വരുമാനം കൂട്ടാൻ ബി.ഒ.ടി പദ്ധതികൾ: അനു​മതി തേടി ജല അതോറിറ്റി

തി​രു​വ​ന​ന്ത​പു​രം: ജ​ലേ​ത​ര വ​രു​മാ​നം വ​ർ​ധി​പ്പി​ക്കാ​ൻ ല​ക്ഷ്യ​മി​ട്ടു​ള്ള പൊ​തു​സ്വ​കാ​ര്യ പ​ങ്കാ​ളി​ത്ത (പി.​പി.​പി), ബി​ൽ​ഡ്​ ഓ​പ​റേ​റ്റ്​ ട്രാ​ൻ​സ്ഫ​ർ (ബി.​ഒ.​ടി) പ​ദ്ധ​തി​ക​ൾ ന​ട​പ്പാ​ക്കാ​ൻ അ​നു​മ​തി തേ​ടി ജ​ല അ​തോ​റി​റ്റി സ​ർ​ക്കാ​റി​നെ സ​മീ​പി​ച്ചു. വി​വി​ധ ജി​ല്ല​ക​ളി​ലെ ഭൂ​മി​യി​ൽ പി.​പി.​പി, ബി.​ഒ.​ടി മാ​തൃ​ക​ളി​ൽ വി​വി​ധ വി​ക​സ​ന-​വ​രു​മാ​ന പ​ദ്ധ​തി​ക​ൾ ന​ട​പ്പാ​ക്കാ​നാ​ണ്​ ല​ക്ഷ്യ​മി​ടു​ന്ന​ത്. ഇ​തു​സം​ബ​ന്ധി​ച്ച്​ ജ​ല​വി​ഭ​വ വ​കു​പ്പ്​ അ​ഡീ​ഷ​ന​ൽ ചീ​ഫ്​ സെ​ക്ര​ട്ട​റി​യു​ടെ നേ​തൃ​ത്വ​ത്തി​ൽ ഉ​ന്ന​ത​ത​ല​യോ​ഗം ചേ​ർ​ന്നി​രു​ന്നു.

ജ​ല അ​തോ​റി​റ്റി എം.​ഡി, ടെ​ക്​​നി​ക്ക​ൽ ​മെം​ബ​ർ, പ്രോ​ജ​ക്ട്​​സ്​ ആ​ൻ​ഡ്​ ഓ​പ​റേ​ഷ​ൻ​സ് ചീ​ഫ്​ എ​ൻ​ജി​നീ​യ​ർ, ഫി​നാ​ൻ​സ്​ മാ​നേ​ജ​ർ തു​ട​ങ്ങി​യ​വ​ർ പ​​ങ്കെ​ടു​ത്ത യോ​ഗ​ത്തി​ൽ ഇ​ത്ത​രം പ​ദ്ധ​തി​ക​ൾ അ​നി​വാ​ര്യ​മാ​ണെ​ന്ന അ​ഭി​പ്രാ​യ​മാ​ണ്​ ഉ​യ​ർ​ന്ന​ത്. എ​ന്നാ​ൽ, ​സ്വ​കാ​ര്യ പ​ങ്കാ​ളി​ത്ത​ത്തോ​ടെ​യു​ള്ള പ​ദ്ധ​തി​ക​ൾ​ക്ക്​ ഭൂ​മി കൈ​മാ​റു​ന്ന​ത്​ ക​രു​ത​ലോ​ടെ വേ​ണ​മെ​ന്ന്​ ജ​ല അ​തോ​റി​റ്റി​യി​ലെ ഭ​ര​ണ​പ​ക്ഷ യൂ​നി​യ​നു​ക​ളി​ൽ നി​ന്ന്​ ത​ന്നെ വി​യോ​ജി​പ്പ്​ ഉ​യ​ർ​ന്ന സാ​ഹ​ച​ര്യ​ത്തി​ൽ​ സ​ർ​ക്കാ​ർ അ​നു​മ​തി​യോ​ടെ മു​ന്നോ​ട്ടു​പോ​യാ​ൽ മ​തി​യെ​ന്ന തീ​രു​മാ​ന​ത്തി​ലെ​ത്തു​ക​യാ​യി​രു​ന്നു. സ്വ​കാ​ര്യ പ​ങ്കാ​ളി​ത്തം സ​ർ​ക്കാ​റി​ന്‍റെ ന​യ​പ​ര​മാ​യ തീ​രു​മാ​ന​മാ​ണെ​ന്ന വി​ല​യി​രു​ത്ത​ൽ ചേ​ർ​ന്ന ഡ​യ​റ​ക്ട​ർ ബോ​ർ​ഡി​ലു​മു​ണ്ടാ​യി. തു​ട​ർ​ന്നാ​ണ്​ പ​ദ്ധ​തി ന​ട​പ്പാ​ക്കി​യാ​ലു​ള്ള നേ​ട്ട​ങ്ങ​ൾ വി​വ​രി​ച്ച്​ അ​നു​മ​തി​ക്കാ​യി സ​ർ​ക്കാ​റി​നെ സ​മീ​പി​ച്ച​ത്.

