നീട്ടിയും കുറുക്കിയും തന്‍റേടത്തിന്‍റെ ഇടിമുഴക്കം

തി​രു​വ​ന​ന്ത​പു​രം: നീ​ട്ടി​യും കു​റു​ക്കി​യും അ​വ​സ​ര​ത്തി​നൊ​ത്ത് ആ​വ​ർ​ത്തി​ച്ചും അ​നു​ഭ​വ​ങ്ങ​ളി​ൽ വെ​ന്തു​രു​കി മൂ​ർ​ച്ച​യേ​റി​യ വാ​ക്കെ​റി​ഞ്ഞും സ​ദ​സ്സി​ൽ ആ​വേ​ശ​ത്തി​ര​യേ​റ്റം തീ​ർ​ക്കാ​ൻ ഇ​നി ആ ​വി​പ്ല​വ സാ​ന്നി​ധ്യ​മി​ല്ല. സ​മ​കാ​ലി​ക കേ​ര​ളം ഇ​ട​നെ​ഞ്ചി​ലേ​റ്റു​വാ​ങ്ങി​യ രാ​ഷ്ട്രീ​യ സൗ​ഭാ​ഗ്യ​വും സ​മ​ര​സൗ​ന്ദ​ര്യ​വു​മാ​യി​രു​ന്നു വി.​എ​സ്. മു​ദ്രാ​വാ​ക്യ​ങ്ങ​ളു​ടെ പെ​രു​മ​ഴ ന​ന​ഞ്ഞ് ആ​ര​വ​ങ്ങ​ളെ വ​ക​ഞ്ഞു​മാ​റ്റി ഉ​റ​ച്ച കാ​ല​ടി​ക​ളോ​ടെ വി.​എ​സ് സ്റ്റേ​ജി​ലേ​ക്ക് ന​ട​ന്നു​ക​യ​റു​ന്ന​ത് വ​ല്ലാ​ത്തൊ​രു വൈ​കാ​രി​ക അ​നു​ഭ​വ​മാ​യി​രു​ന്നു. ജ​ന​റ​ൽ സെ​ക്ര​ട്ട​റി വേ​ദി​യി​ലു​ണ്ടെ​ങ്കി​ലും കൈ​യ​ടി വി.​എ​സി​ന് ത​ന്നെ​യാ​യി​രു​ന്നു.

നീ​ട്ടി​യും കു​റു​ക്കി​യു​മ​ല്ലാ​തെ പ്ര​സം​ഗി​ക്കാ​ൻ വി.​എ​സി​നാ​കു​മാ​യി​രു​ന്നി​ല്ല. തൊ​ട്ടു​മു​ന്നി​ൽ നീ​ണ്ടും കു​റു​കി​യും വ​ലി​ഞ്ഞു​മു​റു​കി​യു​മെ​ല്ലാം സ​ദ​സ്സും. വി.​എ​സി​ന്‍റേ​ത് വെ​റും പ്ര​സം​ഗ​ങ്ങ​ളാ​യി​രു​ന്നി​ല്ല. പ്ര​ത്യേ​ക താ​ള​ത്തി​ൽ, പ്ര​ത്യേ​ക ച​ല​ന​ങ്ങ​ളി​ൽ, പ്ര​ത്യേ​ക ശ​ബ്ദ​വി​ന്യാ​സ​ത്തോ​ടെ കേ​ര​ള​ത്തി​ന്റെ രാ​ഷ്ട്രീ​യ ച​രി​ത്ര​ത്തി​ൽ ഇ​ടം​പി​ടി​ച്ച ക​ലാ​രൂ​പം ത​ന്നെ​യാ​യി​രു​ന്നു അ​ത്. വി.​എ​സി​നെ കാ​ണാ​നും കേ​ൾ​ക്കാ​നു​മെ​ത്തി​യ​ത് പ​ല ത​ല​മു​റ​ക​ളും. കൂ​സ​ലി​ല്ലാ​യ്മ​യാ​യി​രു​ന്നു ആ ​വാ​ക്കു​ക​ളു​ടെ അ​ന്ത​സ്സും ക​രു​ത്തും. വെ​ള്ളാ​പ്പ​ള്ളി ന​ടേ​ശ​നും എ.​കെ. ആ​ൻ​റ​ണി​യും രാ​ഹു​ൽ ഗാ​ന്ധി​യും ടി.​കെ. ഹം​സ​യു​മ​ട​ക്കം ആ ​നാ​വി​ന്‍റെ മൂ​ർ​ച്ച​യ​റി​ഞ്ഞ​വ​ർ നി​ര​വ​ധി.

വ​ർ​ഗ സ​മ​വാ​ക്യ​ങ്ങ​ളു​ടെ ക​രി​ങ്ക​ൽ​ക്കെ​ട്ടി​ന് പു​റ​ത്തു​നി​ന്ന പ​രി​സ്ഥി​തി- കീ​ഴാ​ള- ലിം​ഗ​നീ​തി പ്ര​ശ്ന​ങ്ങ​ൾ വി.​എ​സ് ഏ​റ്റെ​ടു​ത്തു. പു​തി​യ കാ​ല​ത്തി​ന്റെ ഞ​ര​മ്പു​ക​ൾ​ക്കും ധ​മ​നി​ക​ൾ​ക്കും പു​തി​യ രാ​ഷ്ട്രീ​യ പ്ര​യോ​ഗ​ങ്ങ​ൾ അ​നി​വാ​ര്യ​മാ​ണെ​ന്ന അ​നു​ഭ​വ പാ​ഠ​ങ്ങ​ൾ ഇ​ട​തു മ​ണ്ഡ​ല​ത്തെ പ​ഠി​പ്പി​ച്ച വി.​എ​സ് മ​ല​യാ​ളി​യു​ടെ മ​ന​സ്സി​ൽ എ​ന്നെ​ന്നും വാ​ടാ​ത്ത വ​സ​ന്ത​മാ​യി പൂ​ത്തു​ല​യും.