കെ.സി. ഉമേഷ് ബാബുവിന്‍റെ വീടിന് നേരെ ആക്രമണം

കണ്ണൂർ: കവി കെ.സി. ഉമേഷ്​ബാബുവി​​​െൻറ വീടിനു​ നേരെ ബൈക്കിലെത്തിയ രണ്ടംഗസംഘം  ട്യൂബ്​ലൈറ്റ്​ എറിഞ്ഞു. ഞായറാഴ്​ച രാവിലെ ആറേമുക്കാലോടെ കണ്ണൂർ നഗരത്തിനു സമീപം പാറക്കണ്ടിയിലെ വീടായ ‘കൽനില’ക്കുനേരെയായിരുന്നു ആക്രമണം. ചുവരിലിടിച്ച്​ ട്യൂബ്​്​ലൈറ്റ്​ കഷണങ്ങൾ മുറ്റത്തു​ം പോർച്ചിനു സമീപവും  തെറിച്ചുവീണു. 

വീടി​​​െൻറ സിറ്റൗട്ടിനോട്​  ചേർന്ന ജനലിനെ ലക്ഷ്യമാക്കിയാണ്​ അക്രമികൾ ട്യൂബ്​ എറിഞ്ഞതെന്ന്​ കരുതുന്നു. ഇൗ സമയത്ത്​  ഉമേഷ്​ ബാബുവും മകളും സോഫയിലിരിക്കുകയായിരുന്നു. ജനൽചില്ല്​  തകർന്നിരുന്നുവെങ്കിൽ പരിക്കേൽക്കുമായിരുന്നുവെന്നും അക്രമികൾ ആരാണെന്ന്​ അറിയില്ലെന്നും ഉമേഷ്​ ബാബു പറഞ്ഞു. കണ്ണൂർ ടൗൺ എസ്​.​െഎയുടെ നേതൃത്വത്തിൽ പൊലീസ്​ സ്​ഥലത്തെത്തി. 

സി.പി.എം അംഗവും 19 വർഷത്തോളം പുരോഗമന കലാസാഹിത്യ സംഘം കണ്ണൂർ ജില്ല സെക്രട്ടറിയുമായിരുന്നു കെ.സി. ഉമേഷ്​ ബാബു. പാർട്ടിയ​ുടെ നയവ്യതിയാനങ്ങൾ കവിതകളിൽ പ്രതിഫലിച്ചതോടെ 2007ൽ പാർട്ടി പുറത്താക്കുകയായിരുന്നു. അടിയന്തരാവസ്​ഥക്കാലത്ത്​ എസ്​.എഫ്​.​െഎയിലൂടെ രാഷ്​ട്രീയപ്രവർത്തനം തുടങ്ങിയ ഉമേഷ്​ ബാബു സി.പി.എമ്മി​​​െൻറ സാംസ്​കാരികവേദികളിലെ നിറസാന്നിധ്യവും സ്​ഥിരം പ്രസംഗകനുമായിരുന്നു. അദ്ദേഹത്തെ പാർട്ടി കൊലപ്പെടുത്താൻ പദ്ധതിയിട്ടിരുന്നുവെന്ന വെളിപ്പെടുത്തലുകളും പുറത്തുവന്നിരുന്നു. ടി.പി വധക്കേസ്​ അന്വേഷണസംഘത്തോട്​ കൊടിസുനിയാണ്​ ഇതുസംബന്ധിച്ച വെളിപ്പെടുത്തൽ നടത്തിയത്​. തനിക്കെതി​െ​ര അഞ്ചുതവണ വധശ്രമം നടന്നിരുന്നുവെന്ന്​ പിന്നീട്​ ഉമേഷ്​ ബാബു​ തന്നെ വെളിപ്പെടുത്തിയിരുന്നു.