ഇരട്ട സഹോദരിമാർ  കു​റ്റ്യാ​ടിപുഴയിൽ മുങ്ങി മരിച്ചു

തി​രു​വ​ള്ളൂ​ർ (​കോ​ഴി​ക്കോ​ട്): ഇ​ര​ട്ട സ​ഹോ​ദ​രി​മാ​ർ പു​ഴ​യി​ൽ വീ​ണ് മ​രി​ച്ചു. തി​രു​വ​ള്ളൂ​ർ ശാ​ന്തി​ന​ഗ​റി​ലെ പു​തി​യോ​ട്ടി​ൽ ശ​ശി​യു​ടെ​യും സു​മ​യു​ടെ​യും മ​ക്ക​ളാ​യ സ​ൻ​മ​യ(13), വി​സ്​​മ​യ(13) എ​ന്നി​വ​രാ​ണ് മ​രി​ച്ച​ത്. തി​രു​വ​ള്ളൂ​ർ ശാ​ന്തി​നി​കേ​ത​ൻ ഹ​യ​ർ സെ​ക്ക​ൻ​ഡ​റി സ്​​കൂ​ളി​ലെ എ​ട്ടാം ക്ലാ​സ്​ വി​ദ്യാ​ർ​ഥി​ക​ളാ​ണ് ഇ​രു​വ​രും. ഞാ​യ​റാ​ഴ്ച രാ​വി​ലെ 11 മ​ണി​യോ​ടെ കു​റ്റ്യാ​ടി പു​ഴ​യി​ലെ ശാ​ന്തി​ന​ഗ​ർ കു​യ്യ​ന​മ​ണ്ണി​ൽ ഭാ​ഗ​ത്താ​ണ് സം​ഭ​വം. അ​ല​ക്കാ​ൻ വ​ന്ന വീ​ട്ടു​കാ​രോ​ടൊ​പ്പം പു​ഴ​ക്ക​ര​യി​ലെ​ത്തി​യ ഇ​വ​ർ അ​ബ​ദ്ധ​ത്തി​ൽ പു​ഴ​യി​ൽ വീ​ഴു​ക​യാ​യി​രു​ന്നു. സ്​​ഥ​ല​ത്തു​ണ്ടാ​യി​രു​ന്ന​വ​രു​ടെ ബ​ഹ​ളം കേ​ട്ട് ഓ​ടി​യെ​ത്തി​വ​രാ​ണ് ഇ​വ​രെ പു​ഴ​യി​ൽ നി​ന്ന് മു​ങ്ങി​യെ​ടു​ത്ത​ത്. ഉ​ട​ൻ  ആ​ശു​പ​ത്രി​യി​ലെ​ത്തി​ച്ചെ​ങ്കി​ലും ര​ക്ഷി​ക്കാ​നാ​യി​ല്ല. തി​രു​വ​ള്ളൂ​ർ തു​രു​ത്തി​യി​ൽ വാ​ട​ക വീ​ട്ടി​ൽ താ​മ​സി​ക്കു​ന്ന ശ​ശി​യും കു​ടും​ബ​വും ക​ഴി​ഞ്ഞ ദി​വ​സം വി​വാ​ഹ​ത്തി​ൽ പ​ങ്കെ​ടു​ക്കാ​നാ​ണ് സു​മ​യു​ടെ ത​റ​വാ​ട് വീ​ട്ടി​ൽ എ​ത്തി​യ​ത്. 

വ​ട​ക​ര ജി​ല്ല ആ​ശു​പ​ത്രി​യി​ൽ പോ​സ്​​റ്റ്മോ​ർ​ട്ടം ന​ട​ത്തി​യ മൃ​ത​ദേ​ഹ​ങ്ങ​ൾ ശാ​ന്തി​നി​കേ​ത​ൻ ഹ​യ​ർ സെ​ക്ക​ൻ​ഡ​റി സ്​​കൂ​ളി​ലും വീ​ട്ടി​ലും പൊ​തു ദ​ർ​ശ​ന​ത്തി​നു​വെ​ച്ച  ശേ​ഷം ശാ​ന്തി​ന​ഗ​റി​ലെ വീ​ട്ടു​വ​ള​പ്പി​ൽ സം​സ്​​ക​രി​ച്ചു.