രണ്ടര വയസ്സുകാരിയുടെ കൊലപാതകം: ദുരൂഹത ഒഴിയുന്നില്ല

ബാ​ല​രാ​മ​പു​രം(തിരുവനന്തപുരം): കോ​ട്ടു​കാ​ല്‍കോ​ണ​ത്തെ ര​ണ്ട​ര​വ​യ​സ്സു​കാ​രി ദേ​വേ​ന്ദു​വി​ന്റെ കൊ​ല​പാ​ത​കം ന​ട​ന്ന്​ ര​ണ്ടു​ദി​വ​സ​മാ​യി​ട്ടും ദു​രൂ​ഹ​ത ഒ​ഴി​യു​ന്നി​ല്ല. ദേ​വേ​ന്ദു​വി​ന്റെ മാ​താ​വ്​ ശ്രീ​തു​വി​ന്റെ സ​ഹോ​ദ​ര​ന്‍ ഹ​രി​കു​മാ​റി​നെ പൊ​ലീ​സ് നെ​യ്യാ​റ്റി​ന്‍ക​ര കോ​ട​തി​യി​ല്‍ ഹാ​ജ​രാ​ക്കി റി​മാ​ൻ​ഡ്​ ചെ​യ്തു. ദേ​വേ​ന്ദു​വി​ന്റെ മു​ത്ത​ശ്ശി ശ്രീ​ക​ല, ശ്രീ​തു​വി​ന്റെ ഭ​ര്‍ത്താ​വ് ശ്രീ​ജി​ത്ത്, ശ്രീ​തു​വു​മാ​യി സ​മ്പ​ത്തി​ക ഇ​ട​പാ​ടു​ള്ള ജ്യോ​ത്സ്യ​ന്‍ എ​ന്നി​വ​രെ വെ​ള്ളി​യാ​ഴ്ച രാ​വി​ലെ ബാ​ല​രാ​മ​പു​രം പൊ​ലീ​സ് സ്റ്റേ​ഷ​നി​ല്‍ റൂ​റ​ല്‍ എ​സ്.​പി​യു​ടെ നേ​തൃ​ത്വ​ത്തി​ല്‍ മ​ണി​ക്കൂ​റു​ക​ളോ​ളം ചോ​ദ്യം​ചെ​യ്തു.

കൊ​ല​പാ​ത​ക​ത്തി​ല്‍ നി​ര​വ​ധി ചോ​ദ്യ​ങ്ങ​ളാ​ണ്​ അ​വ​ശേ​ഷി​ക്കു​ന്ന​ത്​. ഹ​രി​കു​മാ​ർ മൊ​ഴി​ക​ൾ മാ​റ്റി​പ്പ​റ​യു​ന്ന​ത്​​ പൊ​ലീ​സി​നെ കു​ഴ​ക്കു​ന്നു. ഹ​രി​കു​മാ​റു​മാ​യും ശ്രീ​തു​വു​മാ​യും അ​ടു​പ്പ​മു​ള്ള ജ്യോ​ത്സ്യ​ൻ ക​രി​ക്ക​കം സ്വ​ദേ​ശി പ്ര​ദീ​പി​നെയും പൊ​ലീ​സ് ചോ​ദ്യം ചെ​യ്തു. ശ്രീ​തു​വി​നെ​തി​രെ വി​ശ​ദ​മാ​യ അ​ന്വേ​ഷ​ണം ന​ട​ത്ത​ണ​മെ​ന്ന് ഭ​ർ​ത്താ​വ്​ ശ്രീ​ജി​ത്ത് മൊ​ഴി​ന​ൽ​ക​വെ പൊ​ലീ​സി​നോ​ട്​ ആ​വ​ശ്യ​പ്പെ​ട്ടു.

വ്യാ​ഴാ​ഴ്ച രാ​വി​ലെ​യാ​ണ്​ വീ​ട്ടു​മു​റ്റ​ത്തെ കി​ണ​റ്റി​ൽ ര​ണ്ട​ര​വ​യ​സ്സു​കാ​രി ദേ​വേ​ന്ദു​വി​നെ മ​രി​ച്ച​നി​ല​യി​ൽ ക​ണ്ടെ​ത്തി​യ​ത്. കു​ട്ടി​യെ കി​ണ​റ്റി​ലെ​റി​ഞ്ഞ്​ കൊ​ല​പ്പെ​ടു​ത്തി​യ​ത്​ താ​നാ​ണെ​ന്ന് ഹ​രി​കു​മാ​ര്‍ സ​മ്മ​തി​ച്ചി​ട്ടു​ണ്ട്. എ​ന്നാ​ല്‍, കൊ​ല​പാ​ത​ക കാ​ര​ണ​ത്തി​ലാ​ണ് അ​വ്യ​ക്ത​ത തു​ട​രു​ന്ന​ത്. കൊ​ല​പാ​ത​ക​ത്തി​ല്‍ മ​റ്റാ​രു​ടെ​യെ​ങ്കി​ലും സ​ഹാ​യ​മു​ണ്ടോ​യെ​ന്ന​തും പൊ​ലീ​സ്​ പ​രി​ശോ​ധി​ക്കു​ന്നു. പ്ര​തി ജ്യോ​ത്സ്യ​ൻ പ്ര​ദീ​പി​ന്‍റെ നി​ർ​ദേ​ശ​ങ്ങ​ള്‍ അ​നു​സ​രി​ക്കു​ക​യാ​യി​രു​ന്നെ​ന്ന്​ പ​റ​യ​പ്പെ​ടു​ന്നു.

എ​ല്ലാ​വ​രും സം​ശ​യ​നി​ഴ​ലി​ലാ​ണെ​ന്നും ആ​രെ​യും ഒ​ഴി​വാ​ക്കി​യി​ട്ടി​ല്ലെ​ന്നും റൂ​റ​ല്‍ എ​സ്.​പി സു​ദ​ര്‍ശ​ന്‍ പ​റ​ഞ്ഞു. ദേ​വേ​ന്ദു​വി​ന്റെ സ​ഹോ​ദ​രി, മു​ത്ത​ച്ഛ​ന്‍, തു​ട​ങ്ങി​യ​വ​രെ​യും സ്റ്റേ​ഷ​നി​ലെ​ത്തി​ച്ച് മൊ​ഴി​യെ​ടു​ത്തു. ഹ​രി​കു​മാ​ര്‍ മു​മ്പും കു​ട്ടി​ക​ളെ ഉ​പ​ദ്ര​വി​ച്ചി​രു​ന്ന​താ​യി ശ്രീ​തു​വി​ന്റെ മൊ​ഴി​യു​ണ്ട്. ശ്രീ​തു​വും ഹ​രി​കു​മാ​റും ത​മ്മി​ലു​ള്ള വാ​ട്​​സ്​​ആ​പ്​ ചാ​റ്റു​ക​ള്‍ വീ​ണ്ടെ​ടു​ക്കാ​ന്‍ ഫോ​ണ്‍ ശാ​സ്ത്രീ​യ പ​രി​ശോ​ധ​ന​ക്ക്​ അ​യ​ക്കും.