നെല്ലിയാമ്പതിയിൽ ആദിവാസി യുവതി വഴിയിൽ പ്രസവിച്ചു

നെ​ന്മാ​റ (പാ​ല​ക്കാ​ട്): നെ​ല്ലി​യാ​മ്പ​തി​യി​ൽനിന്ന് ആശുപത്രിൽ പോകാൻ നടക്കുന്നതിനിടെ ആ​ദി​വാ​സി യു​വ​തി വ​ഴി​യി​ൽ പ്ര​സ​വി​ച്ചു. വ​ണ്ടാ​ഴി പ​ഞ്ചാ​യ​ത്തി​ലെ ത​ളി​ക​ക്ക​ല്ല് ആ​ദി​വാ​സി ന​ഗ​റി​ലെ അ​നീ​ഷി​ന്റെ ഭാ​ര്യ സ​ലീ​ഷ​യാ​ണ് (24) അ​യി​ലൂ​ർ നേ​ർ​ച്ച​പ്പാ​റ​ക്ക​ടു​ത്ത് വ​ഴി​യ​രി​കി​ൽ ആ​ൺ​കു​ഞ്ഞി​നെ പ്ര​സ​വി​ച്ച​ത്.

സ​മീ​പ​ത്തെ വീ​ട്ട​മ്മ​മാ​ർ അ​മ്മ​ക്കും കു​ഞ്ഞി​നും പ്ര​ഥ​മ​ശു​ശ്രൂ​ഷ ന​ൽ​കി. അ​നീ​ഷും കു​ടും​ബ​വും നെ​ല്ലി​യാ​മ്പ​തി വ​ന​മേ​ഖ​ല​യി​ലെ ചെ​ള്ളി​ക്ക​യം ഭാ​ഗ​ത്താ​ണ് കു​ടി​ൽ​കെ​ട്ടി താ​മ​സി​ക്കു​ന്ന​ത്.

ചെ​ള്ളി​ക്ക​യം ഭാ​ഗ​ത്തു​നി​ന്ന് ഇ​വ​രു​ടെ വീ​ടു​ൾ​പ്പെ​ടു​ന്ന ത​ളി​ക​ക്ക​ല്ല് ഭാ​ഗ​ത്തേ​ക്ക് കു​ത്ത​നെ​യു​ള്ള ക​യ​റ്റ​മാ​യ​തി​നാ​ലാ​ണ് നേ​ർ​ച്ച​പ്പാ​റ ഭാ​ഗ​ത്തേ​ക്ക് അ​ഞ്ച് കി​ലോ​മീ​റ്റ​ർ ദൂ​രം വ​ന​മേ​ഖ​ല​യി​ലൂ​ടെ ന​ട​ന്ന​ത്. വി​വ​ര​മ​റി​ഞ്ഞ് പ​ഞ്ചാ​യ​ത്തം​ഗം കെ.​എ. മു​ഹ​മ്മ​ദ് കു​ട്ടി സ്ഥ​ല​ത്തെ​ത്തി.

എ​സ്.​ടി പ്ര​മോ​ട്ട​ർ മി​നി, ആ​ശ പ്ര​വ​ർ​ത്ത​ക​രാ​യ മി​നി സാ​ബു, ഷ​ക്കീ​ല അ​ഷ​റ​ഫ് എ​ന്നി​വ​ർ കു​ഞ്ഞി​നെ​യും അ​മ്മ​യെ​യും പാ​ല​ക്കാ​ട് ആ​ശു​പ​ത്രി​യി​ൽ എ​ത്തി​ച്ചു.