ആർ.ഡി.ഒ കോടതിയിലെ​ തൊണ്ടി മോഷണം: വിജിലൻസ്​ അന്വേഷണത്തിന്​ ശിപാർശ

തി​രു​വ​ന​ന്ത​പു​രം: സ​ബ്​ ഡി​വി​ഷ​ന​ല്‍ മ​ജി​സ്ട്രേ​റ്റ് കോ​ട​തി​യി​ല്‍ (ആ​ർ.​ഡി.​ഒ കോ​ട​തി​യി​ൽ) സൂ​ക്ഷി​ച്ചി​രു​ന്ന തൊ​ണ്ടി​മു​ത​ലു​ക​ള്‍ ന​ഷ്ട​പ്പെ​ട്ട സം​ഭ​വ​​ത്തെ​ക്കു​റി​ച്ച്​ വി​ജി​ല​ൻ​സ്​ അ​ന്വേ​ഷ​ണ​ത്തി​ന്​ ശി​പാ​ർ​ശ. സം​ഭ​വം​ വി​ജി​ല​ൻ​സ്​​ അ​ന്വേ​ഷി​ക്ക​ണ​മെ​ന്ന്​ റ​വ​ന്യൂ​മ​ന്ത്രി കെ. ​രാ​ജ​ൻ സ​ർ​ക്കാ​റി​നോ​ട്​ ശി​പാ​ർ​ശ ചെ​യ്​​തു. പ്രാ​ഥ​മി​കാ​ന്വേ​ഷ​ണ​ത്തി​ൽ ഉ​ദ്യോ​ഗ​സ്ഥ​ർ അ​റി​യാ​തെ തി​രി​മ​റി ന​ട​ക്കി​ല്ലെ​ന്ന്​ വ്യ​ക്ത​മാ​യ സാ​ഹ​ച​ര്യ​ത്തി​ലാ​ണ്​ അ​ന്വേ​ഷ​ണം വി​ജി​ല​ൻ​സി​ന്​ കൈ​മാ​റാ​നു​ള്ള ശി​പാ​ർ​ശ.

റ​വ​ന്യൂ​മ​ന്ത്രി​യു​ടെ ശി​പാ​ർ​ശ ആ​ഭ്യ​ന്ത​ര​വ​കു​പ്പ്​ പ​രി​ശോ​ധി​ച്ച ശേ​ഷ​മാ​കും ഇ​ക്കാ​ര്യ​ത്തി​ൽ അ​ന്തി​മ തീ​രു​മാ​ന​മെ​ടു​ക്കു​ക. നി​ല​വി​ൽ ക​ല​ക്ട​ർ നി​യോ​ഗി​ച്ച സ​മി​തി​യും പേ​രൂ​ർ​ക്ക​ട പൊ​ലീ​സും സം​ഭ​വം അ​ന്വേ​ഷി​ക്കു​ക​യാ​ണ്. ക​ല​ക്ട​റേ​റ്റി​ലു​ള്ള ആ​ർ.​ഡി.​ഒ കോ​ട​തി​യി​ൽ​നി​ന്ന്​ 70 പ​വ​നോ​ളം സ്വ​ർ​ണ​വും പ​ണ​വും മൊ​ബൈ​ൽ ഫോ​ണു​ക​ൾ ഉ​ൾ​പ്പെ​ടെ ന​ഷ്ട​പ്പെ​ട്ട​താ​ണ്​ കേ​സി​നാ​ധാ​രം. 2010 നും '20 ​നും ഇ​ട​യി​ലാ​ണ്​ തി​രി​മ​റി ന​ട​ന്ന​തെ​ന്നാ​ണ്​ സ​ബ്​ ക​ല​ക്ട​ർ മാ​ധ​വി​ക്കു​ട്ടി​യു​ടെ അ​ന്വേ​ഷ​ണ​ത്തി​ൽ വ്യ​ക്ത​മാ​യ​ത്. ഇ​തു​സം​ബ​ന്ധി​ച്ച സ​ബ്​ ക​ല​ക്ട​റു​ടെ പ​രാ​തി​യി​ലാ​ണ്​ പേ​രൂ​ർ​ക്ക​ട പൊ​ലീ​സ്​ കേ​സെ​ടു​ത്ത്​ അ​ന്വേ​ഷ​ണം ആ​രം​ഭി​ച്ചി​ട്ടു​ള്ള​ത്. ക​ല​ക്ട​ർ ന​വ്​​ജ്യോ​ത്​ ഖോ​സ​യു​ടെ നി​ർ​ദേ​ശാ​നു​സ​ര​ണം പ്ര​ത്യേ​ക സ​മി​തി​യും ക​ണ​ക്കെ​ടു​പ്പ്​ തു​ട​രു​ക​യാ​ണ്.

