അഞ്ച്​ ട്രെയിനുകൾ റദ്ദാക്കി

തിരുവനന്തപുരം: സംസ്​ഥാനത്ത്​ ശക്​തമായ മഴയെ തുടർന്ന്​ നിരവധിയിടങ്ങളിൽ റോഡ്​​ ഗതാഗതം തടസപ്പെടുകയും നെടുമ്പാശ്ശേരി വിമാനത്താവളം നാല് ദിവസത്തേക്ക് അടച്ചുപൂട്ടുകയും ചെയ്​തതിനു പിറകെ അഞ്ച്​ പാസഞ്ചർ ട്രെയിനുകളും റദ്ദാക്കി. നാഗർകോവിൽ-കൊച്ചുവേളി, കൊല്ലം-പുനലൂർ, കൊല്ലം-ചെ​േങ്കാട്ട, ഇടമൺ പാസഞ്ചർ ട്രെയിനുകളാണ്​ റദ്ദാക്കിയത്​. ​െഎലൻറഡ്​ എക്​സ്​പ്രസ്​, ജയന്തി ജനത, ഏറനാട്​ എക്​സ്​പ്രസ്​ തുടങ്ങിയ ട്രെയിനുകൾ വൈകും.

കൊല്ലം-ചെങ്കോട്ട പാതയിൽ രണ്ട് ദിവസത്തേക്ക് ട്രെയിൻ ഗതാഗതം നിർത്തി. തിരുവനന്തപുരം-തൃശൂർ സെക്ഷനിൽ പാളത്തിൽ വെള്ളം കയറിയതിനെ തുടർന്ന് ട്രെയിനുകൾ വൈകിയോടുകയാണ്. ഇരണിയാൽ കുഴിത്തുറ ഭാഗത്ത് റെയിൽ പാളത്തിൽ മണ്ണിടിഞ്ഞു വീണു. തിരുവനന്തപുരം-നാഗർകോവിൽ റൂട്ടിൽ ട്രെയിൻ ഗതാഗതം നി‍യന്ത്രിച്ചു. ട്രാക്കിൽ വെള്ളം കയറിയതിനെ തുടർന്ന് ട്രെയിനുകളുടെ വേഗത കുറച്ചിട്ടുണ്ട്.