പാലക്കാട് നിന്നുള്ള ട്രെയിൻ ഗതാഗതം പുനഃസ്ഥാപിച്ചു

കോഴിക്കോട്: പാലക്കാട് നിന്ന് കോയമ്പത്തൂർ, ഷൊർണൂർ ഭാഗത്തേക്കുള്ള ട്രെയിൻ ഗതാഗതം പുനഃസ്ഥാപിച്ചു.

• എറണാകുളം-കാരക്കൽ എക്സ്പ്രസ് ഞായർ വെളുപ്പിന് 1.40ന് പാലക്കാട് നിന്ന് സർവീസ് ആരംഭിക്കും.
• മംഗളൂരു-ചെന്നൈ സൂപ്പർ ഫാസ്റ്റ് എക്സ്പ്രസ് (നമ്പർ 12686) പാലക്കാട് നിന്ന് ഇന്ന് (ശനിയാഴ്ച) രാത്രി 10.15ന് സർവീസ് നടത്തും.
• തിരുവനന്തപുരം-ചെന്നൈ സൂപ്പർ ഫാസ്റ്റ് എക്സ്പ്രസ് രാത്രി 12.45 പാലക്കാട് നിന്ന് സർവീസ് ആരംഭിക്കും.
• ഷൊർണൂർ-കോയമ്പത്തൂർ മെമു (66604) ഉച്ചകഴിഞ്ഞ് മൂന്നിന് ഷൊർണൂരിൽ നിന്ന് യാത്ര പുറപ്പെടും. 

ഇതര സംസ്ഥാന തൊഴിലാളികൾക്ക് സ്പെഷ്യൽ ട്രെയിൻ

ഇതര സംസ്ഥാന തൊഴിലാളികൾക്ക് നാട്ടിലെത്താൻ ഇന്ന് (18/8/18) വൈകീട്ട് അഞ്ചിന് തിരുവനനന്തപുരം സെൻട്രൽ നിന്നും ഹൗറക്ക് സ്പെഷ്യൽ എക്സ്പ്രസ്സ് ട്രെയിൻ സർവീസ് നടത്തും. നാഗർകോവിൽ ടൗൺ, ചെന്നൈ എഗ്മോർ, ഗുണ്ടൂർ ജംങ്ഷൻ, തിരുച്ചിറപ്പള്ളി എന്നീ സ്റ്റേഷനുകൾ വഴിയാണ് ട്രെയിൻ സർവീസ് നടത്തുക.