സീ​ല്‍ ചെ​യ്ത് സൂ​ക്ഷി​ച്ചി​രു​ന്ന മു​ത​ലു​ക​ളി​ല്‍നി​ന്ന്​ ചി​ല തൊ​ണ്ടി സാ​ധ​ന​ങ്ങ​ള്‍ കു​റ​വു ക​ണ്ട സാ​ഹ​ച​ര്യ​ത്തി​ലാ​ണ് മു​ഴു​വ​ന്‍ തൊ​ണ്ടി​മു​ത​ലു​ക​ളും പ​രി​ശോ​ധ​ന​ക്ക്​ വി​ധേ​യ​മാ​ക്കാ​ന്‍ സ​ബ്​ ഡി​വി​ഷ​ന​ല്‍ മ​ജി​സ്ട്രേ​റ്റ് ഉ​ത്ത​ര​വി​ട്ട​ത്. ഇ​ത്ത​ര​ത്തി​ല്‍ ന​ട​ത്തി​യ പ​രി​ശോ​ധ​ന​യി​ല്‍ 581.48 ഗ്രാം ​സ്വ​ർ​ണം, 140.5 ഗ്രാം ​വെ​ള്ളി, 47500 രൂ​പ എ​ന്നി​വ ന​ഷ്ട​പ്പെ​ട്ട​താ​യി ക​ണ്ടെ​ത്തി. ഓ​രോ കാ​ല​ത്തും ഓ​രോ ഉ​ദ്യോ​ഗ​സ്ഥ​രാ​ണ്​ ഈ ​തൊ​ണ്ടി​മു​ത​ലു​ക​ളു​ടെ കാ​വ​ൽ​ക്കാ​ർ. തൊ​ണ്ടി​മു​ത​ലു​ക​ൾ ന​ഷ്ട​പ്പെ​ട്ട​ത്​ മോ​ഷ​ണ​ത്തി​ലൂ​ടെ​യ​ല്ലെ​ന്ന​ത്​ വ്യ​ക്ത​മാ​യ​ത്​ സം​ശ​യ​ത്തി​ന്‍റെ കു​ന്ത​മു​ന ജീ​വ​ന​ക്കാ​ർ​ക്കു​നേ​രെ തി​രി​ച്ചി​ട്ടു​ണ്ട്. ജീ​വ​ന​ക്കാ​രു​ടെ പ​ങ്ക്​ റ​വ​ന്യൂ അ​ധി​കൃ​ത​രും ത​ള്ളി​ക്ക​ള​യു​ന്നി​ല്ല.

പേ​രൂ​ർ​ക്ക​ട പൊ​ലീ​സ്​ സ്ഥ​ലം സ​ന്ദ​ർ​ശി​ച്ച്​ മ​ഹ​സ​ർ ത​യാ​റാ​ക്കു​ക​യും സ​ബ്​ ക​ല​ക്ട​റു​ടെ മൊ​ഴി ​രേ​ഖ​പ്പെ​ടു​ത്തു​ക​യും ചെ​യ്തി​ട്ടു​ണ്ട്. തൊ​ണ്ടി മു​ത​ലു​ക​ളു​ടെ ക​സ്​​റ്റോ​ഡി​യ​ന്മാ​രാ​യി​രു​ന്ന ജീ​വ​ന​ക്കാ​രു​ടെ മൊ​ഴി രേ​ഖ​പ്പെ​ടു​ത്തു​ന്ന​തു​ൾ​പ്പെ​ടെ ന​ട​പ​ടി​ക​ളി​ലേ​ക്ക്​ ക​ട​ക്കാ​നി​രി​ക്കു​ക​യാ​ണ്​ പൊ​ലീ​സ്.