ര​ക്ത​സാ​ക്ഷി കു​ടീ​രം സാ​ക്ഷി; സ​മ​ര​നാ​യ​ക​ൻ ഇ​നി വീ​റു​റ്റ ഓ​ർ​മ

ആ​ല​പ്പു​ഴ: സ​മ​ര​തീ​ക്ഷ്ണ​മാ​യ നൂ​റ്റാ​ണ്ടി​ന് ര​ണ്ട​ക്ഷ​ര​ത്തി​ൽ അ​ടി​ക്കു​റി​പ്പെ​ഴു​തി വി.​എ​സ് ജ്വ​ലി​ച്ച​ട​ങ്ങി. പോ​രാ​ട്ട​ത്തി​ന്‍റെ തീ​നാ​മ്പു​ക​ൾ നെ​ഞ്ചി​ൽ കൊ​ളു​ത്തി നാ​ടാ​കെ പ​ട​ർ​ത്തി​യ അ​തേ സ​മ​ര​ഭൂ​മി​യി​ലേ​ക്ക് ​കേ​ര​ള​ത്തി​ന്‍റെ രാ​ഷ്ട്രീ​യാ​തി​ശ​യം മ​ട​ങ്ങി. ആ​ല​പ്പു​ഴ വ​ലി​യ ചു​ടു​കാ​ട്ടി​ലെ പു​ന്ന​പ്ര-​വ​യ​ലാ​ർ ര​ക്ത​സാ​ക്ഷി​ക​ളു​ടെ ബ​ലി​കു​ടീ​ര​ങ്ങ​ൾ​ക്കി​ട​യി​ലൊ​രു​ക്കി​യ ചി​ത​യി​ൽ രാത്രി 9.15ന് മകൻ അരുൺകുമാർ വി. എസിന്റെ ചിതക്ക് തീകൊളുത്തി. ചിതക്ക് തീകൊളുത്തിയതിനു പിന്നാലെ മുഖ്യമന്ത്രി പിണറായി വിജയൻ ഉൾപ്പെടെ പ്രമുഖ നേതാക്കൾ പ​ങ്കെടുത്ത അനുശോചന യോഗം ​ചേർന്നു.

വി.എസ് മടങ്ങുമ്പോൾ പ്രകൃതി കണ്ണീർ പൊഴിക്കുകയായിരുന്നില്ല, പൊട്ടിക്കരയുകയായിരുന്നു. സങ്കടത്തള്ളിച്ചയാലെന്ന പോലെ തുള്ളിമുറിയാതെ കർക്കിടക മാനം പൊട്ടിവീണുകൊണ്ടിരുന്നു. തീ​ക്ക​ന​ൽ തു​പ്പി നാ​ണം​കെ​ട്ട തോ​ക്കു​ക​ൾ​ക്കു മു​ന്നി​ൽ വാ​രി​ക്കു​ന്ത​വു​മാ​യി പി​ട​ഞ്ഞു​വീ​ണ പ​ഴ​യ സ​ഹ​പോ​രാ​ളി​ക​ളെ പ​ട്ടാ​ളം നി​ർ​ദ​യം കൂ​ട്ടി​യി​ട്ട്​ ക​ത്തി​ച്ച അ​തേ സ​മ​ര​ഭൂ​മി​യി​ൽ വി.എസ് ഉറങ്ങി. സ​മ​ര​പ​ഥ​ങ്ങ​ളി​ൽ ഇ​ണ​ങ്ങി​യും പി​ണ​ങ്ങി​യും ന​ട​ന്ന നേ​താ​ക്ക​ന്മാ​ർ​ക്കി​ട​യി​ൽ.

നാ​ടി​ന്‍റെ അ​ങ്ങേ​ത്ത​ല​ക്ക​ൽ​നി​ന്നു​വ​രെ വി.എസിനെ അ​വ​സാ​ന നോ​ക്ക്​ കാ​ണാ​ൻ പ​തി​നാ​യി​ര​ങ്ങ​ളാണ് ഒ​ഴു​കി​യെ​ത്തി​യത്. ക​ണ്ണീ​ര​ണി​ഞ്ഞ്​ മു​ഷ്ടി​ചു​രു​ട്ടി ക​ണ്ഠ​മി​ട​റി അ​വ​ർ വി​ളി​ച്ച മു​ദ്രാ​വാ​ക്യ​ങ്ങ​ൾ​ക്കി​ട​യി​ലൂ​ടെയാണ് പ്രിയ സഖാവിനെ ചി​ത​യി​ലെത്തിച്ചത്. പി. ​കൃ​ഷ്ണ​പി​ള്ള​യും ടി.​വി. തോ​മ​സും ഗൗ​രി​യ​മ്മ​യും പി.​ടി. പു​ന്നൂ​സും ആ​ർ. സു​ഗ​ത​നും സി.​കെ. ച​ന്ദ്ര​പ്പ​നും അ​ട​ങ്ങു​ന്ന നേ​താ​ക്ക​ൾ​ക്കി​ട​യി​ൽ വി.​എ​സും അ​മ​ര​നാ​യി.

