ട തിയറ്റർ ജീവനക്കാര്‍ ദൃശ്യങ്ങൾ ചൈൽഡ്‌ ലൈനിന്​ കൈമാറി. ദൃശ്യങ്ങൾ സഹിതം ചൈല്‍ഡ് ലൈന്‍ അധികൃതര്‍ ചങ്ങരംകുളം പൊലീസിന് അന്നുതന്നെ പരാതി നല്‍കിയെങ്കിലും പൊലീസ് കേസെടുക്കാതെയിരുന്നു. 

ശനിയാഴ്ച സംഭവം പുറത്തറിഞ്ഞതോടെയാണ് കേസ് രജിസ്​റ്റർ ചെയ്യുന്നതും പ്രതിയെ പിടികൂടാന്‍ രംഗത്തിറങ്ങുന്നതും. പൊലീസ്​ നിലപാടില്‍ പ്രതിഷേധിച്ച് യൂത്ത് കോണ്‍ഗ്രസ്, കെ.എസ്.യു പ്രവര്‍ത്തകര്‍ ചങ്ങരംകുളം സ്​റ്റേഷനിലേക്ക് മാര്‍ച്ച് നടത്തി. മൂന്നുമണിക്കൂറോളം പ്രവര്‍ത്തകര്‍ സ്​റ്റേഷന്‍ കവാടം ഉപരോധിച്ചു. ബി.ജെ.പി പ്രവര്‍ത്തകരുടെ മാര്‍ച്ചും ധര്‍ണയും നടന്നു.

ഡി.ജി.പി ലോക്​നാഥ്​ ബെഹ്​റയുടെ നിർദേശപ്രകാരം ചങ്ങരംകുളം എസ്.ഐ കെ.ജി. ബേബിക്കെതിരെ വകുപ്പുതല അന്വേഷണം ആരംഭിച്ചു. മലപ്പുറം സ്പെഷല്‍ ബ്രാഞ്ച് ഡിവൈ.എസ്.പി എം. ഉല്ലാസ്, തിരൂര്‍ ഡിവൈ.എസ്.പി ബിജു ഭാസ്കര്‍ എന്നിവരാണ് അന്വേഷണം നടത്തുന്നത്. ഞായറാഴ്ച റിപ്പോര്‍ട്ട് ജില്ല പൊലീസ്​ മേധാവിക്ക് സമര്‍പ്പിക്കും.