വാ​ണി​ജ്യ​കേ​​​ന്ദ്ര​ങ്ങ​ൾ, റി​സോ​ർ​ട്ടു​ക​ൾ, റ​സ്​​റ്റാ​റ​ന്‍റു​ക​ൾ, ഗെ​സ്​​റ്റ്​ ഹൗ​സു​ക​ൾ എ​ന്നി​ങ്ങ​നെ വി​വി​ധ ആ​വ​ശ്യ​ങ്ങ​ൾ​ക്ക്​ ഭൂ​മി ഉ​പ​യോ​ഗി​ക്കു​ക​യാ​ണ്​ ല​ക്ഷ്യം. ഭൂ​മി​യി​ൽ നി​ർ​മാ​ണ പ്ര​വ​ർ​ത്ത​ന​ങ്ങ​ൾ​ക്കും മ​റ്റും ചെ​ല​വി​ടാ​നു​ള്ള പ​ണം ജ​ല ​അ​തോ​റി​റ്റി​ക്ക്​ ഇ​ല്ലാ​ത്ത​തി​നാ​ൽ നി​ക്ഷേ​പ​ക​രെ ക​ണ്ടെ​ത്തു​ക​യ​ല്ലാ​തെ മ​റ്റ്​ വ​ഴി​ക​ളി​ല്ലെ​ന്നാ​ണ്​ മാ​​നേ​ജ്​​മെ​ന്‍റ്​ വി​ല​യി​രു​ത്ത​ൽ. അ​തേ​സ​മ​യം പ​ദ്ധ​തി​ക​ൾ​ക്കാ​യി കൈ​മാ​റു​ന്ന ഭൂ​മി​യു​ടെ ഉ​ട​മ​സ്ഥാ​വ​കാ​ശം രേ​ഖ​ക​ളി​ൽ ജ​ല അ​തോ​റി​റ്റി​യി​ൽ ത​ന്നെ​യാ​യി​രി​ക്കു​മെ​ങ്കി​ലും ദീ​ർ​ഘ​കാ​ലാ​ടി​സ്ഥാ​ന​ത്തി​ൽ ന​ൽ​കു​ന്ന ക​രാ​റു​ക​ൾ സ്വ​ത്തു​വ​ക​ക​ളി​ൽ ജ​ല അ​തോ​റി​റ്റി​യു​ടെ നി​യ​​​ന്ത്ര​ണം ന​ഷ്ട​പ്പെ​ടു​ത്തു​മെ​ന്നാ​ണ്​ ആ​ശ​ങ്ക ഉ​യ​രു​ന്ന​ത്.

ഇ​തി​നി​ടെ, ജ​ല അ​തോ​റി​റ്റി​യു​ടെ കോ​ടി​ക​ൾ വി​ല​വ​രു​ന്ന സ്വ​ത്തു​വ​ക​ക​ളു​ടെ വി​ശ​ദാം​ശ​ങ്ങ​ൾ ശേ​ഖ​രി​ച്ച്​ ഡി​ജി​​റ്റൈ​സ്​ ചെ​യ്യാ​നും ന​ട​പ​ടി തു​ട​ങ്ങി. ജ​ല​വി​ത​ര​ണ ആ​വ​ശ്യ​ങ്ങ​ൾ​ക്ക​ല്ലാ​തെ​യു​ള്ള ഭൂ​മി​യും മ​റ്റും എ​ങ്ങ​നെ ലാ​ഭ​ക​ര​മാ​യി വി​നി​യോ​ഗി​ക്കാ​മെ​ന്ന​ത്​ സം​ബ​ന്ധി​ച്ച പ​ഠ​ന​ത്തി​ന്​ ക​ൺ​സ​ൽ​ട്ട​ന്‍റി​നെ നി​യോ​ഗി​ക്കാ​നും തീ​രു​മാ​നി​ച്ചി​ട്ടു​ണ്ട്.