തൊ​ഴി​ലാ​ളി​യാ​യും സം​ഘാ​ട​ക​നാ​യും പോ​രാ​ളി​യാ​യും വി​പ്ല​വ​നാ​യ​ക​നാ​യും നി​റ​ഞ്ഞു​നി​ന്ന സ്വ​ന്തം ത​ട്ട​കം വി.​എ​സി​നെ ഏ​റ്റു​വാ​ങ്ങു​ന്ന വി​കാ​ര​ഭ​രി​ത നി​മി​ഷ​ങ്ങ​ളി​ൽ ആ​യി​ര​മാ​യി​രം ക​ണ്ഠ​ങ്ങ​ളി​ൽ​നി​ന്ന്​ അ​പ്പോ​ൾ ആ ​മു​ദ്രാ​വാ​ക്യം മു​ഴ​ങ്ങി: ‘ഇ​ല്ല സ​ഖാ​വേ മ​രി​ക്കു​ന്നി​ല്ല... ജീ​വി​ക്കു​ന്നൂ ഞ​ങ്ങ​ളി​ലൂ​ടെ...’ അ​വ​കാ​ശ​ബോ​ധ​ത്തി​ന്‍റെ ചെ​​ങ്കൊ​ടി പി​ടി​ക്കാ​ൻ പ​ഠി​പ്പി​ച്ച, സി​ര​ക​ളി​ൽ വി​പ്ല​വം നി​റ​ച്ച നേ​താ​വി​ന്​ ഉ​ചി​ത​മാ​യ യാ​ത്ര​യ​യ​പ്പ്.

തി​രു​വ​ന​ന്ത​പു​ര​ത്തു​നി​ന്ന്​ ചൊ​വ്വാ​ഴ്ച ഉ​ച്ച​ക്ക്​​ ര​ണ്ടോ​ടെ വി.​എ​സി​നെ​യും വ​ഹി​ച്ച്​ പു​റ​പ്പെ​ട്ട പ്ര​​​ത്യേ​ക വാ​ഹ​നം കാ​ത്തു​കാ​ത്തു​നി​ന്ന ജ​ന​പ​ഥ​ങ്ങ​ളും ഉ​റ​ക്കം മ​റ​ന്നു​നി​ന്ന തെ​രു​വോ​ര​ങ്ങ​ളും ക​ട​ന്ന്​ പു​ന്ന​പ്ര പ​റ​വൂ​രി​ലെ വേ​ലി​ക്ക​ക​ത്ത്​ വീ​ട്ടി​ൽ എ​ത്തി​യ​ത്​ 22 മ​ണി​ക്കൂ​ർ പി​ന്നി​ട്ടാ​യി​രു​ന്നു. ആ​ൾ​ക്ക​ട​ൽ താ​ണ്ടി​യെ​ത്തി​യ വി.​എ​സി​ന്‍റെ ഭൗ​തി​ക​ശ​രീ​രം പി​ന്നീ​ട്​ ആ​ല​പ്പു​ഴ ജി​ല്ല ക​മ്മി​റ്റി ഓ​ഫി​സി​ലും റി​ക്രി​യേ​ഷ​ൻ ഗ്രൗ​ണ്ടി​ലും പൊ​തു​ദ​ർ​ശ​ന​ത്തി​നു വെ​ച്ച​പ്പോ​ൾ ഇ​ട​മു​റി​യാ​ത്ത മ​ഴ​യാ​യി​രു​ന്നു.

അ​ണ​മു​റി​യാ​ത്ത അ​നു​യാ​യി​ക​ളു​ടെ അ​ന്ത്യോ​പ​ചാ​ര​ങ്ങ​ൾ ഏ​റ്റു​വാ​ങ്ങി​യാ​ണ്​ വ​ലി​യ ചു​ടു​കാ​ട്ടി​ലേ​ക്ക്​ വി.​എ​സി​നെ കൊ​ണ്ടു​വ​ന്ന​ത്. ത​ലേ​ന്നു​ രാ​ത്രി മു​ത​ൽ ഒ​രു​നോ​ക്കു​കാ​ണാ​ൻ കാ​ത്തി​രു​ന്ന കാ​സ​ർ​കോ​ട്​​ മു​ത​ലു​ള്ള പ​തി​നാ​യി​ര​ങ്ങ​ൾ നി​റ​ഞ്ഞു​ക​വി​ഞ്ഞ​പ്പോ​ൾ എ​ല്ലാ സ​മ​യ​ക്ര​മ​വും തെ​റ്റു​ക​യാ​യി​രു​ന്നു.

പാ​ർ​ട്ടി വ​ര​ച്ച വ​ര​ക​ൾ പ​ല​കു​റി തെ​റ്റി​ച്ച വി.​എ​സി​ന്‍റെ അ​ന്ത്യ​യാ​ത്ര​യും സ​മ​യ​രേ​ഖ​ക​ൾ തെ​റ്റി​ച്ചു. നേ​ര​ത്തേ വൈ​കീ​ട്ട്​ നാ​ലി​നു നി​ശ്ച​യി​ച്ച സം​സ്കാ​രം ഏ​റെ വൈ​കി​യാ​ണ്​ ന​ട​ത്താ​നാ​യ​ത്. അ​പ്പോ​ഴും പ്രി​യ സ​ഖാ​വി​ന്‍റെ വേ​ർ​പാ​ടി​ലെ സ​ങ്ക​ടം പെ​രു​മ​ഴ​യാ​യി തി​മി​ർ​ത്തു​കൊ​ണ്ടി​രു​ന്നു. ആ ​മ​ഴ​യി​ര​മ്പ​ൽ ആ​വ​ർ​ത്തി​ച്ചു പ​റ​ഞ്ഞു​കൊ​ണ്ടി​രു​ന്നു: ഇ​ങ്ങ​നെ​യൊ​രു പോ​രാ​ളി ഇ​നി ഉ​ണ്ടാ​വു​ക​യേ​യി​ല്ല.ഇ​നി, വി.​എ​സി​​ല്ലാ​ത്ത കേ​ര​ളം...